Фестивалот на грчки филм го приближи современите грчки филм до македонската публика - Канал 5

Култура

Фестивалот на грчки филм го приближи современите грчки филм до македонската публика

Фестивалот на грчки филм синоќа во Кинотека свечено го затвори Амбасадорката на Република Грција, Софија Филипиду, а потоа следуваше проекцијата на филмот „Жена-Убиец/Фониса“ на Ева Натена и „Поглед од балконот“ – краток филм на Арис Капланидис.

Фестивалот на грчки филм го приближи современите грчки филм до македонската публика

Амбасадорката Филипиду се заблагодари на соработката на Фестивалот Киненова и на Кинотеката на Северна Македонија и посочи дека филмот на Ева Натена со кој се затвора годинешното издание говори за една измачена постара жена која што убива женски новороденчиња за да ги спаси од нивната темна судбина.

-Филмот е инспириран од култниот роман на познатиот грчки писател Александрос Пападијамантис. Тој е еден од најистакнатите грчки писатели, чии дела имаа големо влијание на модерните грчки автори, а неговиот роман се разгледува низ призмата на родовите студии, рече Филипиду.

„Жена-убиец“ е втора адаптација на истоимениот роман по онаа на Костас Ферис од 1974 година и жестоко ја отвора темата на доминација на машкиот над женскиот пол, на жената како жртва на цврсто вкоренетите традиции, обичаи кои долго време биле зацрврстени дури и во позитивното грчко законодавство. Се работи за филм кој е заснован на настани кои реално се случиле.

На присутните со видео –порака им се обрати и режисерката Ева Натена, која се заблагодари на организаторите на Фестивалот и вети дека во октомври ќе допатува во Скопје.

-Многу сум среќна што филмот се прикажува на Фестивалот на грчки филм во Северна Македонија, би сакала да можам да присуствувам, но тоа е тешко во моментов. За мене и моите соработници е мошне важно што можев да ја опишам траумата на мојата мајка и посакувам сите да го доживеете филмот во вистинско светло, рече Натена, објаснувајќи дека филмот го работела врз основа на истражувања кои траеле десет години.

Ова издание на фестивалот се одржува од7-9 април во Скопје и од 8-10 април во Битола и ја понуди есенција на грчката филмска уметност од последните неколку години, прикажувајќи вкупно шест филмови - три долгометражни и три кратки филмови. Програма е направена според концептот да се приближи светогледот на современите грчки филмски автори, кои прават вивисекција на современото грчко општество. Доминираат темите за машко-женските односи, доминацијата на мажите, оттуѓеноста на современиот човек во грчкото општество, занимавањето со смртта во разни димензии, како казна, како решение, како поттик, како мотивација.

Присутните ги поздрави и Клери Коцидас, шеф на Канцеларијата за јавна дипломатија во Амбасадата на Грција.

-Вечерва ќе гледате уште два филма од грчки автори. Станува збор за краткометражниот филм на Арис Капланидис, „Поглед од балконот“ и „Жена убиец“/ Фониса од Ева Натена кој е инспириран од истоименото дело на Александрос Пападијамантис. Филмот на Натена имаше премиера пред три месеци во Грција, доби бројни награди и стана голем хит, рече Коцидас посакувајќи им на присутните уште една убава вечер со грчката кинематографија.

„Поглед од балконот“ е анимиран филм кој говори за Лина - средовечна госпоѓа која се чини дека никогаш не се поместува од балконот на својот стан, вмешувајќи се во се што се случува во нејзиното видно поле. Некои соседи се изненадени од нејзиното однесување, но повеќето ги нервира нејзиниот постојан поглед кон нив, се додека еден ден Лина ќе ја снема од балконот и тоа мало соседство ќе се промени засекогаш.

Дејствието на филмот „Жена убиец“ се одвива на оддалечен остров во Грција, околу 1900-та година. Хадула, која го изгубила својот сопруг на млада возраст, е жена која научила да преживува во крајно патријархално општество.

Но, Хадула не толку лесно ја прифаќа таа судбина. Нејзината лична, внатрешна, револуција набргу ќе излезе на површина. Жртви на нејзиниот испад се малите девојчиња на островот, кои таа ги ослободува од општествениот и економскиот товар што го носи нивното постоење... со одземање на нивните животи. Нејзините постапки ќе ја доведат лице в лице со властите, соопштија организаторите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

БМВ укинува СУВ модел- слабата продажба „му пресуди“ на BMW XM (ФОТО)

Иднината на „атрактивниот“ и подеднакво контроверзен SUV модел на BMW XM е сериозно доведена во прашање поради екстремно слабата побарувачка. 

БМВ укинува СУВ модел- слабата продажба „му пресуди“ на BMW XM (ФОТО)

Со само 7.608 продадени единици низ целиот свет во 2025 година, XM беше најниско продаваниот модел на брендот.

Сепак, не оди сè добро за Баварците. Доказ е од првиот ден на спорниот XM. Неговата продажба во првата половина од оваа година се намали за дополнителни 22,4 проценти, на само 2.816 возила во споредба со истиот период минатата година. Иако БМВ никогаш не очекуваше масовна продажба поради високата цена, се чини дека бројките се толку ниски што го доведуваат во прашање опстанокот на овој конкретен M модел.

Промашување на продажбата на клучните пазари

Според извештајот на Automotive News, XM се соочува со неизвесна иднина првенствено поради лошите резултати во Кина. Кога моделот беше претставен пред четири години, BMW предвиде дека Кина ќе учествува со 23 проценти од вкупната продажба. Се очекуваше Соединетите Американски Држави да бидат најголемиот поединечен пазар со удел од 26 проценти, но електрифицираниот SUV не ги постигнува своите цели ниту таму. Официјалните податоци покажуваат дека побарувачката во САД во текот на 2025 година опаднала за 4,9 проценти, на само 1.878 возила.

Нема индикации за редизајн

Овој развој на ситуацијата не е големо изненадување. XM е на пазарот околу четири години и во оваа фаза од животниот циклус, тест прототиповите на редизајнираната верзија веќе треба да се појават. Бидејќи нема такви фотографии, многу е веројатно дека BMW планира да го прескокне освежувањето на средината од циклусот за својот најскап СУВ. Исто така, малку е веројатно дека моделот ќе добие наследник на новата платформа Neue Klasse, иако брендот најави околу 40 нови или ажурирани модели до крајот на 2027 година.

Споделувањето на трошоците не беше доволно

Иако официјално се смета за самостоен М производ, BMW постигна значителни заштеди на XM преку споделување на компоненти. Моделот не само што ја користи докажаната платформа CLAR, туку неговиот plug-in хибриден V8 систем сега ги напојува и новите модели M5.

Верзијата XM 50e, која не е достапна на американскиот пазар, е исто така plug-in хибрид, но е базирана на шестцилиндричниот мотор во линија што се наоѓа во другите хибриди на брендот. Дури и со распределбата на трошоците за развој, XM се чини дека е премногу специфичен модел за да оправда наследник.

Реструктуирање на понудата на BMW

Доколку XM навистина се повлече до крајот на деценијата, тој ќе се придружи на голем број други модели на BMW кои се повлекуваат. Поради реструктуирањето на гамата, Z4 и серијата 8 веќе се повлечени, а i4 се прекинува за да се направи место за новиот i3 седан.

Се шпекулира дека со новиот iX5 и претстојниот iX7, нема место ниту за iX SUV. Automotive News тврди дека деновите на миниванот од серијата 2 Active Tourer се исто така избројани. Ништо не е официјално додека компанијата не го потврди тоа, но недостатокот на навестувања за редизајн, а камоли за втора генерација, сериозно ја доведува во прашање иднината на XM.

Тагови: бмв СУВ возила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Томовски: Институциите постапија веднаш, на граѓаните на Гостивар им беше обезбедена питка вода во континуитет

„Се издвоија околу 6 милиони денари за целата оваа постапка. Она што го направивме како Влада, уште на самиот почеток, одма, веднаш интервениравме. 

Томовски: Институциите постапија веднаш, на граѓаните на Гостивар им беше обезбедена питка вода во континуитет

Од првиот ден почнавме да носиме миниум по два шлепери на ден. Околу 70 тони питка вода за пиење“, рече во „Вести Плус“ на Канал 5, Ивица Томовски, директор на Служба за општи и заеднички работи (СОЗР) при Влада и член на Централен комитет на ВМРО-ДПМНЕ.

Томовски се осврна на мерките кои биле преземени од страна на СОЗР и Владата за време на кризната состојба со водата во Гостивар. Тој посочи дека интервенирале уште од првиот ден и како што кажа тој, на граѓаните на Гостивар во континуитет им биле доставувани најмалку по два шлепери дневно, односно околу 70 тони питка вода дневно.

„Можам да кажам дека во континуитет доставуваме по 2 шлепери, некогаш имаше и одредени поголеми количини бидејќи имаше и компании коишто донираа дополнителни количини на вода. Мислам дека покривме целосно за граѓаните, беше доволно бидејќи кон крајот како завршуваа деновите дел од граѓаните имаа обезбедено и поголеми количини во своите домови“, заврши Томовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дронот што НАТО го собори над Латвија бил украински

Вооружените сили на Латвија објавија дека дронот соборен во воздушниот простор на балтичката земја на 14 август е од украинско потекло, што е најновиот во низата инциденти како што се прелева војната на Русија против Украина во соседните земји.

Дронот што НАТО го собори над Латвија бил украински

Италијански борбен авион стациониран во Балтикот собори дрон откако влезе во воздушниот простор на Латвија, членка на Европската Унија и НАТО, за време на украинските напади врз руските пристаништа, објави НАТО.

Дронот влегол од Белорусија

Дронови на украинската армија што таргетираат цели во Русија неколку пати оваа година залутаа во воздушниот простор на балтичкиот регион и го вклучија алармот. Латвиските вооружени сили објавија дека дронот влегол во Латвија од Белорусија, најверојатно поради руско електронско блокирање. Тие одбија да дадат дополнителни детали за дронот.

Тагови: НАТО Латвија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер