Филипче: Само задоволни здравствени работници може да значат и задоволни пациенти - Канал 5

Здравје

Филипче: Само задоволни здравствени работници може да значат и задоволни пациенти

 Мора да сме свесни дека сите ние самите сме носители на сопственото здравје.

Филипче: Само задоволни здравствени работници може да значат и задоволни пациенти

Самите мора да сфатиме дека треба да сме физички активни, да избегнуваме храна во која има штетни докажани предизвикувачи на болести, како и пушење цигари и да одиме на превентивни прегледи. Како здравствен систем ќе правиме сè исто како и во изминатите две години, за да го зајакнеме системот и да ја зголемиме достапноста до здравствените услуги и нивниот квалитет, изјави за МИА министерот за здравство Венко Филипче, упатувајќи препораки до граѓаните за 2020 година.

Најави дека ќе продолжи трендот на вработувања, зголемување на платите, иста политика кон сите нови специјализанти, дури и тие кои се запишуваат на специјализација да бидат платени исто како групата која првпат ја платиле пред година и пол.

– Од нашите разговори, од секојдневната комуникација со колегите лекари и медицинските сестри тие навистина се задоволни од зголемувањето на платите досега, но посебно и тоа што ќе следи и во февруари заради тоа што ова зголемување е рекордно и никогаш немало вакво зголемување на примањата на здравствените работници, рече Филипче во врска со тоа дали годинава ќе има задоволни доктори и пациенти.

Посочи дека ќе продолжат со тој тренд и годинава толку колку што дозволуваат сите економски параметри во државата. Досега, нагласи, бројките се одлични во делот на странски инвестиции, приходите во буџетот, така што само задоволни здравствени работници може да значат и задоволни пациенти и соодветен третман.

– Продолжуваме и со проектот за Клинички центар заради тоа што тоа е капитален проект како за секторот здравство така и генерално за нашата економија, заради тоа што нашите граѓани заслужуваат да имаат таков високоразвиен модерен медицински центар во кој ќе ги добијат најсовремените медицински услуги.

На фактичката изградба на објектот на Клиничкиот центар, појасни, ќе претходат многу други инфраструктурни проекти, за што ние веќе префрливме пари од Владата, од Министерството за здравство на Општина Ѓорче Петров за инфраструктурно средување во однос на пристапните патишта, водоснабдување, снабдување со електрична енергија и тоа се работи што многу скоро ќе почнат.

– Во рамките на Министерството за здравство се одвива конкурентниот дијалог, завршена е првата фаза во која имаа право да аплицираат сите заинтересирани економски оператори, останаа два еден од Франција и еден од Германија и во периодот што следува треба да почне и фазата на дијалог. Паралелено на сето ова во рамките на Министерството за финансии се одвива дијалог со потенцијалните инвеститори заради тоа што сумата што треба да се обезбеди ќе биде од заем, рече Филипче.

Во врска со изградбата на Клиничката болница во Штип, рече дека по нешто подолг период на чекање и одложување на работите заради тоа што изведувачот имал промена во политиката и промена на неговите подизведувачи веќе работниците се на терен, се работи на фасадата. Изрази уверување дека во периодот што следува уште поинтензивни ќе бидат активностите и на останатите сегменти од проектот.

Годинава, најави министерот, се планира набавка на нова опрема за повеќе јавни здравствени установи.

– Првпат магнетна резонанција ќе добијат болниците во Прилеп, Охрид и во Гостивар, компјутерски томограф ќе добие болницата во Гевгелија, каде што при крај е градбата на крилото во кое ќе се добие уште една операциона сала, истакна Филипче.

Додаде дека ќе продолжи трендот на регионализација со продолжување на надградувањето на знаењата на лекарите со поддршка од клиниките во Скопје, поради што е сменет Законот за здравствена заштита за да направат одредена услуга подостапна за граѓаните во градовите каде што нема таква експертиза, специјалност. /МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Клековски: Денеска детални резултати од контролата на прскањето против комарци

Денеска ќе бидат соопштени деталните резултати од контролата на тоа што направиле општините во однос на прскањето против комарци, информираше синоќа министерот за здравство Сашо Клековски.

Клековски: Денеска детални резултати од контролата на прскањето против комарци

Тој посочи дека во моментов особено е актуелно цело Повардарие, имајќи предвид дека дел од случаите на западнонилска треска во грција се регистрирани во подрачјето околу Солун и Вардар.

– Во основа, ние завршивме со контролата на тоа што општините направиле во врска со прскањето. Потенцира дека не може јасно да се воспостави директна врска меѓу бројот на случаи на западнонилска треска и бројот на прскања во општините.

Клековски нагласи дека првиот случај на западнонилска треска во земјава е регистриран во 2011 година, а досега се регистрирани 54 случаи. Посочи дека имало и случаи кај мали деца со воспаление на мозокот, додека најголем ризик од смртен исход има кај лицата над 60 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политичка криза во Украина, на удар и претседателот Зеленски

Неодамна разрешениот украински министер за одбрана, Михаило Федоров, повика на одржување избори во време на војна, наведувајќи дека земјата се соочува со криза во управувањето.

Политичка криза во Украина, на удар и претседателот Зеленски

Неодамна разрешениот украински министер за одбрана, Михаило Федоров, повика на одржување избори во време на војна, наведувајќи дека земјата се соочува со криза во управувањето – што претставува најголем внатрешен предизвик за украинскиот претседател Володимир Зеленски од 2022 година наваму.

Триесет и петгодишниот Фјодоров беше долгогодишен сојузник на Зеленски сè до неговата неочекувана оставка од Министерството за одбрана во јули – само шест месеци по неговото назначување и ветувањето за спроведување темелни реформи.

„Демократијата не смее да биде заложник на Русија. Мораме да најдеме правен, безбеден и реален механизам што ќе ѝ овозможи на Украина да го обнови целосниот демократски процес, дури и во услови на долготрајна војна“, изјави Фјодоров.

Во она што изгледаше како отворен предизвик упатен кон Зеленски, Федоров изјави дека Украина се соочува со „системска криза на управувањето“. „Стариот систем пречесто живее според сопствени правила. Тој се штити себеси. Се плаши од промени“, рече тој.

Законот во Украина забранува одржување избори за време на воена состојба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бројот на случаи на ебола во Конго надмина 5.000

Бројот на потврдени случаи на ебола во Демократска Република Конго сега надмина 5.000, според владините податоци објавени во синоќа.

Бројот на случаи на ебола во Конго надмина 5.000

Бројот на потврдени случаи на ебола во Демократска Република Конго сега надмина 5.000, според владините податоци објавени во синоќа, додека здравствените власти предупредуваат дека напорите за сузбивање на болеста не успеваат да го запрат нејзиното ширење.

Седумнаесеттата епидемија на ебола во Конго стана најголема во историјата на земјата според бројот на случаи кон крајот на јули, а бројот на жртви за време на викендот достигна 2.378, соопшти Институтот за јавно здравје, надминувајќи ја претходната најтешка епидемија од периодот 2018–2020 година.

Според најновиот извештај за состојбата, Институтот досега има регистрирано 5.021 случај, што ја прави оваа епидемија втора најтешка во светот – надмината единствено од епидемијата во Западна Африка во периодот 2014–2016 година – како во однос на бројот на заразени, така и во однос на бројот на смртни случаи. Актуелната епидемија е предизвикана од сојот „Бундибуџо“ (Bundibugyo) на вирусот ебола, за кој не постојат одобрени вакцини или третмани.

Болеста брзо се шири откако на 15 мај беше прогласена епидемијата, бидејќи слабата здравствена инфраструктура, отпорот од локалното население, нестабилноста и протестите на здравствените работници вклучени во напорите за справување со ситуацијата ги попречуваат обидите за откривање и сузбивање на инфекцијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер