Филипче: Трансплантацијата е зрак на надeж за пациентите, нивните семејства - Канал 5

Здравје

Филипче: Трансплантацијата е зрак на надeж за пациентите, нивните семејства

Министерот за здравство Венко Филипче вчера учествуваше на панел дискусија на тема „Органодарителство – состојба и предизвици", во организација на сопругата на претседателот, Елизабета Ѓоргиевска.

Филипче: Трансплантацијата е зрак на надeж за пациентите, нивните семејства

Целта на панел дискусијата е подигнување на јавната свест за дарување на органи и развој на трансплантацијата во нашата држава. Покрај претседателот и првата дама присуствуваше и Националниот координатор за трансплнатација на органи и ткива доц. д-р Маја Мојсова Мијовска, како и координаторите за трансплантација на сите тимови.

Министерот Филипче истакна дека трансплантацијата е сфера која секогаш носи предизвици, бидејќи се изведува со мултисекторски и мултидисциплинарен пристап, а подигнувањето на јавната свест за органодонорство е можна само преку отворен пристап, преку споделување на информации, како и со споделување на успешните приказни.

„Трансплантацијата е зрак на надеж не само за пациентите, туку и за семејствата на пациентите, за нивните пријатели, но и за општеството", рече министерот Филипче.

Според д-р Маја Мојсова Мијовска, Национален координатор за трансплантација, органодарителството е општо прифатена и успешна метода на лечење, што го продолжува животот, го подобрува неговиот квалитет и е економски исплатлива, бидејќи, како што нагласи, чини многу помалку од сите други методи на одржување во живот на пациентите.

Во своето обраќање пред присутните, сопругата на претседателот д-р Ѓоргиевска истакна дека во исклучително тешки услови, кога фокусот на македонскиот здравствен систем е насочен во борбата со пандемијата на КОВИД-19, во нашата земја годинава за првпат беше изведена трансплатација на срце, a се извршија и десет трансплантации на бубрези.

„Се разбира, предизвиците што доаѓаат со органодарителството и со трансплантацијата се навистина огромни, дури и за системи коишто се далеку посовршени од нашето здравство, но знаењето, подготвеноста, капацитетите и, пред се, она што е најважно, ентузијазмот на сите оние коишто се вклучени во самиот процес, верувам дека и понатаму ќе резултираат со успех", рече Ѓоргиевска.

На настанот, на кој присуствуваше претседателот Стево Пендаровски и студенти, членови на Македонската медицинска студентска асоцијација и Здружението на студенти по медицина, меѓу говорниците беше Маре Кежароска, којашто пред две години заедно со својот брат, дала согласност да бидат донирани двата бубрези на нивната починатата мајка.

„Тешко е сознанието дека за твојот близок повеќе нема никаква надеж. Одлуката да донираш орган од твој близок, за којшто повеќе нема спас, воопшто не е тешка, затоа што знаете дека со сето тоа вие на некој му подарувате шанса за живот", рече Кежароска.

Васил Огњановски, син на Иван Огњановски, на кого му беше трансплантирано срце во мај, на панел дискусијата истакна дека свеста за органодарителството треба да биде на повисоко ниво и повеќе да не претставува табу тема. Како што рече Огњановски, очекува што повеќе луѓе да го следат хуманиот гест на семејството на починатата Емилија Динева.

„Можам да кажам дека семејството Диневи не го чувствувам како семејство кое донирало орган, туку чувствувам како јас да сум роден во тоа семејство. Комуницираме речиси секој ден. Имав можност летото да го поминам кај нив. Тоа беше момент преполн со емоции на тага и на среќа. Немам зборови како да го опишам тоа. Благодарен сум на Господ што ми даде шанса да имам уште еден брат, уште една сестра, а можам да кажам дека и нивниот татко го чувствувам како свој втор татко", рече Огњановски.

На панел-дискусијата, д-р Сашо Дохчев, шеф на тимот за трансплантација на Клиниката за Урологија посочи на потребата за поддршка од Владата, Министерството за здравство, Фондот за здравство, но и од невладиниот сектор и медиумите за да се нагласи значењето на органодарителството и да се покрене свеста кај луѓето.

Своја презентација на панел-дискусијата имаше и д-р Сашко Јовев, кардиохирург, предводник на тимот којшто ја изврши првата трансплантација на срце во нашата држава, истакнувајќи дека тоа било резултат на неколку годишна подготовка и стекнатото дотогашно искуство.

Своите искуства пред присутните ги сподели и д-р Кристијан Бундовски, специјализант по васкуларна хирургија, којшто беше дел од тимот што ја изврши првата трансплантација на срце, нарекувајќи ја ноќ што испиша историја во македонското здравство и утро коешто, за време на пандемијата, во целата држава внесе надеж.

„Нашата клиника буквално во секој момент е подготвена да направи трансплантација, за што треба сите да бидеме горди, бидејќи тоа покажува дека само со поставена цел и со макотрпна работа можеме да постигнеме многу повеќе од она што се поклонуваме пред Хипократ", рече Бундовски.

Душко Ѓорѓиев, претседател на Здружението на бубрежно болни граѓани „Нефрон" апелираше трансплантацијата во државата да се одвива со уште позасилено темпо и на пациентите на дијализа што побрзо да им се овозможи трансплантација на бубрег, бидејќи како што рече, животот на дијализа е исклучително тежок, сложен и болен.

Данијел Тодоровски, претседател на Националното здружението „Храбро срце", ја истакна потребата за унапредување на свеста за органодарителството.

„Ако 70 години се дарува крв и сега немаме проблем со крводарителството и со обезбедувањето крв за клиниките, ајде да почнеме да разговараме и за органодарителството, за можноста, за она што ние често пати знаеме да го кажеме - со една трансплантација на срце, ние пациентите од Храбро срце, што сме со механичка поддршка, можеме да станеме како вас, да живееме нормален живот. Но треба да сфатите дека сите вие во истиот момент можете да бидете на моето место. Тогаш, кога ќе почнеме вака да размислуваме, да разговараме отворено за овие работи, ќе можеме да разговараме и за успешни органодарителски акции", рече Тодоровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Стар грчки аеродром се преобразува во приморски град- добива облакодер од 200 метри

На подрачје кое со години беше запоставено и некористено се појавува сосема нов градски кварт - со станови, паркови, спортски терени, хотели, продавници и забавни објекти.

Стар грчки аеродром се преобразува во приморски град- добива облакодер од 200 метри

Поранешната област постепено се трансформира во нов урбан ентитет кој треба да ги комбинира животот, рекреацијата, бизнисот и крајбрежјето, објавува Reise Reporter.

Проект кој сè менува

По деталното планирање и градежните работи, пресвртницата дојде во 2026 година. Првите големи делови од комплексот се веќе отворени за јавноста, додека следните фази брзо се подготвуваат. Крајната цел е да се создаде нов простор кој треба да го промени начинот на кој жителите го користат овој дел од градот.

Проектот „Елиникон“ се спроведува јужно од центарот на Атина, на местото на поранешниот истоимен аеродром, кој беше затворен во 2001 година. На истата локација се создава градски кварт кој ќе се протега сè до морето.

Еден од првите големи делови од комплексот што почна да се користи е спортскиот парк „Елиникон“, официјално отворен на 17 септември. Тој опфаќа 287.000 квадратни метри, од кои повеќе од 115.000 квадратни метри се зелени површини.

Првата фаза вклучува атлетски стадион со нешто повеќе од 1.000 седишта, четири големи фудбалски игралишта, кошаркарски и тениски терени, како и патеки за пешаци и велосипедисти.

Влезот е претежно бесплатен, а паркот е отворен секој ден од 8 часот наутро до полноќ. Втората фаза планира да додаде дополнителни тениски терени, одбојка на плажа и велнес објекти.

Следната година би можела да биде уште позначајна. Според „Оикономикос Тахидромос“, уште 160.000 квадратни метри парк и други јавни површини треба да бидат отворени на почетокот на 2027 година, заедно со езеро.

Модернизираната марина треба да биде завршена во април, а се очекува првите станари да се вселат во новите згради во тој период. Меѓу најимпресивните проекти ќе биде кулата Ривиера висока 200 метри - првиот станбен облакодер од такви размери во Грција.

YouTube video

Долги патеки за пешаци и велосипедисти

Исто така, првиот хотел е предвидено да се отвори кон средината на 2027 година, додека еден од најимпресивните проекти по должината на брегот ќе биде Ривиера Галерија.

Комплексот е дизајниран од јапонскиот архитект Кенго Кума и компанијата Бетаплан. Ќе се простира на околу 23.000 квадратни метри и се очекува да понуди околу 100 продавници и ресторани.

Според сегашниот план, изградбата треба да заврши до пролетта 2027 година, додека Ривиера Галерија е предвидено да се отвори кон крајот на летото истата година. Со ова би се завршил еден од клучните делови од новата крајбрежна зона.

За подоцнежна фаза од проектот е планиран многу поголем трговски центар, трговскиот центар Елиникон.

Сепак, срцето на долгорочниот план не е облакодер, хотел или трговски центар, туку огромниот парк Елиникон. Кога ќе биде завршен, се очекува да зафаќа околу два милиони квадратни метри (!), што го прави еден од најголемите крајбрежни паркови во Европа.

Планирани се речиси 50 километри пешачки и велосипедски патеки, како и „културна рута“ што ги поврзува историските згради и археолошките локалитети.

Според „Ламда девелопмент“, се очекува паркот да смести повеќе од милион нови дрвја и други растенија.

Ефект на урбан топлотен остров

Паркот за искуства веќе нуди делумен увид во она што доаѓа. Во моментов има околу 900 дрвја и 80.000 пониски растенија, вклучувајќи голем број медитерански видови.

За Атина, град кој редовно доживува екстремни температури во текот на летото, таков проект не е само прашање на изглед и пејзажна архитектура. Грчката престолнина има изразен ефект на урбан топлотен остров. Густо изградените области на градот со малку зеленило имаат особено тешко да се разладат ноќе.

Грчките експерти, исто така, предупредуваат за зголемениот ризик од екстремна топлина во главниот град, како што објави дневниот весник „Катимерини“. Повеќе дрвја, сенка и неасфалтирани површини можат да ги намалат локалните температури и да ги направат јавните простори попријатни за престој.

Затоа, Министерството за национална економија и финансии, Министерството за животна средина и енергетика и Министерството за развој беа вклучени во спроведувањето на проектот, меѓу другите.

Сепак, сè уште не е можно со сигурност да се процени дали „Елиникон“ всушност ќе влијае на температурата во Атина како целина.

Многу ќе зависи од тоа колку густа ќе биде вегетацијата и колку ќе расте на долг рок, но и од начинот на кој новите зелени површини ќе бидат поврзани со остатокот од градот.

Целосното завршување на проектот е планирано во фази, до 2030 година.

Тагови: аеродром облакодер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Дванаесетгодишно девојче е убиено поради паркинг место во Балтимор

Дванаесетгодишно девојче е убиено во престрелка меѓу двајца мажи кои, како што се сомневаат, се расправале за паркинг место во парк во Балтимор, во американската сојузна држава Мериленд.

Дванаесетгодишно девојче е убиено поради паркинг место во Балтимор

Дванаесетгодишно девојче е убиено во престрелка меѓу двајца мажи кои, како што се сомневаат, се расправале за паркинг место во парк во Балтимор, во американската сојузна држава Мериленд, каде во тој момент се одржувал младински фудбалски натпревар, соопшти денеска полицијата.

Полицајците дошле во паркот Леон Деј, каде пронашле девојче и жена со прострелни рани, пренесува АП.

Двајца мажи, исто така, се појавија во блиските болници и побараа лекарска помош, изјави полицискиот комесар во Балтимор Ричард Ворли на прес-конференција.

Девојчето починало во болница, додека повредите на тројцата возрасни не биле опасни по живот, изјави Ворли.

Според него, двајцата почнале да пукаат меѓу себе при расправија за која се претпоставува дека избила на паркинг простор, а куршумите ги погодиле девојката и жената.

Полицијата трага по најмалку двајца осомничени.

Ворли рече дека девојката не била директна цел на нападот.

„Знаеме дека имало некаква расправија меѓу двајцата мажи. И двајцата пукале еден во друг, а во вкрстен оган загинало 12-годишно девојче, кое најверојатно било во паркот и го гледало натпреварот“, изјави Ворли.

Полицијата ја продолжила истрагата во пространиот парк, а Ворли изјавил дека се уште не се знае колку истрели биле испукани.

Тој ги повика сите што биле сведоци на пукањето да се јават во полиција.

Градоначалникот на Балтимор Брендон Скот изјави дека е неприфатливо 12-годишно девојче да умре поради тепачка меѓу двајца возрасни мажи.

"Двајца возрасни мажи се скараа и сега нема 12-годишно девојче. Никогаш не треба да кажеме такво нешто. Тоа што се случи денес е една од најодвратните работи што сум ги видел во животот", рекол Скот.

Тагови: Балтимор девојче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Јокиќ ги воодушеви Американците со неверојатната асистенција (ВИДЕО)

Никола Јокиќ не треба ниту да одигра цел натпревар за да се потсети зошто се смета за еден од најдобрите додавачи во историјата на НБА. 

Јокиќ ги воодушеви Американците со неверојатната асистенција (ВИДЕО)

Во предсезонскиот натпревар против Јута Џез, Денвер Нагетс беа поразени со 109:97, но српскиот центар го погоди победничкиот удар. Во првата четвртина, Јокиќ направи асистенција која стана вирална на социјалните мрежи за неколку секунди.

Јокиќ беше во аголот од теренот, со грб свртен кон остатокот од теренот, додека Лаури Марканен го чуваше. Наместо очекуваниот пад кон стативата, тој направи нешто сосема неочекувано. Без да погледне, ја испрати топката зад грб, речиси покрај страничната линија, кон спротивниот агол од теренот. Притоа, топката помина покрај неколку одбранбени играчи на Џез и совршено го пронајде Камерон Џонсон.

Џонсон остана сам во аголот и погоди тројка, но токму Јокиќ ги импресионираше американските коментатори најмногу. Тој одигра нешто повеќе од 15 минути. Постигна три поени и запиша седум асистенции, додека Денвер на крајот загуби. Резултатот брзо ќе биде заборавен, но ќе ги гледаме ваквите потези на Јокиќ уште долго време.

Тагови: Никола Јокиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер