Македонија

Филипче: Од Брвеница почнува промената – ВМРО ќе има еден градоначалник помалку!

Од Брвеница почнува промената на власта на Мицкоски и ВМРО, граѓаните на локалните избори ќе испратат јасна порака до власта што ја изигра нивната доверба, ќе имаат еден градоначалник помалку.

Од Брвеница почнува промената на власта на Мицкоски и ВМРО, граѓаните на локалните избори ќе испратат јасна порака до власта што ја изигра нивната доверба, ќе имаат еден градоначалник помалку, порача претседателот на СДСМ, д-р Венко Филипче, на вечерашната промоција на програмата на Јовица Радевски, кандидат на СДСМ за градоначалник на Општина Брвеница.

„Од Брвеница почнува промена на ненародната и криминална власт на Мицкоски и ВМРО. На овие локални избори граѓаните ќе го кажат својот збор. ВМРО да бидат поразени и да имаат еден градоначалник помалку“, истакна Филипче.

Власта ги изневери очекувањата на граѓаните и на локално и на централно ниво. Работниците едвај ги покриваат основните потреби, пензионерите се излажани, а земјоделците се оставени на цедило, нагласи тој.

„Го излажаа народот и ја изиграа довербата што им ја дадоа луѓето и на локално и на централно ниво“, рече Филипче.

Промената што ја нуди СДСМ во Брвеница значи конкретни решенија за секојдневните проблеми. Програмата на Јовица предвидува обновување и проширување на водоводната мрежа, решавање на проблемот со вода во Гургурница, пречистителна станица за Милетино, Челопек, Брвеница и Долно Седларце, како и реконструкција на улиците, локалните патишта и проширување на мостовите.

Меѓу приоритетите се агроиндустриска зона за преработка и постабилен пласман, можности за нови работни места, подобри услови во училиштата, дом на култура во Брвеница, дом за стари лица во Челопек и расчистување на дивите депонии.

„Јовица е чесен и вреден човек, кој секојдневно е меѓу граѓаните, во секое село и во секој дом во Брвеница“, истакна Филипче и порача дека достапноста и одговорноста за сработеното се обврски кон секој граѓанин.

„Јовица, граѓаните со право ќе очекуваат да бидеш достапен и да одговараш за сработеното. Тоа е обврската што сите ние ја преземаме пред нив. Така ќе покажеме дека постои поинаков начин на управување“, рече тој.

ВМРО ќе биде победено во Брвеница, а победата ќе биде заработена со работа меѓу луѓето и со доверба потврдена на изборниот ден, порача Филипче.

„Нашата сила ќе ја покажеме со доверба заработена меѓу луѓето и со гласови на изборниот ден. Повеќе гласови во Брвеница ќе значи една општина помалку под управување на ВМРО-ДПМНЕ“, нагласи тој.

Филипче ги повика граѓаните да излезат на гласање и да ги поддржат Јовица и неговата програма.

„На разочарувањето да одговориме со учество. На обидите за поделба — со заедничка работа. На власта што заборави кому му служи — со јасна демократска порака на гласачкото место дека ова ќе биде нивни пораз во Брвеница“, порача Филипче, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Раперот Крис Браун врза обожувателка за шипка и ја излижа- мислењата се поделени (ВИДЕО)

Изгледа дека само пеењето веќе не е доволно за концертната публика, а тоа понекогаш резултира со бизарни сцени.

Пример е Крис Браун, рапер познат по контроверзните потези, кој уште еднаш предизвика реакции со своето однесување на актуелната турнеја.

Раперот веќе беше критикуван на почетокот на оваа година за непримерно однесување кон една обожавателка која ја покани на сцената за време на неговиот настап. Иако жените учеснички во тој дел од концертот беа однапред информирани за можниот исход, настанот на еден од неодамнешните настапи отиде чекор подалеку.

Имено, на девојката од публиката на неодамнешниот концерт очигледно не и пречело додека Браун откако и ставил лисици на шипка и ја лижел по пазувите. Раперот продолжил да пее, а потоа ја подигнал девојката која му ги ставила нозете околу половината. Откако еден од танчерите во позадина ја соблече кошулата, девојката беше пуштена и изведена од сцената.

@abets.tt
Chris Brown brought a fan on stage during his performance and this is what happened 👀
♬ original sound - Abets

Реакции на социјалните мрежи

Реакциите на платформата X се главно негативни, а многу корисници сметаат дека таквото однесување е несоодветно за сцената. Еден корисник напиша: „Морам да признаам, мислам дека ова е малку“. Друг додаде: „Крис Браун донесе жена обожавател на сцената за време на настапот и тоа стана прилично интензивно“.

Некои коментари беа поостри. „Живееме во период кој го означува најниското ниво на пристојност во историјата на човештвото“, гласи една објава. Еден корисник повика на бојкот: „Треба да заземеме јасен став: бојкотираме содржини што промовираат вулгарности, непочитување и штетно однесување. Наместо тоа, поддржете ги одговорните креатори и позитивните модели за улоги“.

Имаше и мислење дека на девојката не и е удобно. "Девојката не беше подготвена за тоа и се посрамоти. Затоа момчето брзо се појави", напишал еден корисник.

Тагови: рапер Крис Браун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Купил половина леб, па дома видел дека недостигаат 10 грама- неговата жалба ја чинела пекарницата 15.000 евра

Десет грама леб се претворија во трошок од 15.000 евра за пекарница во Германија.

Сè започнало кога една муштерија купил половина леб, го однел дома и решил да ја провери неговата тежина. Кога малку подетално ја погледна вагата, откри дека му недостигаат само 10 грама.

Необичниот случај се случил во Пфафенхофен на Илм во Баварија, каде што 65-годишниот Матијас Брајтнер води семејна пекарница. Со години, неговите продавници имале едноставно правило. Ако муштеријата сакала половина леб, вработените го преполовувале лебот и наплаќале половина од цената.

Сè функционирало без проблем - сè додека еден муштерија не одлучил да ја измери својата половина. Се испоставило дека добил 10 грама помалку отколку што очекувал, како што објави грчкиот весник „Газета“.

Муштеријата не се вратил во продавницата, туку ѝ испратил на пекарницата анонимен е-мејл со жалба.

Брајтнер објаснил дека е практично невозможно рачно да се сече леб, така што двете половини да тежат исто.

Тој одговори, со доза на хумор, дека понекогаш едната половина е неколку грама повеќе, а другата неколку грама помалку.

„Понекогаш добиваш, понекогаш губиш. Следниот пат дефинитивно ќе биде десет грама повеќе“, му одговорил пекарот.

На муштеријата очигледно не му се допаднал одговорот. Наместо да го остави така, се обратил до властите.

Потоа случајот го презеде Германскиот орган за тежини и мерки, и се покажа дека прописите всушност не се на страната на пекарот. Проблемот не беа самите десет грама, туку начинот на кој се продаваше лебот.

Прописите прават разлика помеѓу претходно спакувани половини леб и лебови што се сечат на два дела пред муштеријата. Ако пекарот го сече целиот леб само кога муштеријата бара половина, не е доволно само да наплати 50 проценти од цената.

Секое исечено парче мора повторно да се измери на соодветна, калибрирана вага, а муштеријата плаќа за неговата вистинска тежина.

Брајтнер го продавал лебот по цена од 4,80 евра за килограм, па затоа вистинската тежина на исечената половина морала да одреди колку ќе плати купувачот.

Ова создало вистински проблем за сопственикот на пекарницата. За да продолжи да продава половина лебови и во исто време да ги исполнува законските барања, тој морал да го промени начинот на работа во своите продавници.

Набавени се нови, прецизни ваги, а морал да се прилагоди и софтверот што се користи за продажба. Вкупната сметка, според самиот пекар, достигнала 15.000 евра.

Значи, не станува збор за казна од 15.000 евра за десет грама леб, туку за трошокот што бил направен кога пекарницата, по жалба од купувач, морала да ја усогласи продажбата со прописите.

Некои други пекари се одлучиле за поедноставно решение - тие веќе воопшто не продаваат свежо исечени половинки лебови.

За Матијас Брајтнер, анонимна жалба за само десет грама завршила со сметка што веројатно ќе се памети многу подолго од купувачот што ја поднел.

Тагови: леб пекарница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Уапсени се петмина функционери по загинувањето на 14 војници во Каспиското Море

Казахстанскиот претседател Касим-Џомарт Токаев го разреши министерот за одбрана Даурен Косанов, неколку дена откако загинаа 14 војници и однесени во морето за време на воена вежба, според претседателскиот декрет.

Според друг претседателски декрет, Аидос Мирзахметов, поранешен командант на силите за специјални операции, е назначен за нов министер за одбрана на Казахстан, објави „Казинформ“.

Министерството за внатрешни работи на Казахстан пред два дена објави дека властите уапсиле петмина службеници на Министерството за одбрана, вклучувајќи го и првиот заменик-командант на морнарицата, во врска со инцидентот.

Инцидентот се случил на 24 септември, кога припадници на казахстанската војска се истоварувале од патролен брод на брегот на Каспиското Море за време на лоши временски услови.

Три лица беа спасени од морето.

Тагови: војници Каспиското Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.