Филипче: Граѓаните скапо плаќаат за бајките на Мицкоски, со празни џебови и празни фрижидери - Канал 5

Филипче: Граѓаните скапо плаќаат за бајките на Мицкоски, со празни џебови и празни фрижидери

Претседателот на СДСМ, Венко Филипче, на денешната прес-конференција  рече дека граѓани директно ги чувствуваат последиците од бајките на Мицкоски.

Филипче: Граѓаните скапо плаќаат за бајките на Мицкоски, со празни џебови и празни фрижидери

„Граѓаните скапо ги плаќаат бајките и неспособноста на премиерот Мицкоски. Ги плаќаат со празни џебови и со празни фрижидери“, истакна Филипче.

Тој нагласи дека СДСМ навремено предупредуваше и нудеше конкретни решенија за справување со кризата, но Владата не презела ништо.

„Баравме и предупредувавме дека се потребни конкретни мерки за помош на граѓаните. Уште пред скоро два месеци, кога започна кризата на Блискиот Исток, премиерот и Владата не презедоа буквално ништо. СДСМ понуди решенија, намалување на ДДВ-то на горивата на 5%, на основните прехранбени производи ДДВ-то да се намали на 0%, намалување на акцизите за 4 денари и преполовување на цената на патарините. Со овие мерки граѓаните навистина ќе имаа бенефит и ќе се почувствуваше на семејниот буџет. “, рече Филипче.

Тој обвини дека Владата ги одбила овие предлози, а потоа делумно и задоцнето вовела мерки кои сега повторно ги укинува.

„За жал, премиерот и неговата тендер-коалиција сите наши предлог-закони ги одбија. Дел од мерките ги воведоа делумно, а сега и тие се прекинуваат. Предоцна е, затоа што цените на сè во државата веќе се зголемија.“ рече претседателот Филипче.

Тој потенцираше дека реалноста ги демантира тврдењата на Владата.

„Мицкоски сè уште раскажува бајки дека сме трета економија во Европа. Дали граѓаните го чувствуваат тоа кога ќе влезат во продавница? Дали го чувствуваат кога ги плаќаат сметките? Одговорот е – не. Граѓаните живеат многу полошо. Странските инвестиции се намалени за 60%. Компании затвораат и отпуштаат работници. Во изминатите година и пол се отпуштени 1.500 работници. Дупката во буџетот расте, а државата должи 160 милиони евра за поврат на ДДВ кон компаниите.“ рече Филипче.

Дополнително, Филипче нагласи дека цените на основните производи се драстично зголемени:

„Лебот, брашното, шеќерот, солта, месото, млечните производи, овошјето и зеленчукот – сè е поскапено од 5 до 300%. Стандардот на граѓаните се влошува од ден на ден. Зборуваме за економија што тоне, за тежок секојдневен живот на граѓаните, за цени во продавниците кои веќе пораснаа без никаква контрола, за најниски плати во Европа, за најнизок стандард и за млади кои заминуваат од земјава.“ потенцираше претседателот Филипче.

Дополнително, Филипче уште еднаш посочи дека СДСМ бара и таргетирана поддршка за најранливите категории граѓани.

„Продолжуваме да бараме да се замрзнат цените на основните прехранбени производи, да се интервенира во ДДВ-то и да се донесат посебни мерки за помош на одредени загрозени категории на граѓани – социјални случаи, студенти, пензионери, работници со ниски примања, семејства со повеќе деца и земјоделци.“ рече претседателот на СДСМ, Венко Филипче, се наведува во партиското соопштение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани. 

Фото: Кралицата на провокациите повторно во секси бикини

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Електричните возила се по популарни

Според експертите од автомобилската индустријата, електричните возила добиваат на популарност кај потрошувачите поради подобрената инфраструктура за полнење и појавата на попристапни модели, вклучително и од кинески производители. 

Електричните возила се по популарни

Побарувачката за електрични возила низ цела Европа е зголемена и поради зголемувањето на цените на горивата поради војната на Блискиот Исток, според податоците од истражувачката група New Automotive и здружението за индустријата за електрични возила E-mobility.

Сепак, некои раководители предупредуваат дека интересот може да се намали кога цените на бензинот повторно ќе паднат.

Извршниот директор на Ford Europe, Џим Бомбик, рече дека војната го зголемила интересот на клиентите за електрични возила, но предупреди дека ова не треба да се гледа како трајна промена во трендот.

„Нарачките за електрични возила на Renault се зголемија за 50 проценти во некои земји од почетокот на војната со Иран кон крајот на февруари, но очекуваме растот да забави ако цените на горивата паднат“, изјави минатата недела извршниот директор на компанијата, Франсоа Провост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украина и Русија повторно разменија тела на загинати

Москва и Киев разменија тела на загинатите во повеќе од четиригодишната војна, соопштија украинските власти. 

Украина и Русија повторно разменија тела на загинати

Украина прими 522 тела, додека Русија прими 33, според државните новински агенции.

Русија ги врати останките на повеќе од 20.000 Украинци од почетокот на 2025 година, додека прими повеќе од 600 останки на свои граѓани.

Поради бавното, но стабилно напредување на руските сили, украинската војска не можеше да ги врати телата на своите паднати војници. Двете страни ги чуваа своите загуби во тајност.

Украинските загуби се проценуваат на околу 190.000 загинати и исчезнати, додека руските загуби се проценуваат на повеќе од 350.000, според ДПА.

Обединетите нации проценуваат дека нешто повеќе од 16.100 цивили се убиени од мај оваа година. Украина се спротивставува на целосна руска инвазија од февруари 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер