Филипче најави сериозни кадровски промени, падна уште една оставка во СДСМ, Костадин Ацевски ја напушта функцијата - Канал 5

Македонија

Филипче најави сериозни кадровски промени, падна уште една оставка во СДСМ, Костадин Ацевски ја напушта функцијата

Нема оставка од лидерот на СДСМ - Венко Филипче - одговорноста за дебаклот што го доживеа партијата на локалните избори тој ќе ја бара во неговото партиско опкружување. 

Филипче најави сериозни кадровски промени, падна уште една оставка во СДСМ, Костадин Ацевски ја напушта функцијата

Откако eпилогот од вчерашните локални избори покажа дека СДСМ се сведе на само шест градоначалници на ниво на целата држава, Филипче најави партиски Конгрес како и собири на Извршниот и Централен одбор на кои ќе се дискутираат новите политички патокази но и кадровски промени на партијата.

-Јас сум претседател многу краток временски период, година и неколку месеци. Сметам дека тоа што се направи во партијата изминатиот период после еден таков навистина катастрофален пораз лани, беше една консолидација. Меѓутоа овие избори се дополнителен показател од кој што ќе влечеме пораки и поуки за во иднина затоа што процесот продолжува, силно да се бориме против оваа власт. -Венко Филипче, претседател на СДСМ.

Во меѓувреме веќе паднаа и три оставки од редовите на СДСМ – после потпретседателката Ана Чупеска и претседателот на Скопската градска организација Ѓорѓи Галетановски, оставка денеска си поднесе и кандидатот на СДСМ за градоначалник на Ѓорче Петров – Костадин Ацевски, кој во видео обраќање го повика Филипче како и раководството на СДСМ на колективни оставки, поради како што тој вели, лошото партиско дејствување.

-Поднесувам неотповиклива оставка од функцијата претседател на општинската организација како чин на објективна и морална одговорност за лошите резултати на локалните избори. Верувам дека е исправно и потребно оставка да поднесат и претседателот Венко Филипче и целото раководство на СДСМ не само заради лошите резултати туку и заради начинот на дејствување во изминатиот период. СДСМ е преголема идеја за да остане непрепознатлива,- -Костадин Ацевски, претседател на општинска организација на СДСМ во Ѓорче Петров.

Потпретседателката на СДСМ, Каја Шукова, која и самата доживеа пораз уште во првиот круг од трката за Скопје, во гостувањето во емисијата „На кавга со Иван“, вели дека ги слушаат повиците за одговорност, но ниту таа нема намера да си поднесе оставка.

Освен рекордно најмалиот број на градоначлници, СДСМ на овие избори освои и најмал број на гласови на советничките листи – околу 125.000. Филипче посочи дека овој резултат за него е јасен знак за промените кои се нужни на партијата, но е дециден дека според бројот на освоени места во градските совети, СДСМ останува лидер на опозицијата.

YouTube video

Тагови: Венко Филипче СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вооружен напад во Гватемала: Пратеник им подлегна на повредите, убиени се и тројца полицајци

Гватемалски пратеник и тројца полицајци беа убиени во вооружен напад во источниот град Рио Хондо, изјави во понеделник претседателот на Гватемала, Бернардо Аревало.

Вооружен напад во Гватемала: Пратеник им подлегна на повредите, убиени се и тројца полицајци

Тој го осуди насилството и им нареди на безбедносните сили да помогнат во идентификувањето на одговорните, објави Ројтерс. Пратеникот Хулио Сезар Портиљо Паз беше нападнат во петокот во градот Рио Хондо и првично беше однесен во болница со сериозни повреди.

Неговата партија Национално единство на надежта (UNE) подоцна соопшти дека тој починал.

Убиствата се случија околу три недели откако поранешниот антикорупциски обвинител на Гватемала, Хуан Франциско Солорзано Фопа, беше застрелан во Гватемала Сити.

Властите сè уште не утврдиле врска помеѓу двата напада.

Тагови: Гватемала напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно време со температура до 15 степени

Времето утре ќе биде променливо облачно со сончеви периоди, информираат од УХМР. 

Утре променливо облачно време со температура до 15 степени

МАКСИМАЛНА ТЕМПЕРАТУРА

5 Попова Шапка, 6 Крушево, 8 Маврови Анови, 11 Прилеп, Берово, Крива Паланка, Виница, Тетово, 12 Лазарополе, Претор, Скопје – Зајчев Рид, Кавадарци, Штип, 13 Битола, Велес, Охрид, Демир Капија, 14 Скопје – Петровец, Струмица, 15 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Променливо облачно со сончеви периоди. Дуваше слаб до умерен ветер од северен правец. До крајот на денот ќе се задржи променливо облачно време. Ќе дува слаб до умерен ветер од северен правец.

ВРЕМЕТО УТРЕ

Променливо облачно со краткотрајни сончеви периоди. Во попладневните часови и во текот на ноќта, во западните делови ќе има услови за појава на локален дожд, а на повисоките планини од слаб снег. Ќе дува слаб до умерен ветер од југоисточен правец. Минималната температура ќе биде во интервал од -2 до 6, а максималната ќе достигне од 9 до 15 степени.

Во Скопје, претпладне претежно сончево, во вечерните часови ќе има услови за појава на локален дожд. Ќе дува слаб до умерен ветер од променлив правец. Минималната температура ќе се спушти до -1, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

Во понеделник времето ќе биде претежно облачно со повремени локални врнежи од дожд. Потоа од вторник ќе биде стабилно со променлива облачност во текот на денот, а во петок ќе има услови за појава на слаб локален дожд. Ќе дува слаб до умерен ветер од југоисточен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НБМ: Денеска „АЛТА банка“ АД Битола им изврши исплата на 360 граѓани од Прилеп, Охрид и Ресен

Денеска во филијалата на „АЛТА банка“ АД Битола во Битола им беа исплатени средства на 360 граѓани кои имаат платежни сметки во Банката, а не располагаат со платежни картички.

НБМ: Денеска „АЛТА банка“ АД Битола им изврши исплата на 360 граѓани од Прилеп, Охрид и Ресен

Исплатата се одвиваше во најдобар можен ред, со добра организација и непречено опслужување на граѓаните. Особено успешно беше реализиран организираниот превоз на клиентите на „АЛТА банка“ од Прилеп, Охрид и Ресен до филијалата во Битола и назад. Превозот се одвиваше според предвидениот распоред, а граѓаните од трите града имаа можност на полесен начин да пристапат до средствата на своите сметки.

Граѓаните кои денеска ги подигнаа средствата можеа да повлечат до 20.000 денари, во рамките на максимално дозволениот износ за период од две недели.

Народната банка потсетува дека од понеделник, 9 ноември, ќе започнат со работа и шалтерите на „АЛТА банка“ во Тетово и Струмица. На овие шалтери, клиентите на Банката кои немаат платежни картички ќе можат да подигнат до 20.000 денари. Истовремено, од следната недела се зголемува и неделниот лимит за подигање готовина и плаќања на продажните места со платежните картички на Банката, од 10.000 на 15.000 денари.

Народната банка продолжува со преземање активности за постепено олеснување на условите за располагање со средствата на клиентите на „АЛТА банка“ АД Битола, со приоритет да им се овозможи полесен пристап до нивните средства и уредно опслужување на сите клиенти, соопштуваат од НБМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер