Филипче од Неготино: Ги штитиме лозарите, Владата да го изгласа законот за дополнителни 3 денари по килограм грозје - Канал 5

Македонија

Филипче од Неготино: Ги штитиме лозарите, Владата да го изгласа законот за дополнителни 3 денари по килограм грозје

Филипче на средбата ги информираше лозарите дека денеска пратеничката група на СДСМ во Собранието поднесе Предлог-закон за изменување на Законот за вино по скратена постапка.

Филипче од Неготино: Ги штитиме лозарите, Владата да го изгласа законот за дополнителни 3 денари по килограм грозје

Претседателот на Социјалдемократскиот сојуз на Македонија, Венко Филипче, попладнево имаше средба со лозари од неготинското село Тимјаник, на која се разговараше за состојбата со откупот на винското грозје, проблемите со кои се соочуваат лозарите и за нивните предлози како да се унапреди оваа земјоделска гранка.

Филипче на средбата ги информираше лозарите дека денеска пратеничката група на СДСМ во Собранието поднесе Предлог-закон за изменување на Законот за вино по скратена постапка, кој предвидува воведување на дополнителна финансиска поддршка за лозарите во висина од 3 денари по килограм предадено винско грозје, за сите производители кои ќе предадат грозје кај регистриран производител на вино во периодот од 1 август до 30 ноември 2025 година.

Исто така, со измените се предлага укинување на членот од постоечкиот закон што дозволуваше 8% намалување на откупната цена на винското грозје, доколку визбите не ја направат исплатата во рок од 7 дена по откупот на грозјето – со цел да се спречат манипулации со откупната цена.

Филипче посочи дека, иако постоечкиот закон што се донесе лани има за цел да ги заштити лозарите, ресорното министерство не го почитува, со што им нанесува директна штета.

„Со тоа што Законот предвидува одредување на производна цена – значи лозарот ќе биде заштитен, а сега тоа МЗШВ не го испочитува. Законот е според европските регулативи, и во методологијата за пресметка треба да се вкалкулира колкава е цената на работната рака, на репроматеријалите, на заштитните средства. Винариите имаат обврска да го откупат грозјето за 25% повисока цена од производната. Ако се почитуваше законот, лозарите сега немаше да имаат проблем“, рече Филипче.

Тој додаде дека не објавена методологијата, не се знае како се дошло до откупната цена, како таа е 25% повисока од производната кога е само пола денар повисока од ланската, а производните трошоци се зголемени за најмалку 30%.

Филипче нагласи дека владата на ВМРО-ДПМНЕ ги укина добрите мерки за развој на лозарството што ги воспостави СДСМ.

„Целосно е прекината мерката мали винарии, тоа беше дополнителна помош за лозарите. Кој имаше свое лозје можеше да земе грант за да си направи винарија. Со тоа се зајакнуваше целокупниот процес, оваа сериозна гранка не само што ќе се заштитеше, туку ќе се унапредеше. Ќе се надградуваше преку производство на вино, па уште чекор понатаму – вински туризам. Дел од малите винарии со помош на тие грантови направија сместувачки капацитети и годинава веќе имаат туристи“, рече Филипче.

На средбата, од страна на лозарите беше посочено дека власта е на страната на винариите. Филипче потенцираше дека Министерството за земјоделство не се грижи за лозарите, не ги штити, додека целиот систем функционира во корист на големите винарии.

„Не се почитува лозарот, не му се дава доволно финансиска поддршка за да може да работи. Со цел да им удоволат на винариите не објави производна цена. Тоа што не е донесена цената транспраентно и објавена, тоа значи дека се имаат договорено со винариите со цел големите бизниси да купат евтин производ. Како да функционира системот кога се оди во корист на големите винарии кои седат во Стопанската комора и се договараат со премиерот. И тоа не е единствен пример – сите големи компании и бизниси се заштитени“, рече претседателот на СДСМ, Венко Филипче.

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Макрон, Стармер и Мерц се среќаваат со Зеленски: Недостига волја од Путин

Францускиот претседател Емануел Макрон, британскиот премиер Кир Стармер и германскиот канцелар Фридрих Мерц ќе се сретнат задутре со украинскиот претседател Володимир Зеленски, соопшти денес Елисејската палата. 

Макрон, Стармер и Мерц се среќаваат со Зеленски: Недостига волја од Путин

„Средбата ќе им овозможи да продолжат со нивната тесна координација во нашата заедничка програма за понатамошна поддршка на Украина и зголемен притисок врз руските воени напори“, се вели во соопштението.

„Русија се соочува со воен, економски и стратешки неуспех, а на фронтот истрајува во смртоносна војна без успех“, се додава во соопштението. Средбата треба да се одржи во Лондон. Зеленски сака европските лидери да ги засилат напорите за да помогнат во завршувањето на војната во Украина, бидејќи е загрижен дека американскиот претседател Доналд Трамп е преокупиран со Иран.

„Она што недостасува е волјата на Путин“

Во отворено писмо објавено вчера, украинскиот лидер го покани рускиот претседател Владимир Путин на состанок за преговори за завршување на војната што трае повеќе од четири години. Кремљ објави дека Путин бил запознаен со содржината на писмото.

„Секогаш сме се залагале за директни преговори меѓу Украина и Кремљ... Верувам дека Украина и Русија се оние кои можат да изградат прекин на огнот и мировен план, а Европејците се оние кои можат да помогнат во ова“, изјави денес Макрон. „Отворени сме за дијалог, она што недостасува е волјата на Путин“, изјави Мерц во Црна Гора.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Халанд и Норвежаните на удар на критики поради снимките пред почетокот на СП (ВИДЕО)

Ерлинг Халанд и неговите соиграчи од норвешката репрезентација се соочија со критики поради „шовинизам“ и „неонацистичка“ иконографија откако се претставија како Викинзи за Светското првенство. 

Халанд и Норвежаните на удар на критики поради снимките пред почетокот на СП (ВИДЕО)

Напаѓачот на Манчестер Сити и остатокот од тимот беа фотографирани на плажа во Осло, а впечатливите фотографии предизвикаа мешани реакции во Норвешка, каде што дел од јавноста се спротивставува на викиншката естетика поради нејзините негативни конотации.

Обвинувања за шовинизам

Новинарот на „Моргенбладет“, Маркус Слетхолм, ги нарече фотографиите „шовинистички и исклучувачки“. Во интервју за НР Кина, тој отиде чекор понатаму, велејќи дека сè „го потсетува на она што го правеа неонацистите пред десет години“.

На критиките се придружи и истражувачката и академик Џејн Хауг Скјолдли, која неодамна за весникот „Класекампен“ тврдеше дека дресовите на Норвешка за Светското првенство може да се сметаат за „хипермаскулинични и десничарски екстремистички“. Дресовите имаат руни напишани на задната страна, а Скјолдли рече дека овие елементи се „несреќни и типични за неонацистичкиот и фашистичкиот симболичен јазик“. Официјалното фотосесија на националниот тим само ги засили таквите критики.

Реакција на селекторите и федерацијата

Дискусијата стана толку гласна што норвешкиот тренер Стале Солбакен исто така беше прашан за тоа на прес-конференцијата. Тој, сепак, ја отфрли контроверзноста. „Постојат многу поголеми и потешки теми од ова. Не можам да си дозволам да трошам време на тоа“, рече тој кратко.

Идејата за снимањето, каде што играчите држат штитови, лакови, стрели и секири со викиншки бродови во позадина, дојде од Норвешката фудбалска асоцијација. Ова го продолжува трендот на потпирање на националната историја, слично на тоа како навивачите на неодамнешните натпревари изведоа синхронизирано „викиншко веслање“, слично на исландскиот хак.

Зад објективот

Норвешката фудбалска асоцијација го ангажираше шкотскиот фотограф Дејвид Јароу по препорака на самиот Халанд, со кого веќе соработуваше на слично снимање. Јароу изјави за „Атлетик“ дека предвидел дека фотографиите ќе предизвикаат критики. „Сакам да фотографирам луѓе на необичен начин. Знаев дека ова може да предизвика критики, но сакав да си поиграм со чувство за патување кое потсетува на Викинзите, како да пловат кон Америка“, рече тој.

„Ако го правите тоа без размислување или во студио, може да испадне лошо, но ние отидовме до крај. Ги донесовме бродовите и ги облековме сите во вистинска викиншка опрема, а не во некаков костим“, додаде тој. За потребите на снимањето, Халанд ја држеше косата спуштена, додека Антонио Нуса, кој има платинесто руса коса, носеше шлем за да ја покрие за автентичност. Дрвеното пристаниште видливо на фотографиите е изградено исклучиво за снимање, а подоцна е отстрането.

Во пресрет на Светското првенство

Норвешката фудбалска асоцијација објаснува дека идејата не била да се сведе националниот тим на стереотип, туку да се покаже единство пред турнирот. Се чини дека играчите добро го прифатиле снимањето и наскоро ќе започнат своја „викиншка кампања“ на четвртото Светско првенство во историјата на норвешкиот фудбал.

Халанд и неговите соиграчи се во група со Франција, Сенегал и Ирак, што на хартија се чини дека е една од најтешките групи на турнирот. Сепак, со Халанд, Мартин Одегард и Нус, златната генерација на норвешкиот фудбал се надева дека ќе остави длабок белег и ќе се пласира во нокаут фазата од натпреварувањето.

Тагови: Светското првенство Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заврши самитот во Тиват- Фон дер Лајен: Кога реформи ќе бидат испорачани, тогаш пристапниот пат кон ЕУ мора да биде награден

Заврши самитот ЕУ - Западен Балкан во Тиват, Црна Гора.

Заврши самитот во Тиват- Фон дер Лајен: Кога реформи ќе бидат испорачани, тогаш пристапниот пат кон ЕУ мора да биде награден

Македонската делегација ја предводи премиерот Мицкоски, кој имаше две одделни средби со францускиот претседател Макрон и германскиот канцелар Мерц.

Со слика одиме директно во Тиват. Таму е колешката Афродита Рамос. Афродита, дали имаше некаков заклучок, односно што е епилогот на Самитот?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер