Финалето на купот на Македонија меѓу Тетекс и Шкендија и официјално беше прекинат, поради недолично однесување. Фудбалерите го напуштија теренот по координација и со согласност на делегатот на натпреварот, претставниците од ФФМ, капитените и тренерите на двете екипи.

Причина за да се донесе оваа одлука беа викотниците со националистичка содржина од обете навивачки екипи, чин недостоен за сопртот. Навивачите не го испочитуваа апелот на ФФМ и клубовите за фер и спортско бодрење. И покрај апелот и предупредувањата за прекин на натпреварот, навивачките групи спротивно на одредбите на ФФМ и УЕФА продолжија со употреба на пиротехнички средства и говор на омраза што доведе и до конечна одлука за прекин на натпреварот.
ФФМ и натаму ќе настојува на спортските терени да владее спортскиот дух и бодрење, а оние кои вистински не го сакаат спортот и фудбалот да останат надвор од спортските арени.

Утре дополнително ќе се решава за одржување на натпреварот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.