Филмот „До Балчак“ прикажан на Меѓународниот фестивал Нанси – Лорен во Франција - Канал 5

Култура

Филмот „До Балчак“ прикажан на Меѓународниот фестивал Нанси – Лорен во Франција

Македонскиот игран филм „До Балчак“ на Столе Попов, беше прикажан на Меѓународниот филмски фестивал Нанси – Лорен, Франција, на кој присуствуваше и главната актерка во филмот, Инти Шрај, јавува дописникот на МИА.

Филмот „До Балчак“ прикажан на Меѓународниот фестивал Нанси – Лорен во Франција
Прикажувањето на филмот предизвика интерес кај француските медиуми. Француската национална телевизија Франс 3 прикажа извадок од филмот за време на главните вести, а за најтиражниот регионален весник во Франција „Л’Ест Републикан“ тоа беше „вистински настан“ и можност да се открие не многу познатата македонска кинематографија од страна на француската публика.

На фестивалот се одржаа две проекции на „До Балчак“ - првата под отворено небои втората во едно од најпознатите француски кина „Камео“, а публиката реагираше многу позитивно и учествуваше во дискусијата по неговото прикажување.

Организорите на фестивалот во Нанси филмот го прикажаа во оригиналната верзија и самите го направија преводот на француски јазик на титловите на филмот. Учеството на филмот на францускиот фестивал беше овозможено од Агенцијата за Филм на Република Македонија и режисерот Столе Попов, кој од оправдани причини не можеше да допатува во Нанси.

- За мене ова прикажување во Франција беше многу важно, бидејќи во половината од филмот зборувам на француски. Јас сум многу среќна што филмот излезе од регионот на Балканот, што по прв пат сe прикажа тука и што тој и се допадна на публиката. Жал ми е што не беше тука целата екипа. Но, среќна сум што барем јас го претставив филмот на фестивалот, изјави Шрај, која е со француско и словенечко потекло.

„Меѓународниот филмски фестивал Нанси-Лорен“, кој годинава го имаше своето 21-во издание е организиаран од асоцијацијата „Ај Ај В.О.“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Блокирана сметката на Јелена Карлеуша поради присилна наплата!!

Сметката на Јелена Карлеуша е блокирана поради присилна наплата,  должи 800.000 динари, а компанијата и претходно имала проблеми.

Блокирана сметката на Јелена Карлеуша поради присилна наплата!!

Компанијата на Јелена Карлеуша, „JK Entertainment“, е во големи проблеми, а сега се дозна дека сметката е блокирана.

Пејачката Јелена Карлеуша се најде во сериозни финансиски проблеми, а ова не е првпат таа да се соочи со ваква ситуација.

Имено, најновите информации покажуваат дека фирмата во нејзина сопственост, која работи под името „JK Entertainment“, повторно е блокирана поради присилна наплата.

Според податоците од официјалните евиденции на Народната банка на Србија, сметката на претприемачкиот субјект „Jelena Karleuša PR performing arts JK Entertainment“ има статус „блокирана поради присилна наплата“, а вкупниот износ на блокадата изнесува 788.703,15 динари.

Најновата блокада е евидентирана на 6 ноември оваа година и, според податоците од 11 ноември, таа трае веќе пет дена.

Од достапните податоци не може да се утврди кому му се должат парите, ниту пак врз која конкретна основа е покрената присилна наплата. Нејзината сметка и претходно била блокирана Ова не е првпат компанијата на познатата пејачка да се најде во ваква ситуација.

Според евиденцијата, сметката била блокирана во пет наврати во текот на изминатите пет години, вклучително и оваа година.

Првпат сметката на Карлеуша била во блокада на 17 октомври 2023 година, кога блокадата траела еден ден. Само една недела подоцна, на 25 октомври, сметката повторно била блокирана, овојпат во траење од осум дена. Финансиски тешкотии во вид на блокирани сметки биле забележани и на 26 септември 2024 година, кога блокадата траела еден ден.

Слична ситуација се повторила и оваа есен, кога сметката била блокирана во периодот од 1 до 12 октомври, односно вкупно 11 дена, по што повторно била блокирана на 6 ноември.

Присилната наплата подразбира постапка во која Народната банка на Србија, врз основа на соодветни извршни одлуки или налози, ги наплатува обврските од сметката на должникот без негова согласност. Ваквата наплата може да се спроведе по различни основи, вклучувајќи даночни и други јавни долгови, судски одлуки, како и одредени налози од доверители.

Во овој конкретен случај, јавно достапните податоци го покажуваат износот и времетраењето на блокадата, но не ја откриваат природата на обврската поради која е покрената постапката.

Инаку, фирмата „JK Entertainment“ е регистрирана во 2021 година за дејност во областа на изведувачките уметности.

Тагови: Јелена Карлеуша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Канал 5 Телевизија со барање за извинување од Славе Младеновски

Поради тврдењата на Славе Младеновски од Здружението на медијатори на ЈИЕ, изнесени по електронски пат со содржина:„Има ли некој што мисли дека Канал 5 не добива пари за ваков вид емисии“, Канал 5 Телевизија бара официјално извинување во рок од 24часа

Канал 5 Телевизија со барање за извинување од Славе Младеновски

Поради тврдењата на Славе Младеновски од Здружението на медијатори на ЈИЕ, изнесени по електронски пат со содржина: „Има ли некој што мисли дека Канал 5 не добива пари за ваков вид емисии“, Канал 5 Телевизија бара официјално извинување во рок од 24 часа.

Во спротивно, ваквите инсинуации Младеновски ќе треба да ги докаже на суд. Бришењето на коментарот нема да влијае врз одлуката да се поведе правна постапка.

На вчерашниот исечок од емисијата „Само вистина“, Младеновски коментираше и инсинуираше дека Канал 5 добивала пари за емисијата, која е бренд во македонскиот етер.

На овој начин, Канал 5 сака да ги заштити својот углед, угледот на новинарите и слободата на говорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Најпознатата хрватска навивачка покажа како навистина изгледа деколте „до папокот“

Најпознатата хрватска навивачка повторно привлекува внимание: Покажа како навистина изгледа деколте „до папокот“.

Фото: Најпознатата хрватска навивачка покажа како навистина изгледа деколте „до папокот“

Хрватската навивачка, инфлуенсерка и диџејка Ивана Кнол повторно го привлече вниманието на јавноста со смело модно издание.

Овој пат „жешката“ Ивана блесна на еден настап во Лас Вегас, каде што се појави во тесен, проѕирен чипкаст комбинезон кој остави малку простор за имагинацијата.

Кнол, која стана позната во јавноста како една од најстрасните навивачки на хрватската фудбалска репрезентација, во последните години гради и диџејска кариера, а нејзините модни избори редовно предизвикуваат коментари на социјалните мрежи.

За настапот во Лас Вегас, таа избра црн комбинезон со долги ракави, изработен од проѕирна тантела со цветен дезен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер