Филипче: Граѓаните да одлучат преку референдум дали ќе има уставни измени - Канал 5

Македонија

Филипче: Граѓаните да одлучат преку референдум дали ќе има уставни измени

Граѓаните да одлучат преку референдум дали ќе има уставни измени – повика претседателот на СДСМ – Венко Филипче, обвинувајќи дека премиерот Мицкоски и владејачката ВМРО-ДПМНЕ го блокираат евроинтегративниот процес на земјата.

Филипче: Граѓаните да одлучат преку референдум дали ќе има уставни измени

Граѓаните на референдум да се изјаснат дали се за уставни измени – повика претседателот на СДСМ – Венко Филипче, обвинувајќи дека премиерот Мицкоски и владејачката ВМРО-ДПМНЕ го блокираат евроинтегративниот процес на земјата поради лични лукративни интереси. Во однос на повикот на премиерот до опозицијата за обединување околу националните интереси и евроинтеграциите, Филипче оцени дека станува збор за лажно „подадена рака“ и дека СДСМ нема да го поддржи, како што кажа, лажниот патриотизам и политиките кои ја изолираат државата.

-Нека распише власта референдум, затоа што ја носат целокупната одговорност за патот кон ЕУ и да им го кажат граѓаните вистинскиот став и одговор. Се согласувам дека треба прашање како ќе биде, но на власта е одговорноста, власта ветуваше влез во Европа по поинакви, подобри и погорди услови, така беше? Излажаа. Прашајте го што е патриотски во неговата политика да ја изолира земјата и што точно значи неговиот повик за обединување, што Мицкоски сака да слушне од опозицијата, од мене лично, нас, било кој, што точно очекува, што за него значи обединување. Нема да застанеме зад него и неговите погрешни политики, само за тој и бандата да продолжат со криминалните тендери,- -Венко Филипче – Претседател на СДСМ.

Од ВМРО-ДПМНЕ пак сметаат дека уставните измени не се последното барање кон Македонија, и дека единствениот кој верува дека нема да има дополнителни барања од Софија бил токму Филипче. Според нив, целта на Бугарија се историјата, идентитот и културното наследство на Македонија, за кои велат, не смеат да бидат предмет на политички договори.

-Очигледно е дека единствениот кој верува на пораките од Румен Радев дека уставните измени се последна пречка на патот кон ЕУ е токму специјалниот бугарски пратеник во Македонија – Венко Филипче. Македонската историја која е надалеку позната и прочуена Румен Радев ја претставува како бугарска, а Филипче не осудува. Почитувани граѓани зошто ова што го говориме е многу важно – затоа што имате право да знаете какви отстапки би следеле понатаму доколку СДСМ и Филипче повторно би добиле можност да одлучуваат за државните позиции. Од авион се гледа дека Бугарија има пошироки барања кон Македонија,- Валентин Манасиевски – Портпарол на ВМРО-ДПМНЕ.

Премиерот Мицкоски по вчерашната прес-конференција со хрватскиот колега Пленковиќ изјави дека Македонија останува посветена на членството во Европската Унија, но не по секоја цена и без можност за идентитетски отстапки.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

В.Д. амбасадорот на Македонија во Софија повикан на разговор во бугарското МНР

Вршителот на должноста амбасадор на Македонија во Софија денеска бил повикан во бугарското министерство за надворешни работи во врска со палењето на двата автомобили на амбасадата на Бугарија во Скопје.

В.Д. амбасадорот на Македонија во Софија повикан на разговор во бугарското МНР

Како што информираа од бугарското МНР, заменик-министерот за надворешни работи Христо Полендаков нагласил дека Бугарија најостро го осудува овој, како што го нарекол, демонстративен чин на агресија, кој ги довел во опасност здравјето и животот на вработените во бугарската амбасада, како и на жителите на главниот град на Македонија.

„Бугарија ги зема предвид изјавите на официјалните институции во соседната држава и брзата реакција на надлежните органи, која доведе до приведување на сторителот. Истовремено, очекуваме да се спроведе ефикасна истрага и правна разрешница на случајот, со што јасно ќе се покаже дека ваквите дела се недозволиви“, истакнал Полендаков и додал дека секој обид за ширење страв на Бугарите во Македонија е неприфатлив – соопштија од бугарското МНР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 15 возачи за безобѕирно управување возило

Сите возеле без возачка дозвола, од нив тројца малолетници, а двајца учествувале и во сообраќајни незгоди.

Лишени од слобода 15 возачи за безобѕирно управување возило

Во текот на изминатото деноноќие на целата територија на државата, полициските службеници лишија од слобода 15 возачи за безобѕирно управување возило, сите возеле без возачка дозвола, од нив тројца малолетници, а двајца учествувале и во сообраќајни незгоди.

Пет лица во Тетово (двајца малолетници), тројца во Скопје, двајца во Прилеп (еден малолетник) и по едно лице во Делчево, Штип, Гевгелија, Зајас и Демир Хисар возеле без возачка дозвола. Еден од малолетниците во Тетово и уште еден друг возач претодно учествувале во сообраќајни незгоди. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски воен брод пукал кон јахта во Ламанш

Морнари од руски воен брод испукале предупредувачки истрел кон јахта што му се приближила во Ламанш, дознава британската новинска агенција „Press Association (PA)“.

Руски воен брод пукал кон јахта во Ламанш

Инцидентот се случил во вторник околу 11:40 часот, а според неофицијални информации, вмешана била руската фрегата „Адмирал Григорович“. Сè се случило во морската област помеѓу британскиот остров Вајт и францускиот регион Нормандија.

Истрел бил испукан кога цивилен брод кој се приближил кон руски воен брод

Крајбрежната стража во понеделник попладне добила дојави од цивилен брод под британско знаме што пловел во близина на руската фрегата „Адмирал Григорович“. Од британскиот брод било пријавено дека Григорович испукал предупредувачки истрел откако двата брода поминале опасно блиску еден до друг во каналот.

Настанот е најнов во низата индикации за растечки тензии меѓу Велика Британија и Русија.

Напад на командоси врз руски танкер

Само два дена претходно, во недела, британските сили спроведоа голема операција во истиот канал. Командосите на Кралските морнарички сили и Националната агенција за борба против криминалот (NCA) извршија рација и ја презедоа контролата врз танкерот „Смиртос“.

Бродот е под меѓународни санкции и припаѓа на таканаречената „флота во сенка“ на Русија, која се користи за таен транспорт на нафта.

Извор: Индекс.хр

Тагови: воен брод Ламанш

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер