Филипче ја потврди средбата со Ахмети: Разговарале за локалните избори во Гостивар - Канал 5

Македонија

Филипче ја потврди средбата со Ахмети: Разговарале за локалните избори во Гостивар

Пред да одлучи да оди на лидерската средба што ја иницираше премиерот Мицкоски минатата недела, првиот човек на ДУИ Ахмети во Мала Речица се сретнал со лидерот на СДСМ, Филипче. 

Филипче ја потврди средбата со Ахмети: Разговарале за локалните избори во Гостивар

Средбата, која е прва меѓу двајцата лидери на опозициските партии, денеска ја потврди Филипче, кој кажа дека фокусот на разговорот со Ахмети бил само на локалната самоуправа во Гостивар, откако СДСМ на повторените избори го поддржа Ваљбон Лимани кој беше кандидат на Арбен Тараври како дел од коалицијата на Ахмети. Филипче потенцираше дека со Ахмети не договориле никаква соработка ниту коалиција и изрази жалење што дел од политичките партии одлучиле да одат на лидерската средба и со тоа според него да ја летигимираат, како што рече, корупцијата и изолацијата на власта.

-Со Али Ахмети, прво разговаравме во врска со локалната самоуправа во Гостивар. Таму заеднички го поддржавме кандидатот од Алијанса. Градот има сериозни проблеми, потреби имаат граѓаните соодветни, реорганизација во однос на тоа како ќе се постави градоначалникот сега откако оваа наша поддршка му донесе и на него победа. Нема договор за никаква коалиција со ДУИ. После тоа се случи лидерската средбаалам што партиите коишто отидоа таму легитимираат за една ваква власт, навлезена длабоко во корупција, којшто ја држат земјата во изолација и на некој начин во медиумски мрак благодарение на кампањите со лажни вести коишто ги прават преку своите медиуми, изјави Филипче.

На повикот од премиерот Мицкоски за поддршка на реформската агенда, Филипче одговори дека пратениците од СДСМ се тука, но е скепитичен за вистинската волја на Владата... Македонија воопшто не е спомната во новиот извештај за работата на новото кипарско претседателство, а единствено што се споменува според него е кратењето на фондовите од Европа.

-Премиерот Мицкоски треба да каже зошто спиеше две години и ништо не исполнија од реформската агенда. Имаа можност, 12 закони требаше да се донесат до 2025 година. Се донесе само еден на крајот на годината и тоа парцијално донесен, без сите препораки од Европската Унија. Притоа не е тоа се. Вистинскиот чекор напред кон Европа се уставните измени. Значи, оваа влада, освен што по пола мандат, којшто веќе е поминат од четирите години, ако има предвремени избори, и повеќе е поминат од мандатот на Владата не направи ништо со реформите, ниту пак со уставните измени за да ние почнеме вистинските преговори, кажа Филипче.

Премиерот Мицкоски, пак, со дел од министрите вчера во Владата одржал редовен неделен состанок посветен на реформската агенда. Тој во објава на социјалните мрежи соопшти дека во фокусот биле тековните приоритети, предизвици и следните чекори за унапредување на реформските процеси. Претходно, во изјава за медиумите, Мицкоски посочи дека Македонија ќе ја заврши домашната задача со реформската агенда, а потоа останува на Унијата дали ќе го билатерализира нашиот процес на пристапување.

YouTube video

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Искра Хаџи Василева ќе даде свечена изјава за стапување на функцијата Основен јавен обвинител

Денеска пред  Советот на јавните обвинители на Македонија, Искра Хаџи Василева ќе даде свечена изјава за стапување на функцијата Основен јавен обвинител на Основното јавно обвинителство за гонење на организиран криминал и корупција -Скопје.

Искра Хаџи Василева ќе даде свечена изјава за стапување на функцијата Основен јавен обвинител

Хаџи Василева беше избрана на непосредните избори со тајно гласање на јавните обвинители од целата држава, кои беа одржани во октомври годинава, и победи со најмногу гласови во конкуренција на петмина кандидати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова – Ван дер Белен: Австрија останува важен и искрен поддржувач на македонскиот евроинтеграциски пат

Во разговорот беа потврдени одличните македонско-австриски односи, втемелени врз заемна почит, пријателство и соработка, како и врз споделени европски вредности.

Сиљановска-Давкова – Ван дер Белен: Австрија останува важен и искрен поддржувач на македонскиот евроинтеграциски пат

Претседателката Гордана Сиљановска-Давкова, на маргините на Конференцијата на страните на Рамковната конвенција на Обединетите нации за климатски промени (COP31) во Анталија, оствари средба со претседателот на Република Австрија, Александер Ван дер Белен.

Во разговорот беа потврдени одличните македонско-австриски односи, втемелени врз заемна почит, пријателство и соработка, како и врз споделени европски вредности.

Таа изрази благодарност за принципиелната поддршка од Австрија на македонскиот евроинтегративен пат и за нејзината посветеност кон стабилноста, безбедноста и европската перспектива на Западен Балкан.

Соговорниците разменија мислења за иднината на европскиот проект и процесот на проширување на Европската Унија, при што беше нагласено дека неговата кредибилност се гради врз јасни правила, еднакви критериуми и заслуги, а европската перспектива мора да остане реална и достижна за земјите кандидатки.

Сиљановска-Давкова истакна дека проширувањето не е само политичко и економско прашање, туку и безбедносно, особено во време на геополитички тензии коишто се закана за мирот во Европа.

Обајцата укажаа на можностите за продлабочување на македонско-австриската соработка во економијата, енергетиката, климатските политики, образованието и културата.

На средбата беше изразена подготвеност за интензивирање на политичкиот дијалог на највисоко ниво, а како конкретен чекор во таа насока беше договорено да се реализира официјална средба меѓу двајцата претседатели.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжението на надзорната расправа во Собранието за АЛТА банка ќе биде дополнително утврдено

Јавното обвинителство ги следи состојбите и доколку детектира кривично правен настан во случајот со АЛТА банка ќе постапи согласно законските надлежности

Продолжението на надзорната расправа во Собранието за АЛТА банка ќе биде дополнително утврдено

Јавното обвинителство ги следи состојбите и доколку детектира кривично правен настан во случајот со АЛТА банка ќе постапи согласно законските надлежности, одговори државниот обвинител Ненад Савески на надзорната расправа во Собранието на прашањата од пратеникот на СДСМ Миле Талески поврзани со сомнежи за евентуални незаконски дејствија.

На надзорната расправа за АЛТА банка, се објавуваа документи и записници- имало ли влез на сомнителен капитал во домашната банка и од кога и со чии одлуки?

Премиерот Мицкоски рече дека уште во 2023, владата на СДСМ и ДУИ дава насоки да се влезе во деловни односи со Давор Мацура.

Лидерот на СДСМ Венко Филипче одговори дека ова е брутална лага. Пратеничката од СДСМ и претседателка на комисијата за финансирање и буџет, Сања Лукаревска, по исцрпувањето на листата на повикани сведоци за првиот ден, доцна синоќа ја прекина расправата и најави дека продолжението и агендата дополнително ќе се утврдат на координација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер