Македонија

Филипче од Крива Паланка: Митовски ја доби поддршката за уште еден мандат за градоначалник

Градоначалникот на Општина Крива Паланка, Сашко Митовски, ја доби поддршката за кандидат од СДСМ за втор мандат.

Актуелниот градоначалник на Крива Паланка, Сашко Митовски, е официјален кандидат за градоначалник на општината од редовите на Социјалдемократскиот сојуз, објави лидерот на СДСМ Венко Филипче на трибината "Мугра на слободата" што се одржа во центарот за култура Крива Паланка синоќа.

- Крива Паланка е една од општините која претрпе најголема трансформација во последните години, а тоа е резултат на работата на градоначалникот Сашко Митовски и денес му ја честитам кандидатурата за уште еден мандат, а јас сум сигурен и победата, истакна Филипче.

Градоначалникот Митовски претходно нагласи дека Крива Паланка се претвора во модерен и европски град, еден од најзелените и најчистите градови во Македонија.

-Крива Паланка е пример како се води град, како се слушаат граѓаните и како се создава модерна, развиена и европска општина. Во изминатите 3,5 години, во градот се реконструирани над 50 улици, изградени се нови водоводи и канализации, како и 12 нови детски катчиња, со план за уште 5. Уредени се јавни површини, мостови, пешачки патеки, речни корита, а целосно е променет ликот на градскиот кеј. Крива Паланка денес има нов Генерален урбанистички план по речиси 40 години, и првпат функционален модел за долгорочен развој – рече Митовски.

Порача дека со 100% реализација на општинскиот буџет, креиран во консултација со граѓаните, секој денар е вложен таму каде што е најпотребно.

- Вложено е во градинки, училишта, спортска инфраструктура, како и во социјална заштита – од директна поддршка за семејства во социјален ризик, до воведување на ваучери за гардероба на лица со попреченост. Отворен е и прв дневен центар за стари лица, а општината финансира и бесплатни летувања за деца од социјално загрозени семејства, додаде Митовски.

Најави и реализација на низа капитални проекти: реконструкција на главната улица, нова монтажна катна гаража со 166 паркинг места, зонско паркирање, продолжување на патот до Калин Камен и нови хотелски инвестиции.

Посебен акцент стави на инфраструктурните проекти од регионално значење.

- Експресниот пат Ранковце – Крива Паланка, вреден 93,7 милиони евра, е најголемата инвестиција во овој регион, заедно со рехабилитираните патишта до Деве Баир, Црцорија, Узем и Луке, со вкупна вредност од над 120 милиони евра. Ова не се проекти за поединци. Ова се инвестиции за граѓаните. Ова е нашето заедничко дело. А сега следува одлука, рече Митовски.

Градоначалникот посочи дека новата власт на ВМРО-ДПМНЕ ја заборавила Крива Паланка, а напорите за развој продолжуваат исклучиво благодарение на општинската визија и поддршката од претходната влада. Затоа, повика на мобилизација, без поделби и суети.

-Крива Паланка нема право на нова грешка. Сега не е време за експерименти. Сега е време за заштита на сè што сме изградиле и за силен нов чекор напред. Да го направиме вистинскиот избор – избор за труд, за иднина, за достоинство. Да не чекаме – туку уште вечерва, сплотени и обединети, да се вградиме во процесот што ќе значи убедлива победа. Победа што нема да биде ничија лична – туку победа на секој еден граѓанин што верува во правда, во работа и во иднина – заврши Митовски.

На трибината говореше и пратеникот во Собранието на Република Северна Македонија од редовите на СДСМ, Љупчо Николовски, кој рече дека слободата и победата ќе тргнат од Крива Паланка.

- Од Крива Паланка пак ќе тргне победата, како што во 2010 година освоивме резултат десет пати подобар од претходните избори, повторно од Крива Паланка ќе тргне и ќе се исправи грешката направена на осми мај и сигурен сум дека тоа ќе се случи и на локалните и на следните парламентарни избори, нагласи Николовски.

Пратеникот истакна дека ЕУ е клучна прогресивна идеја на денешницата и единствен пат кој ќе значи современа, прогресивна држава со систем кој функционира.

- Од прв ден сите ние се бориме за слобода и заедно со исто многу од вас, знаете кои процеси ги поминавме, бомби, плоштади, маршови и немаше друг начин да ги вратиме слободата и демократијата. Се боревме и ќе продолжиме да се бориме за членството во Европската унија, што е најпрогресивниот процес во денешно време. ЕУ е местото кадешто треба да бидеме и ние како СДСМ имаме јасен став, ние сме предводници на тој процес, ние го водевме тој процес и стигнавме пред портите на ЕУ. Тоа е единствениот пат да обезбедиме иднина на младите тука, во Крива Паланка и во секоја општина. Потребна ни е ЕУ за да изградиме ситем, еве сега зборуваат дека „ќе градиме систем без ЕУ, само што не сме изградиле подобар систем“, ама се случи Кочани и еве нема ниту помош, ниту поддршка од државата. Јас сум убеден дека без системот на преговори со ЕУ ние никогаш нема ништо да промениме, а бидејќи тие не тргаат по тој процес, може да замислите каква Македонија можеме да имаме ние со нив за 5 или 10 години, рече Николовски.

Нагласи дека сите процеси, членството во НАТО, првата меѓувладина конференција, отворањето на скрининг-процесот, меѓуетнички соживот, сите значајни одлуки ги донесе СДСМ. Затоа СДСМ е државотворна партија.

На денешниот караван за предизвиците за создавање на државата и партијата зборуваше професорот и ветеран на СДСМ, Јордан Михајловски, кој истакна дека Крива Паланка дала значаен придонес во оформувањето на државата.

-Крива Паланка има голем влог во социјалдемократијата и во втемелувањето на новата македонска држава. Ние од Крива Паланка имаме дадено 284 жртви во текот на Втората светска војна. Борис Арсов е еден од нив, покрај учеството во Втората светска војна е кооптиран во АСНОМ, избран е за заменик-повереник за здравство, после војната е професор на Правниот факултет, рече Михајловски, истакнувајќи дека социјалдемократијата е извор на слободарски идеи, с слободата е најважна, за размислување со слободна волја, беа авторитети, солидарноста која е оаза што не дозволува да завладее злото се главните идеи на социјалдемократијата, рече професорот.

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Продолжува топлотниот бран, денес сончево со температура до 40 степени

Според Управата за хидрометеоролошки работи времето денес ќе биде сончево и многу топло со мала локална облачност.

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

ВРЕМЕТО ВО НАРЕДНИТЕ ДЕНОВИ

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Хороскоп

Дневен хороскоп за 5. август 2026 година

Дневен хороскоп за среда, 5. август 2026 година.

Лав 23.7-22.8.

Љубов

Препуштете им на лицата во кои имате доверба да ве упатат каде што треба. Тие ќе знаат подобро од вас.

Кариера

Кога ќе помислите на деловните планови , веднаш ве заболува главата , зашто има малку работи што останале да се изконтролираат.

Здравје и совет

Бидете трпеливи.

Девица 23.8.-23.9.

Љубов

Ќе балансирате меѓу своите желби и реалните можности. Ништо нема да се прави на сила , туку само со трпение.

Кариера

Со олеснување ќе ги прифатите извештаите за напредок , од кој и вие сте дел. Тоа ќе биде дополнителен поттик.

Здравје и совет

Издржете.

Вага 24.9.-23.10

Љубов

Вашата љубовна приказна ќе продолжи да се развива , на ваша радост. Затоа дотерајте се и излезете во друштво.

Кариера

Времето работи за вас , а вие му се препуштате со полна доверба Чувствувате дека вашите пет минути допрва доаѓаат.

Здравје и совет

Сакајте ги луѓето.

Шкорпија 24.10-22.11.

Љубов

Еден член на вешето пошироко семејство денеска од вас ќе бара повеќе внимание и ангажман.

Кариера

Ќе бидете занесени и ќе мислите дека секој проблем ќе го решите со леснотија. Во добар дел имате право.

Здравје и совет

Наспијте се .

Стрелец 23.11.-21.12.

Љубов

Веројатно денеска ќе блескате и ќе зрачите со чувства. Многумина без резервно ќе си ја отворат душата.

Кариера

Денеска ќе се позанимавате со можноста за вложување во работата што моментално ја работите. Ќе барате спонзори.

Здравје и совет

Не морате постојано да војувате.

Јарец 22.12.-20.1.

Љубов

Саканата личност денеска би можела да се жали и да приговара со тага. Ќе и попуштате и ќе ии дадете утеха и таму каде што не треба.

Кариера

Ќе одите на опцијата што ви дава најголем простор, но и уживање во работата.

Здравје и совет

Ќе уживате во убавниот ден.

Водолија 21.1.-19.2.

Љубов

Пред вас е одличен ден за секој вид дружење и забава. Посебно ќе бидат расположени младите или оние кои така се чувствуваат.

Кариера

Ви се чини дека е потребно само малку за вашите таленти да излезат на површина и да светнат.

Здравје и совет

Одете таму каде што ви е убаво.

Риби 20.2.- 20.3.

Љубов

Имате право да прашате и она што не е вообичаено. Довербата во вашиот однос е толкав , што може да си дозволите секакви прашања.

Кариера

Можеби ќе ве пофалат , но во најлош случај вашите идеи ќе бидат прифатени и сфатени сериозно.

Здравје и совет

Одете во природа.

Овен 21.3-20.4.

Љубов

Многумина и денеска убаво ќе се забавуваати ќе откриваат пат до нечие срце . Ќе им оди од рака речиси се што ќе посакаат.

Кариера

Денеска би можеле да ги забавувате колегите . Со задоволство ќе почнувате смешни разговори со добро расположение и дружба.

Здравје и совет

Засадете некое растение.

Бик 21.4- 20.5.

Љубов

Ќе продолжите со интензивното поврзување со луѓето , па има голема шанса за запознавање нова личност.

Кариера

Постојаното качување по скалилата на успехот речиси ве изморило . Имате потреба од опуштање , па ќе ја подзаборавите работата и обврските.

Здравје и совет

Подобро оптимист , отколку песимист.

Близнаци 21.5.-21.6.

Љубов

развојот на еден однос постојано ќе ве интригира . Станува збор за личност од работа , со која се почесто си разменувате пораки и знаци.

Кариера

Многумина денеска ќе ги анализираат своите резултати , уако не е потребно . Се е во најдобар ред.

Здравје и совет

Бидете поконкретни.

Рак 22.6-22.7.

Љубов

Веќе сфативте дека не треба да форсирате , па таа формула ќе ја искористите и на својата врска. Така ќе ја подобрите.

Кариера

Осмислете подобар план за соработка со другите. Знаете да се изразите , но користете повеќе тактичност.

Здравје и совет

Некои ќе запливаат.

Здравје

Омилен, но потценет летен деликатес: Пченката го поддржува здравјето на очите, го регулира варењето и го штити срцето

Летото е незамисливо без мирисот на варена или печена пченка.

Летото е незамисливо без мирисот на варена или печена пченка. Оваа омилена сезонска намирница често е на лош глас поради слаткиот вкус и содржина на скроб, но таа содржи сложени јаглехидрати, влакна, витамини, минерали и антиоксиданси кои се добри за здравјето на дигестивниот систем, очите и срцето и кои на организмот му обезбедуваат долготраен извор на енергија.

Природен извор на енергија

Пченката е богата со сложени јаглехидрати и скроб, кои се главен извор на енергија за мозокот и мускулите. Особено е вредна поради нејзината содржина на резистентен скроб, вид јаглехидрати кои се варат побавно, обезбедувајќи чувство на ситост подолго време и постабилно снабдување со енергија во текот на целиот ден.

Една чаша варена пченка содржи околу 120 калории, што ја прави добар додаток на балансирана исхрана, особено кога е подготвена без големи количини путер или други масни додатоци.

Придонесува за здравјето на дигестивниот систем

Една од најголемите придобивки од пченката е нејзината содржина на диетални влакна. Таа го поттикнува редовното варење, го олеснува празнењето на цревата и може да помогне во спречување запек.

Пченката содржи и растворливи и нерастворливи влакна, кои ги хранат корисните цревни бактерии и придонесуваат за поздрав цревен микробиом. Здравата цревна флора е поврзана со подобро варење, посилен имунитет и подобро целокупно здравје.

Може да помогне во одржувањето на стабилни нивоа на шеќер во крвта

Иако е природно слатка, пченката не треба автоматски да се смета за неповолен избор. Влакната и растителните протеини што ги содржи ја забавуваат апсорпцијата на шеќер, што помага во ублажувањето на ненадејните скокови на гликоза во крвта по оброкот.

Секако, луѓето со дијабетес или други нарушувања на регулирањето на шеќер во крвта треба да внимаваат при внесување на јаглехидрати и да консумираат пченка во согласност со препораките на лекарот или нутриционистот.

Го штити здравјето на очите

Пченката е еден од добрите диететски извори на лутеин и зеаксантин, каротеноиди кои природно се акумулираат во мрежницата на окото. Бројни студии покажуваат дека можат да помогнат во заштитата од макуларна дегенерација поврзана со возраста и да го забават развојот на катаракта.

Редовното внесување храна богата со овие антиоксиданси е важен дел од исхраната што придонесува за зачувување на видот во текот на годините.

Добра е за срцето и крвните садови

Покрај тоа што не содржи холестерол и е со ниска содржина на заситени масти, пченката е извор на влакна што можат да помогнат во намалувањето на апсорпцијата на холестерол во дигестивниот систем. Исто така, содржи минерали како што се магнезиум и калиум, кои играат важна улога во одржувањето на нормалниот крвен притисок и правилната функција на срцето.

Богата е со витамини и минерали

Пченката обезбедува голем број важни микронутриенти неопходни за нормално функционирање на телото. Меѓу нив, се издвојуваат следниве: витамините Ц, Е и витамините од групата Б (вклучувајќи фолна киселина), железо, магнезиум, фосфор, калиум, манган, цинк и селен.

Покрај витамините и минералите, таа содржи и антиоксиданси и аминокиселини кои учествуваат во растот и обновата на клетките.

Може позитивно да влијае на расположението

Сè повеќе истражувања покажуваат дека исхраната богата со овошје и зеленчук придонесува за подобро ментално здравје. Иако пченката не е чудотворна храна која сама по себе ќе го подобри расположението, нејзиното вклучување во исхраната може да се поврзе со помал ризик од симптоми на депресија и поголемо чувство на виталност.

Пченката природно не содржи глутен, поради што е важна намирница за луѓе со целијакија или за оние кои се хранат без глутен.

Пченкарното брашно задржува голем дел од хранливите материи од зрното и се користи во приготвувањето леб, печива, палачинки и бројни јадења без глутен.

Како да се подготви?

Варена или печена пченка е наједноставен и најхранлив вреден избор. Одлично оди со салати, чорби, супи, а може да биде и вкусен прилог со месо или риба.