Премиерот Мицкоски пак не сака јавно да коментира кривичната пријава што му ја поднесоа од СДСМ, за како што велат кршење на Уставот и законите по неговата изјава дека имал чувство дека ќе се гонат поранешни високи функционери од опозицијата и како што рече ќе оставаи на органите да одлучуваат. Мицкоски денеска категорично ги отфрли обвинувањата на СДСМ дека власта ангажирила странска разузнавачка агенција за да ги следат партискиот лидер Венко Филипче и нивни функционери и кажа дека не се занимава со „естрадна политика

-Јас не би можел да коментирам повеќе, оставам на органите да одлучуваат, кривичната претпоставувам е поднесена до обвинителството , можеби ќе треба прашањето да го упатите до таму, јас не би сакал со моја изјава по ниту една основа да влијаам врз одлуката на обвинителството, а во однос на кривична што ја поднесе СДСМ. Што се однесува за чувствата мислам дека премногу чувствителни станавме во периодов сега да се фокусираме на вистинските нешта за бескомпромисна борба против криминалот и корупцијата и напорна работа за македонските граѓани, изјави Мицкоски.

СДСМ нема да отстапи пред заканите и притисоците за прогон од премиерот Мицкоски, изјави опозицискиот лидер Венко Филипче упатувајќи критики дека премиерот ја претворил државата во авториртарен режим со поделби и креирање на внатрешни и надворешни непријатели.

-Слушав и не ми се веруваше што кажува сега премиерот. Човекот којшто отворено се закануваше и од собраниска говорница, кажуваше кој и како ќе биде гонет, се закануваше со органите на власта кои што се независна власт, судска. Наеднаш не чувствува ништо. Чудни амплитуди во чувставата, постепено се зголемуваат и наеднаш исчезнуваат. Прво премиерот треба да знае и сакам да му порачам: доколку знаел што се случува со пријавата тогаш има кривична одговорност. Доколку не знаел има политичка одговорност, затоа што се заканува и тоа е нешто што не смее да го прави, тоа е манир на авократски режим. Ама тоа не неизненадува. Тоа е така изминативе две години, тоа е неговиот манир на владеење, изјави Филипче.

Во однос на изразелската фирма, Филипче праша зошто премиерот експлицитно не кажал дека не била ангажирана. Според него СДСМ е подготвена да оди на парламенатрни избори во било кое време, но не одговори конкретно дали би побарал да бидат предвремени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.