Филипче го објави Фронтот за вистина и правда - Канал 5

Македонија

Филипче го објави Фронтот за вистина и правда

Претседателот на СДСМ, д-р Венко Филипче, на денешната прес-конференција го објави Фронтот за вистина и правда.

Филипче го објави Фронтот за вистина и правда

Претседателот на СДСМ, д-р Венко Филипче, на денешната прес-конференција го објави Фронтот за вистина и правда, кој го сочинуваат четири столбови - нулта толеранција за корупција и европска правда, иднина за младите, достоинствен живот за сите, подобар животен стандарт и силно село и земјодолци. Филипче посочи дека клучниот столб на кој се темели програмата е нулта толеранција за корупција и дигитална транспарентност.

„Овој столб опфаќа полна имплементација и проширување на соработката со Европското јавно обвинителство. Ние веќе имаме потпишано работен договор со оваа институција со Европското обвинителство во 2022 година. И тој договор ќе го активираме на највисоко ниво. Ќе имаме директна размена на информации, заеднички истражни тимови и техничка поддршка од Европа. Ова значи дека високата корупција, министри, пратеници, големи тендери со огромни суми на народни пари, ќе можат да ги истражуваат и европските обвинители“, рече Филипче.

Во рамките на овој столб, предвидено е основање на национална антикорупциска дирекција според моделот на романскиот ДНА.

„Нова целосно независна институција, полна финансиска и кадровска независност, надлежност за сите, од премиер до градоначалник, до најситен функционер на локално ниво. Директорот се избира со двотретинско мнозинство во Собранието, за да не може ниту една политичка партија да влијае и да го контролира. Моделот е комбинација на романското ДНА, која има огромна ефикасност, и естонските дигитални алатки. Финансирането, 60% од европските пристапни фондови и 40% од буџетот, плус пари вратени од корупцијата“, рече Филипче.

Како дел од столбот за нулта корупција и дигитална транспарентност е целосна дигитализација на јавните набавки, тендери и услуги, според естонскиот модел.

„Сите тендери, дозволи, сувенции и плаќања ќе се прават исклучиво преку онлајн апликација и една национална дигитална платформа. Граѓанинот или компанијата понесува барање со клик и го следи целиот процес во реално време. Нема физички контакт со службеници. Моделот е естонски, 99% од услугите се онлајн и благодарение на тој модел, Естонија е една од најмалку корумпираните земји во Европа“, рече Филипче.

Воедно, во рамки на столбот ќе се воведе задолжителна електронска декларација на имот.

„Секој функционер од од премиер до најнизок функционер на локално ниво, семејство, го пријавуваат целиот имот, сметки, акиции, подаровци над 100 евро. Вештачка интелигенција, системот кој ќе користи, ги споредува со примањата. Лажна или нецелосна декларација ке биде предметна кривична одговорност. Моделот е естонски, плус модел кој што се имплементирал во Сингапур“, рече Филипче.

Како дел од столбот нулта корупција и дигитална транспарентност е заштита и награда за свиркачи и регистар на црни листи.

„Граѓанин или вработен кој ќе пријави корупција добива 5 до 15% од вратените пари, плус целосна заштита на идентитетот и неговото работно место. Има анонимен онлајн канал, а моделот е по примерот на Естонија и САД. Со јавниот регистар на црни листи, секој осуден за корупција трајно се забранува да врши јавна функција или да учествува на државни тендерски постапки, ќе следуваат строги казни и конфискација на имот. Регистрот ќе биде јавно достапен онлајн. Моделот од естонската и од романската пракса“, рече Филипче.

YouTube video

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Фото: Рафаел Надал го прослави својот 40-ти роденден: Воодушеви со синовите и сопругата

Еден од најдобрите тенисери во историјата Рафаел Надал слави важна лична годишнина.

Фото: Рафаел Надал го прослави својот 40-ти роденден: Воодушеви со синовите и сопругата

Тенискиот шампион Рафа надал го прослави својот 40-ти роденден во интимна атмосфера со сопругата и нивните два мали сина, Рафаел Џуниор и Микел.

Тениската легенда го одбележа својот 40-ти роденден со многу ретки фотографии со сопругата Марија Франциско Перело и нивните две мали деца.

Рафаел зрачеше од среќа на прекрасна фотографија со своето семејство додека го прославуваа посебниот ден дома со чоколадна торта. Поранешниот тенисер, кој ги замагли лицата на своите деца, го држеше својот постар син, тригодишниот Рафаел Џуниор, во скут, додека неговата сопруга го држеше нивниот помлад син Микел во раце.

На друга ретка фотографија, Надал позира со широка насмевка додека во рацете ги држи синовите пред декорација со балони подготвена за да го прослави неговиот 40-ти роденден.

Тој исто така сподели трогателни видеа од неговите најблиски како ја пеат роденденската песна и го прегрнуваат.

„Ви благодарам на сите за желбите за роденденот. Беше многу посебен ден, опкружен со целото мое семејство“, напиша Надал под објавата.

Инаку Рафа и убавата Франциска својата вфрска ја започнаа пред повеќе од две децении во 2005 година.

За прв пат заедно се појавија на црвениот тепих во 2011 година.

Двојката беше заедно 14 години пред свадбата, а судбоносното „да“ го кажаа во Шпанија во октомври 2019 година.

Тагови: Рафаел Надал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Кинеските електрични автомобили ја освојуваат Канада, но речиси сите носат знак на американски бренд

Канада ги отвори вратите за електрични автомобили произведени во Кина благодарение на нов трговски договор со кој значително се намалени увозните давачки.

Кинеските електрични автомобили ја освојуваат Канада, но речиси сите носат знак на американски бренд

Наместо дополнителна царина од 100 проценти, возилата сега плаќаат само 6,1 процент, но со ограничување од 49.000 автомобили годишно.

Во мај, во Канада беа увезени 2.910 електрични возила кои ги исполнуваа условите за преференцијална царинска стапка. Сепак, според достапните податоци, само 18 од автомобилите не беа модели на Tesla. Ова е теренецот Lotus Electra.

Се верува дека најголемиот дел од увозот се автомобили „Тесла Модел 3“ произведени во фабриката во Шангај, кои компанијата ги извезува на канадскиот пазар. Другите кинески производители сè уште не започнале со испораки во значителни количини.

Тоа наскоро би можело да се промени. Кинескиот гигант BYD планира да отвори до 20 продажни локации во Канада оваа година, додека „Чери“ го подготвува доаѓањето на брендот „Џаеку“.

Групацијата „Гили“, која веќе ги контролира брендовите „Волво“, „Полестар“ и „Лотус“, планира понатамошно проширување преку лансирањето на брендот „Зикр“.

Иако квотата има за цел да го поттикне доаѓањето на кинеските производители, засега „Тесла“ има најголема корист од новиот договор, кој го користи производствениот капацитет во Кина за снабдување на канадскиот пазар.

Тагови: електричен автомобил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-Фото: Започна елитната свадбена церемонија на сексапилната Дуа Липа

Пејачката Дуа Липа, која наполни 30 години, и нејзиниот сопруг Калум Тарнер (36), ја започнаа својата свадбена прослава вредна 1,5 милиони фунти со раскошна забава за добредојде за мноштво познати гости на Сицилија. 

Видео-Фото: Започна елитната свадбена церемонија на сексапилната Дуа Липа

Прво, тие организираа интимна граѓанска венчавка во Лондон, која исто така привлече големо внимание.

Двојката организираше прослава во Палацо Валгуарнера Ганга, пишува Дејли Меил, а се шпекулираше дека Дуа ќе оди по олтарот во венчаница од „Ателје Версаче“ изработена по нарачка, благодарение на нејзиното долгогодишно пријателство со Донатело. Извор близок до свадбата изјави за Дејли Меил:

„Ова ќе биде најкул свадбата, а воедно и исклучително гламурозна. Дуа и Калум се многу возбудени и беа вклучени во секој детаљ од организацијата. Тие сакаат сè да биде спектакуларно.“

Донатела изгледаше зачудувачки во златен фустан со реси додека славеше со Дуото на забава во Италија.

За време на прославата, Калум не можеше да го тргне погледот од својата прекрасна сопруга. За нејзиното спектакуларно пристигнување со сопругот, Дуа избра бел фустан од модната куќа „Ботега Венета“, достоен за невеста.

Тагови: Дуа Липа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер