Здравје

Филипче: Децата и натаму ќе се оперираат во клиниката „Жан Митрев“ на сметка на ФЗО

Третманот на децата продолжува во клиничката болница „Жан Митрев“ без разлика дали тимот предводен од детскиот каридохирург Владимир Чадиковски останува во болницата или заминува, потврди за Канал 5 министерот за здравство Венко Филипче.

Операциите ќе бидат на сметка на фондот како и досега, вели министерот кој е на годишен одмор. Засега нема детално објаснување кој ќе ги прави операциите во оваа болница, бидејќи Чадиковски е единствениот лиценциран детски кардиохирург во Македонија. Вчера од болницата „Жан Митрев“ излегоа со како што потенцираат историска вест во кардиохирургијата дека во Македонија за првпат е направена најтешката и најкомплексна операција на срце кај деца. Новороденче од скоро три килограми како итен случај завршило на операција во оваа болница. Операцијата ја правел доктор Жан Митрев со објаснување дека операцијата е направена со старо- новиот тим од државна клиника како еден тим. Неколку часа подоцна каридохиругот Чадиковски даде отказ со образложение дека не се почитувале договорот од страна на болницата и министерството за здравство. Чадиковски за канал 5 потврди дека не знае за успешната операција, бидејќи тој е на одмор од Грција. На ова прашање не добивме одговор од никого како е направена интревнецијата без присуство на Чадиковски. Тој во февруари оваа година премина во оваа болница како јавно приватно партнерство и како единствен лиценциран детски кардиохирург.

Од клиничката болница „Жан Митрев“ до медиумите испратија писмено соопштение, каде објаснува дека оваа клиника пред 20 години го потпиша првиот договор со фондот за здравствено осигурување за кардиоваскуларна хиругија, и дека се изведуваат сите видови кардиоваскуларни операции.

„Досега се третирани над 1000 вродени срцеви маани кај возрасни, деца и бебиња, се прават планови за оперативен третман за уште 20-тина деца во наредните неколку недели и соработката продолжува со министерството за здравство“ , се вели во соопштението.

Во соопштението се потенцира и вчерашната успешна операција, но немаше објаснување дали без единствениот детски лиценциран кардиохирург смееле да ја направат операцијата.

Од лекарската комора објаснуваат дека до нив не е стигант документ од здрвствените инспектори дека е направена интревенција во отсуство на лиценцираниот детски кардиохирург. Засега нема никаква писмена преставка стигната и до државниот санитарен здравствен инспекторат.

Култура

Премиера на претставата „Хенгинг Араунд“ во МНТ

Во Македонскиот народен театар  вечер од 20 часот премиерно ќе биде изведена  претставата „Хенгинг Араунд“ по текст на Љупчо Јованов, во режија и адаптација на Бојан Трифуновски.

МНТ соопшти дека дејството во претставата се случува во светот на бајките, а местото и времето се ирелевантни. Главните ликови во приказната 0 (Хенгинг) и 1 (Араунд) се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа.

-Можеби се Дисмас и Гестас, но пред да ги распнат, можеби некако им избегале на Римјаните и продолжиле да го живеат својот динамичен живот, овојпат празен и лишен од средба со Спасителот. Можеби патем решиле да се смират, да создадат семејство со единствена цел, да умрат во длабока старост почитувани од пријателите и сакани и жалени од најблиските. Дали нивниот карактер, судбина, ги натерала повторно да си ја пробаат среќата и да започнат нова авантура, да влезат во нова приказна..., наведува Македонскиот народен театар.

Во претставата играат Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софиа Насевска-Трифуновска и Нела Павловска.

Култура

Велигденски концерт на „Танец“

Ансамблот „Танец“ вечер во Националната опера и балет ќе го одржи велигденскиот концерт „Велигден е, Ѓурѓовден е“.

Изведени ќе бидат видеоприказните „Ѓурѓе ле, Ѓурѓе, млад Ѓурѓе, да кој ти рече да дојдеш? Мене ми рече Велигден“, „Брале се, брале сватови“, „Велигден, море Велигден, в година пак да ни дојдиш“ и „Да исчистиме гревовите, да испадиме духовите“ и кореографските постановки „Ѓурѓовденка“, „Мариовска тресеница“ и „Свадба“.

„Танец“ премиерно ќе ја изведе и најнова кореографска постановка „У ливаду“ од 2023 година.

Во рамки на програмата ќе бидат емитувани тематски видеоинтермеца, за чија изработка се користени материјали од архивите на МРТ, Институтот за фолклор „Марко Цепенков“ – Скопје, Музеј на Македонија и Кинотека на РМ.

Македонија

МОН ги известило училиштата неработните денови да бидат одработени во саботи

Министерството за образование и наука со допис ги известило училиштата дека двете среди (24 април и 8 мај) кога нема да работат поради одржување на изборите, треба да ги одработат во две саботи (18 мај и 1 јуни). 

МОН во дописот со вчерашен датум им укажало дека треба да се исполни одредбата од законот според која учебната година трае 180 наставни денови.

Покрај тоа, основните училиштата на Град Скопје се задолжени на 15 јуни (сабота) да го надоместат 30 ноември 2023 (четврток) кога не работеа поради одржувањето на Министерскиот совет на ОБСЕ во Скопје. За оваа нивна обврска МОН во дописот се повикува на нацрт-записник од 199 седница на Владата одржана на 14 ноември минатата година кога 30 ноември бил определен за неработен ден за учениците од основните училишта во Град Скопје.

Министерството за образование и наука вчера за медиумите соопшти дека наставата од учебната 2023/2024 ќе се реализира во целост, како што предвидуваат плановите за организација на работата на основните и средните училишта и дека учебната година нема да биде продолжена, односно ќе заврши согласно утврдените календари – на 10 јуни за средношколците и на 17 јуни за основците, но не информираше дека неработните денови ќе бидат одработени во саботи.

-Иако гласањето во рамки на првиот и вториот изборен круг е закажано во работни денови, учениците нема да изгубат од наставата и да пропуштат дел од наставниот материјал, посочи МОН без да прецизира дека деновите ќе бидат надоместени како што за тоа ги известило училиштата.

Известувањето пратено до училиштата го објави и Самостојниот синдикат за образование, наука и култура (СОНК) на нивната фејсбук-страница, со прашање: „Од кога неработните денови преку ноќ стануваат работни?“

- Министерот за образование веднаш да го повлече Известувањето до училиштата, со кое се задолжуваат да ги одработат „неработните" денови, прогласени од Владата, заради одржување на претстојните избори. Впрочем, и други учебни години завршувале и биле верифицирани од страна на министерот со помалку од 180 работни денови, како на пример учебната 2021/22 година, пишува во реакцијата на СОНК.

Со одлука на Владата од седницата пред три дена, заради непречено спроведување на првиот и вториот круг на Претседателските избори и на Парламентарните избори 2024, деновите 24 април и 8 мај ќе бидат неработни за сите граѓани на целата територија на државава, и тие нема да се одработуваат.

МОН вчера информираше дека во вторниците 23 април и 7 мај, т.е. деновите пред одржувањето на изборите во државава, наставата во училиштата ќе се реализира вообичаено согласно распоредот, а училиштата во кои утредента ќе се организира гласање ќе работат од 7 до 11 часот, со скратени наставни часови за сите одделенија односно класови.

Инаку, учениците оваа година првпат ќе имаат пролетен распуст кој ќе почне на 29 април и ќе трае заклучно со 6 мај.

притисни ентер