Балкан

Фич потврди позитивни изгледи на Србија за добивање кредитен рејтинг од инвестициски ранг

Агенцијата „Фич“ ги потврди позитивните изгледи на Србија за добивање кредитен рејтинг со инвестициски ранг, додека кредитниот рејтинг со задржување на ниво ББ+, соопшти Народната банка на Србија.

„И покрај фактот дека геополитичките и трговските тензии на глобално ниво останаа изразени во втората половина од минатата година и на почетокот на оваа година, агенцијата за рејтинг „Фич“ уште еднаш ги потврди позитивните изгледи на нашата земја за добивање инвестициски рејтинг. Тоа значи дека сме на половина пат до добивање рејтинг на инвестициско ниво според оваа агенција за рејтинг“, изјави гувернерката на НБС, Јоргованка Табаковиќ.

Според оценката на агенцијата „Фич“, економскиот раст во 2025 година во Србија беше побавен од очекуваното, што се одрази во зголемената неизвесност од меѓународната и домашната средина. Во извештајот, исто така, се наведува дека решавањето на прашањето за српската нафтена индустрија се очекува во релативно краток временски период, како и дека краткорочните ризици поврзани со снабдувањето со енергија се ублажуваат со обезбедени резерви и активности за диверзификација на изворите на снабдување со гас, соопшти НБС.

Агенцијата Фич, исто така, проценува дека растот на бруто домашниот производ постепено ќе се забрза на 4,2 проценти во 2027 година, а ќе биде поттикнат од спроведувањето на голем број инвестициски проекти во рамките на програмата „Скок во иднината - Србија Експо 2027“, закрепнувањето на инвестициите во приватниот сектор и силна приватна потрошувачка.

Според извештајот на агенцијата Фич, инфлацијата се забавила и од септември 2025 година ќе започне на ниво под три проценти.

Според проценката на „Фич“, учеството на буџетскиот дефицит во бруто домашниот производ (БДП) во 2025 година било под медијаната на земјите со слична оценка, учеството на јавниот долг во БДП продолжило да се намалува - на под 45 проценти во 2025 година, значително под медијаната за земјите со ист, но повисок кредитен рејтинг, а во текот на 2026 и 2027 година, „Фич“ очекува властите да останат посветени на почитување на ограничувањето на фискалниот дефицит до три проценти од БДП.

Девизните резерви останале стабилни, и покрај зголемената домашна побарувачка за девизи на крајот од годината, наведува агенцијата Фич.

Тагови: Србија Фич

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Маж од Градско изгубил контрола врз тракторот и загинал

На 25.07.2026 во СВР Велес било пријавено дека околу 18:00 часот кај место викано „Србиново“ во атар на с.Уланци, општина Градско, С.Л.(81) од Градско, управувајќи трактор со приколка , изгубил контрола и со тракторот излетал од патот.

Од здобиените повреди, С.Л. починал на местото, а смрт констатирал лекар од Итна медицинска помош.

Увид на местото извршила екипа од СВР Велес, а по наредба на јавен обвинител, телото на починатиот било дадено на обдукција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

!6- годишно момче од Кондово починало, откако со мајка му било на гости во с. Синѓелиќ

На 25.07.2026 во 16.22 часот во СВР Скопје, од Комплекс клники „Мајка Тереза“ било пријавено дека кај нив во бессознание бил донесен 16-годишник од с.Кондово.

На 25.07.2026 во 16.22 часот во СВР Скопје, од Комплекс клники „Мајка Тереза“ било пријавено дека кај нив во бессознание бил донесен 16-годишник од с.Кондово, кој за кратко време починал.

Според пријавеното, тој со неговата мајка бил на гости кај роднини во с.Сингелиќ, при што во еден момент му се слошило и паднал во бессознание.

Лекар констатирал смрт без видливи траги на насилство, а по наредба на јавен обвинител телото на починатиот било дадено на обукција, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Добринт: Во Берлин се случи исламистичко терористички напад, еден загинат и 29 повредени

Нападот на Парадата на гордоста во Берлин е исламистичко терористички напад, изјави денеска германскиот министер за внатрешни работи Александар Добринт.

Нападот на Парадата на гордоста во Берлин е исламистички терористички напад, изјави денеска германскиот министер за внатрешни работи Александар Добринт, додавајќи дека осомничениот за нападот им бил познат на полицијата и безбедносните служби по неколку претходни кривични дела.

„Сè што гледаме укажува на исламистички терористички напад“, изјави германскиот министер на прес-конференција, според германската јавна служба за покраините Берлин-Бранденбург RBB.

Според него, осомничениот Абдул Б. прво удрил во луѓето со својот автомобил, а потоа излегол од возилото и нападнал повеќе минувачи со остро оружје, најверојатно со мачета, предизвикувајќи дополнителни сериозни повреди.

Добринт рече дека осомничениот претходно им бил познат на полицијата и безбедносните служби по неколку кривични дела, процес на радикализација и врски со исламистичката сцена.

„Имало високо ниво на криминална активност, радикализација и припадност на исламистичка средина“, рече министерот.

Тој изјави дека Абдул Б. претходно бил осуден на една година и десет месеци затвор од суд во Берлин, но дека казната била условна.

Добринт изјави дека осомничениот е роден во Германија во 2005 година и имал германско државјанство по раѓање.

Неговото семејство е по потекло од Либан, додека неговата мајка добила германско државјанство во 2002 година, неколку години пред неговото раѓање.

Германскиот министер рече дека осомничениот е сè уште на слобода, поради што полициските активности се засилени во Берлин, како и на железничките станици, аеродромите и границите низ цела Германија.

Според информациите презентирани од Добринт, во нападот се повредени 29 лица, од кои некои се сериозно повредени, додека едно лице починало.

Претходните проценки зборуваа за 16 повредени.

Тагови: Берлин напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.