Македонија

Филипче: Граѓаните добија уште едно признание – во Владата на Мицкоски врие од бугарски пасоши

Граѓаните добија уште едно јавно и многу јасно признание од организираната криминална група на Христијан и ВМРО, а тоа е дека во владата врие од луѓе со бугарски пасоши.

Одбија да го прифатат предлог-законот наш на Социјалдемократскиот сојуз на Македонија, со кој премиерот, вицепремиерите, министрите и членовите на Владата не би можеле да имаат двојни државјанства.

Се поставува прашањето зошто тоа го направија? Затоа што пола влада требаше веднаш да си замине. Може целата влада да биде составена од луѓе кои во џебот имаат бугарски пасоши, ама Бугари во Уставот, тоа не може.

Какво лицемерие и какво лажење на сопствените граѓани. Прво го признаа Преспанскиот договор како ремек-дело на дипломатијата.

Потоа признаа дека со Преспанскиот договор се заштитени националниот идентитет, јазикот и културата.

Понатаму признаа дека благодарение на НАТО нашата безбедност е гарантирана и тоа придонесува за подобра бизнис-клима.

И сега дојде време за уште едно признание, дека Мицкоски има влада полна со луѓе со бугарски пасоши и бугарски државјанства.

Со години ширеа хистерија, ширеа страв и ги лажеа граѓаните дека е загрозен нашиот национален идентитет. Токму од овие луѓе кои, замислете, во џебовите имаат бугарски пасоши.

Вицепремиери, министри, пратеници, градоначалници, директори, цела мрежа на функционери на ВМРО-организираната криминална група со бугарски пасоши со години продава лажен патриотизам, додека тивко си обезбедувале европски документи за себе и за своите семејства. И додека ја држат Македонија во изолација и намерно создаваат конфликти со соседите, си ја обезбедиле само за себе својата европска иднина.

Одбивањето да се прифати овој предлог-закон на СДСМ целосно ја разобличува нивната лицемерна политика. Овие луѓе на власт повеќе никој не може да ги излаже.

Со внесувањето на Бугарите и другите малцинства во Уставот се зајакнува нашиот национален идентитет, сите идентитетски одредници, бидејќи тогаш е јасна дистинкцијата помеѓу македонскиот народ и бугарското малцинство кое живее тука.

Ова е последната работа што Мицкоски треба да ја признае.

Да повторам: организираната криминална група на ВМРО на чело со Христијан Мицкоски го призна Преспанскиот договор како ремек-дело, Тимчо Муцунски признал дека НАТО е феноменална работа и за безбедноста на земјата и за бизнис-климата, а Гордана Сиљановска дека јазикот, културата и македонскиот национален идентитет се заштитени и тоа е веќе апсолвирана работа.

Ајде сега сите, јасно и гласно, нека признаат дека сето тоа што со години на наназад ни го говореа беше една лажна пропаганда, само за да дојдат на власт, а Македонија да не може да го продолжи европскиот пат.

Замислете, не даваат малцинства да влезат во Уставот. ВМРО е една единица мерка за лага и за лицемерие, но граѓаните веќе ја знаат вистината.

Замислете го лицемерието – најгласни против Европа се оние кои ја обезбедиле Европа за себе и за своите семејства.

Затоа, како што вели Мицкоски, оваа промакедонска партија не може да биде македонска со бугарски пасоши. Затоа што ова не се политичари кои се грижат за доброто на државата и граѓаните, туку политички туристи со европски пасоши кои функциите ги држат за лично богатење.

Доста е со лагите и доста е со лицемерието.

Малцинства во Уставот треба да се случат час поскоро. Реформи сега и Европа сега.

Прес конференција на претседателот на СДСМ, д-р Венко Филипче

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нема резултати за водата во Гостивар- Клековски нема дозвола од Обвинителството, од таму молк

Никој не ги соопштува резултатите од анализите на водата во Гостивар.

Никој не ги соопштува резултатите од анализите на водата во Гостивар. На прес конференцијата во Владата, на која присуствуваа министерот за здравство Сашо Клековски, директорката на ИЈЗ Марија Андоновска, директорот на СОЗР Ивица Томовски, не беа соопштени резултатите од направените анализи. Како што истакнаа Клековски и Андоновска, тие биле побарани од ОЈО, и ако дозволат од обвинителството тие ќе ги соопштат резултатите.

На прашање на новинарите во прес центарот на Владата, какви се резултатите, Клековски истакна дека доколку добие дозвола од ОЈО, ќе ги соопшти резултатите.

Од друга страна од Обвинителството се уште нема никакви информации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: 9 милиони евра инвестирaме во Вeлес во проекти за инфраструктура

Велес станува подобро место за живеење.

Владата, преку Министерството за транспорт инвестира околу 9 милиони евра во инфраструктурниот развој на Велес, истакна заменик-претседателот на Владата и министер за транспорт, Александар Николоски.

Тој денеска заедно со премиерот Христијан Мицкоски престојуваше во работна посета на општина Велес, каде со градоначалникот Марко Колев направија увид на бројни проекти што се реализираат со поддршка на Владата и Министерството.

„Со гордост можам да кажам дека Владата преку Програмата за инфраструктурни проекти во општините и преку проектот кој го имаме со Светска банка инвестира околу 9 милиони евра, што е исклучително значајна сума за развојот на инфраструктурата. Денеска гледаме започнување на работа на две улици, а една е веќе завршена и драго ми е што преку соработката која што ја имаме со Светска банка веќе се завршени 3 проекти, во вредност од половина милион евра, а тоа се: ул. "8-ми Мај", "Љубљанска" и "Луи Пастер", и исто така во скоро време беше завршена и зградата, каде што има социјални станови.“, изјави Николоски.

Вицепремиерот нагласи дека Владата ќе продолжи со силната поддршка за Општина Велес и во наредниот период.

„Ќе продолжиме да ја поддржуваме Општина Велес, да соработуваме со градоначалникот, Советот и пратениците, а преку координацијата што ја прави Премиерот да обезбедиме уште повеќе проекти кои ќе се реализираат во интерес на граѓаните“, порача Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Градоначалникот Орце да открие кој ја направил срамната графика и колку е платено

Градоначалникот на Скопје, Орце Ѓорѓиевски, мора веднаш да ги објави податоците за фирмата која го изработила графичкиот дизајн на срамниот билборд на влезот во градот.

Граѓаните имаат право да знаат:

• Како оваа фирма ја добила работата?

• Дали е спроведена јавна набавка?

• Колку е платено за графичкото решение и за поставувањето на билбордот?

• Дали Град Скопје плаќа за AI-генериран срам?

Исто така, градоначалникот треба да открие колку тендери досега добила оваа фирма и кој стои зад неа.

Според правилата за јавни набавки, за лошо извршена работа се издава негативна референца, која носи исклучување од учество во јавни набавки од 1 до 5 години.

Досега нема информација дали на оваа фирма ѝ е издадена негативна референца или пак ќе продолжи да добива пари од буџетот на Град Скопје.

Градоначалникот Орце Ѓорѓиевски не смее да крие информации за трошење на јавни пари.

Граѓаните на Скопје заслужуваат одговори, а не молк и прикривање, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.