Филипче за обвинувањата за подготовка на хаос на изборите: Лични дискредитации и измислени сценарија од Мицкоски - Канал 5

Македонија

Филипче за обвинувањата за подготовка на хаос на изборите: Лични дискредитации и измислени сценарија од Мицкоски

Сценарио за дестабилизација ниту имало, ниту ќе има, зад ваквите обвинувања Мицкоски го крие неуспехот на сопствените политики, порача лидерот на СДСМ Венко Филипче по изјавите на премиерот дека СДСМ заедно со ДУИ подготвуваат план за хаос на изборите

Филипче за обвинувањата за подготовка на хаос на изборите: Лични дискредитации и измислени сценарија од Мицкоски

Според Филипче, премиерот Мицкоски во недостиг на идеи и резултати се занимава со лични дискредитации и измислени сценарија за дестабилизација. Тој како лажни вести и конструкции ги отфрли и обвинувањата дека поседува недвижнини и луксузни добра во странство, но не одговори конкретно околу неговиот одмор и кому припаѓа јахтата за која беше прозван од ВМРО-ДПМНЕ. Негира дека се консултитира со екс премиерот Заев и вели дека одлуките ги носи со новото раководство на партијата.

-Тој нема никаков успех кој може да го презентира, нема добра политика, гледаме што се случува во економијата, запрен е патот кон ЕУ, тонеме во поделби во општеството како заслуга на политиката. Жалам што еден таков ПР систем развива ВМРО-ДПМНЕ со свои медиумски инструменти со луѓе коишто пишуваат по социјалните медиуми. Иницијаторите на овие приказни се кукавици, и политички и во секој друг поглед. Обично мантрата е – ти си лопов, криминалец. Но, додека ВМРО-ДПМНЕ е на власт, противниците на Македонија мирно спијат, изјави Филипче.

Филипче најави дека ќе води позитивна кампања за локалните избори. Најголемиот дел од кандидатите на СДСМ за локалните избори се веќе финализирани, а до крајот на оваа недела кажа дека ќе ги објават и останатите. Прашан дали СДСМ планира да коалицира или соработува со ДУИ, Филипче остави отворена врата за коалиции со партии од албанскиот блок во вториот круг.

-Во однос на кандидатите, ние практично го финализиравме изборот на кандидати за најголемиот број на општини, дефинирани се сите и до крајот на оваа, почеток на следната недела ќе ги презентираме и тие кандидати кои што останаа. Ги избравме најдобрите кандидати, тие којшто се и признати и познати во своите средини, кои имаат кредибилитет да излезат пред граѓаните. Во однос на коалициите во првиот круг од изборите настапуваме со нашата постоечка коалиција, а во однос на вториот круг ќе разговараме и со другите партии од албанскиот блок, изјави Филипче.

Лидерот на СДСМ на денешната прес-конференција ја обвини Владата предводена од ВМРО-ДПМНЕ за историски најлоши економски политики во државата, со кои според него граѓаните се осиромашуваат. Реалните бројки, како што рече, а не оние измислени од премиерот покажуваат дека платите стагнираат, а цените и инфлацијата се зголемуваат. Трошоците за живот, според него се зголемиле за 4.300 денари, додека во исто време минималната плата пораснала само за 1.800 денари. Инфлацијата е 4,8%, а минималната синдикална кошница, откако ВМРО-ДПМНЕ е на власт, секој месец урива нови рекорди, кажа Филипче, кој меѓудругото, побара итни мерки за заштита на стандардот на граѓаните.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле.

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Зборувајќи на погребната церемонија за 110 лица убиени во војната меѓу Иран и Ирак во 1980-тите, позната таму како „Света одбрана“, денеска во Техеран, заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле откако сфатил дека неговите агенти и платеници не се способни да се соочат со Исламската револуција, објави Тасним њуз.

Тој рече дека агресорите се обиделе да го распарчат Иран, да го соборат неговиот политички систем, да го лишат од неговите нуклеарни и ракетни капацитети, да го ослабат Фронтот на отпорот и да ги ограбат неговите нафтени ресурси, како што направија во Венецуела, во обид да го понижат иранскиот народ.

Генерал-мајор Езади истакна дека воените капацитети и одвраќањето на Иран достигнале ниво каде што командантите на ракетните линии на фронтот лансираат ракети со боеви глави тешки два тона на растојание од 1.500 километри, со што ги попречуваат непријателските планови насочени кон безбедноста и моќта на земјата.

Тој додаде дека непријателските бази на копно и море биле подложени на разорни напади од страна на иранските борци, истакнувајќи дека стравот од воените капацитети на Иран ги навел самите противници да признаат дека нивните ракетни залихи и ресурси се значително исцрпени.

Заменик-командантот на ИРГК нагласи дека иранските вооружени сили ќе одговорат веднаш и ефикасно на агресијата и ќе ги натераат напаѓачите да се покаат за своите постапки, во случај на каква било закана, без оглед на нејзиниот интензитет или природа. Тие исто така ќе дејствуваат „без никакви географски ограничувања“ за да ги уништат корените на угнетувањето и ароганцијата, додаде тој.

Изјавите дојдоа откако Врховниот лидер на Исламската револуција, ајатолахот Сејед Моџтаба Хосеини Хамнеи, ја нагласи важноста на одржувањето висока борбена готовност и максималното ниво на одвраќање од потенцијални закани. На неодамнешниот состанок со високи воени команданти, Врховниот лидер нареди итен и силен одговор на каква било закана, без географски ограничувања, нагласувајќи дека ако непријателите обноват воени или терористички напади, иранските вооружени сили и народот ќе одлучат кога ќе завршат и под кои услови.

Тагови: Иран боеви глави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

За рекордна сума е продаден светлечкиот меч на Дарт Вејдер (ВИДЕО)

Светлечкиот меч што го користел Дарт Вејдер во филмовите „Империјата го возвраќа ударот“ и „Враќањето на Џедајот“ е продаден на аукција за 4,87 милиони долари, поставувајќи нов рекорд за колекционерски предмети од серијата „Војна на ѕвездите“.

За рекордна сума е продаден светлечкиот меч на Дарт Вејдер (ВИДЕО)

Мечот бил користен во познатиот дуел за време на кој Вејдер му открива на Лук Скајвокер дека е негов татко, изговарајќи една од најпознатите реплики од филмската сага: „Јас сум твојот татко“, објави АП.

Аукциите „Херитиџ“, кои ја организираа продажбата како дел од „Ултимативната аукција на Војна на ѕвездите“, соопштија дека тоа е најскапиот реквизит од серијата што всушност бил користен за време на снимањето.

YouTube video

Претходниот рекорд беше поставен во јули, кога светлосниот меч на Скајвокер, заедно со реквизит што ја претставува неговата отсечена рака, беа продадени за 3,75 милиони долари.

Аукцијата вклучува и 27 други светлечки мечеви од „Војна на ѕвездите“, како и предмети од сите девет епизоди од филмската серија и други филмови и телевизиски продукции.

Тагови: Дарт Вејдер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Експлодира автомобил во Москва- во него бил советникот на поранешниот премиер на Украина (ВИДЕО)

Автомобил „Тојота“ експлодираше во московското предградие Чертаново, на улицата Кировоградска, а во возилото се наоѓал рускиот пропагандист Сергеј Заворотни (72), кој е повреден.

Експлодира автомобил во Москва- во него бил советникот на поранешниот премиер на Украина (ВИДЕО)

Според првичните информации, експлозијата се случила околу 200 метри откако автомобилот го напуштил дворот на зградата, пишува Украинска правда.

Силата на детонацијата го исфрлила возачот од возилото на патот. Се претпоставува дека експлозивната направа била поставена под возачкото седиште и дека била активирана додека автомобилот бил во движење.

Заворотни претрпел повреди на градите и грбот, како и сериозни повреди на нозете. Според достапните информации, тој ја преживеал експлозијата.

Кој е Сергеј Заворотни?

Заворотни е руски публицист и кандидат за историски науки, кој претходно работел во Државната дума, а бил и советник на поранешниот украински премиер Микола Азаров, кој избегал во Москва откако ја напуштил власта.

Во јули 2015 година, тој учествуваше во основањето на „Комитетот за спасение на Украина“, организација основана од Азаров. Заворотни беше познат по својата поддршка за Кремљ и неговите антиукраински ставови. Тој ја нарече Револуцијата на достоинството во Украина државен удар и го обвини Западот за мешање во внатрешните работи на земјата.

Во извештајот на американскиот Сенат за руското мешање во политичките процеси се наведува дека Заворотни бил офицер на руската служба за надворешно разузнавање и учествувал во операции за влијание. Тој бил поврзан и со медиумскиот проект „Антифашист“ и е еден од авторите на книга чија содржина била насочена против Украина.

Експлозијата во Москва се случи еден ден откако автомобил експлодираше во градот Шушари, во областа Пушкин во Санкт Петербург, на чиј волан, според извештајот, возел руски полковник. Тој почина на местото на настанот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер