Опозицискиот лидер Филипче го обвини премиерoт Мицкоски дека ги предал националните интереси и дека со него на чело на Владата нема влез во ЕУ, туку само изолација, откако вчера Мицкоски изјави дека Владата е подготвена да чека децении доколку е потребно за влез во Унијата и дека уставни измени без гаранции нема да има. Споrед Филипче тоа ќе значат децении на сиромаштија и иселување на граѓаните и најави дека СДСМ силно ќе спротивстави на тоа искористувајќи ги сите демократски механизами. Ги повика и останатите пратии да им се приклучат.

„Со Мицкоски и неговата Организирана криминална група нема членство во Европската Унија. Значи, децении загарантирана сиромаштија, загубени генерации поради засилено иселување на младите, карта во еден правец за македонската младост. Значи децении криминал и корупција без никаква контрола. Немаме децении за губење. Тоа се нашите животи, тоа се животите на нашите деца, и на нашите внуци. Македонија нема децении за губење! Бизнисменот Мицкоски може да чека. Ама напатениот народ и работниците кои едвај врзуваат крај со крај, со ниски плати и високи цени, не можат и не смеат и нема да чекаат. За спас многу наши граѓани ќе бидат принудени како тоа што веќе го прават да вадат бугарски пасоши. Ќе останеме и без држава и без народ“– Венко Филипче, претседател на СДСМ

На прес-конференцијата на лидерот на СДСМ реагираа од владеачката ВМРО-ДПМНЕ од каде порачаа дека Филипче е тој кој прави национално предавство и става нова јамка на вратот на македонскиот народ со ваквите ставови.

- Оваа слаткоречива изјава на Филипче полна со загриженост за иднината на народот е всушност параван за предавство. Европската идеја е жива и ние достоинствено ќе ја браниме затоа што таа е идеја на почит, добрососедство и прифаќање на идентитетот на сите, а не потчинуванње и понижување на нашиот народ како што СДС тоа го замислува. Ние се бориме за решение кое ќе е достоинствено и нема да потклекнеме пред притисоците, предавствата и интригите на СДС кои се полоши и од оние кои сакаат наше обезличување, наведуваат од ВМРО-ДПМНЕ.

Премиерот Мицкоски во одговор на новинарско прашање вчера од Охрид порача дека без јасен и предвидлив крај на евроинтегративниот процес и без јасни заклучоци од ЕУ нема да се пристапи кон уставните измени се додека е тој претседател на Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.