Фестивал на византиско црковно пеење викендов во Битола - Канал 5

Култура

Фестивал на византиско црковно пеење викендов во Битола

Викендов во Битола ќе се одржи фестивалот на византиско црковно пеење, насловен „Раѓањето на Пресвета Богородица“, на кој ќе настапат хорови од Битола, Струмица и Белград.

Фестивал на византиско црковно пеење викендов во Битола

Според програмата, вечер во храмот „Пресвета Богородица“ во Битола, ќе настапи детскиот црковен хор „Св. Стилијан“ и машкиот византиски хор „Св. Нектариј Битолски“ од Битола, женскиот црковен хор „Св. Теофил Струмички“ од Струмица и српскиот византиски хор „Мојсие Петровиќ“ од Белград.

-Фестивалот е основан во чест на Пресвета Богородица, во чиј храм и се реализира. Досега, на фестивалот настапиле повеќе хорови од Македонија, како што се: „Калистрат Зографски“ од Струга, „Херувими“ од Скопје, „Св. Ахил Преспански“ од Ресен, „Пелагонитица“ од Прилеп, како и нашите битолски хорови „Св. Нектариј Битолски“, „Св. Макрина“ и детскиот хор „Св. Стилијан“. Во нашиот храм се негува исклучиво византиско црковно пеење, кое е наша вековна традиција во Битола, како и на поширокиот Балкански Полуостров. На фестивалот досега биле изведени бројни композиции од различни автори, меѓу кои и македонски композитори како: „Св. Јован Кукузел“, „Манасиј Поп Тодоров“, „Калистрат Зографски“ и други. Првпат оваа година, во Битола ќе ни гостува византискиот хор „Мојсеј Петровиќ“ од Србија, кој исто така ја негува оваа музичка дејност. Битола, како вековен духовен и културен центар, заслужува еден ваков фестивал на духовна музика, со чие афирмирање се збогатува и негува ова црковно пеење, а со тоа и се зголемува интересот кај нови љубители на овој вид музика, информираа организаторите на фестивалот.

Фестивалот се одржува со благослов на митрополитот преспанско-пелагониски г. Петар и завршува утре во 8 часот кога во храмот „Пресвета Богородица“ ќе се одржи архијерејска литургија, а хоровите учесници ќе приредат посебна утринска програма на византиско црковно пеење.

Тагови: МПЦ -ОА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите му веруваат на Путин

Околу седум од 10 Руси му веруваат на рускиот претседател Владимир Путин и ја оценуваат позитивно неговата работа, покажаа две анкети на руските истражувачки центри ВЦИОМ  и ФОМ.

Русите му веруваат на Путин

Според анкетата на ВЦИОМ , 72 проценти од испитаниците му веруваат на Путин, додека 22,7 проценти не, објави РИА Новости.

Неговата работа како претседател ја одобруваат 67,7 проценти од испитаниците, додека 20,9 проценти не го одобруваат.

Слични резултати покажа и анкетата на ФОМ. Околу 70 проценти од испитаниците рекле дека му веруваат на Путин, додека 17 проценти не му веруваат.

Ист процент, 70 проценти, веруваат дека Путин добро се однесува како претседател, додека 14 проценти имаат спротивно мислење.

Разлики се забележани во оценката на работата на владата.

Според ВЦИОМ, 45,2 проценти од испитаниците ја одобруваат нејзината работа, додека 24,2 проценти не ја одобруваат.

ФОМ забележа дека 45 проценти од Русите веруваат дека владата добро си ја врши работата, додека 34 проценти ја оценуваат нејзината работа негативно.

Кога станува збор за рускиот премиер Михаил Мишустин, 55,3 проценти од испитаниците во анкетата на ВЦИОМ изразиле доверба во него, додека 49 проценти од граѓаните ја оцениле неговата работа позитивно, според ФОМ.

И двете анкети покажаа дека Единствена Русија би била убедливо најпопуларната партија доколку изборите за Државната дума се одржат следната недела.

Според ВЦИОМ, 39,2 проценти од испитаниците би гласале за неа, а според ФОМ, 32 проценти.

Анкетата на ВЦИОМ е спроведена од 17 до 23 август меѓу 1.600 возрасни испитаници, со маргина на грешка од 2,5 проценти.

Анкетата на ФОМ е спроведена од 21 до 23 август меѓу 1.500 испитаници, со маргина на грешка до 3,6 проценти.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почина норвешкиот крал Харалд Петти

Кралот на Норвешка, Харалд Пети, почина на 89-годишна возраст, една недела откако беше примен во болница на лекување поради ретка крвна состојба, потврди претседателската палатата.

Почина норвешкиот крал Харалд Петти

По 35 години на престолот, тој ќе остане запаметен како популарен и реформски монарх кој ја модернизираше круната и служеше како обединувачка фигура во најтешките моменти за Норвешка. Кралските набљудувачи велат дека бил приземјен, почитуван и омилен, честопати опишуван како „дедо на нацијата“ и „народен крал“, титула која му се припишуваше и на неговиот татко, кралот Олав Пети. Тој ќе биде наследен од неговиот син Хокон, кој има 53 години. Според норвешкиот уставен систем, промената на монархот настапува веднаш и нема класична церемонија на крунисување.

Тагови: Норвешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Петрова Чамова: Не постои политичка волја кај власта во скопје да почне да го спроведува договореното

Не постои политичка волја кај власта во Скопје да почне да го спроведува договореното во европскиот компромис од 2022 г. , вели во интервју за бугарскиот дневен весник „Стандард“ министерката за надворешни работи на Бугарија Велислава Петрова Чамова.

Петрова Чамова: Не постои политичка волја кај власта во скопје да почне да го спроведува договореното

„За жал, оттогаш до денес не постои политичка волја кај власта во Скопје да почне да го спроведува договореното. Ние не поставуваме нови услови и не бараме ништо надвор од веќе договорената европска рамка. Довербата се гради кога преземените обврски се исполнуваат и кога гледаме конструктивен пристап насочен кон изнаоѓање решенија. Конфронтацијата и антибугарската реторика не ја приближуваат Македонија до Еу – тие само водат кон губење драгоцено време, вели Петрова за Стандард.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер