Фестивал на фолклорот во Неготино - Канал 5

Култура

Фестивал на фолклорот во Неготино

 „Фатени за раце го менуваме светот”, беше насловен фолклорниот фестивал, што синоќа се одржа во Центарот за култура “Ацо Ѓорчев” во Неготино.

Фестивал на фолклорот во Неготино

– Станува збор за фестивал на кој настапија лица со посебни потреби, пдидружувани од фолклорни ансамбли од повеќе градови. Учествуваа Центар за помош на лица со ментален хендикеп Порака Неготино – Неготино и Фолклорен ансамбл “Ацо Ѓорчев”, Основно училиште за деца со посебни образовни потреби “Маца Овчарова“ и КУД “Коле Неделковски“ Велес, Средно училиште за деца со посебни образовни потреби “Искра“ Штип и КУД “Ристо Донев – Учителот“ и посебна паралелка при ОУ “Страшо Пинџур“ Кавадарци со Фолклорен ансамбл “Тиквеш“, појаснија домаќините од ,,Порака” Неготино.

Организацијата Центар за помош на лица со ментален хендикеп ,„Порака” од Неготино е родителска, невладина организација за возрасни лица со умерен и тежок ментален хендикеп.

– Веќе тринаесета година го спроведуваме процесот на деинституционализација во Неготино и Скопје, а 20 години работиме на дневно згрижување, едукација и работно оспособување на лицата со попреченост – дневни центри во Скопје и Неготино. Нашата организација во 2008 година за прв пат во нашата земја и пошироко започна со процесот на деинституционализација – лицата коишто живееле во институции се преместуваат во куќи, а целта е да се оспособат за самостојно живеење. До денес имаме вкупно 87 корисници од сите општини во државата, коишто живеат кај нас и имаат 24 часовна целосна нега и грижа, информираа од „Порака”.

Притоа нагласија дека водат грижа, не само за територијално преместување.

– Даваме целосна поддршка, нега, здравствена заштита, едукација, работно оспособување, образование и она што е потребно индивидуално, за секое лице. Во склоп на Дневен

центар Неготино функционираат неколку работилници, преку кои нашите корисници ги изразуваат своите таленти, рекоа од „Порака”.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руте: Видовме што им се случи на бродовите вчера. САД мораа да го нападнат Иран

Генералниот секретар на НАТО, Марк Руте, ги поддржа американските напади врз повеќе од 80 цели во Иран, извршени како одговор на иранските напади врз три трговски брода што минуваа низ Ормутскиот теснец.

Руте: Видовме што им се случи на бродовите вчера. САД мораа да го нападнат Иран

„Мислам дека беше апсолутно неопходно, бидејќи постои примирје, а Иран очигледно го крши. Видовме што се случи вчера со нападите врз бродовите“, рече Руте денес во Анкара, на маргините на самитот на НАТО.

„Апсолутно е клучно САД да одговорат решително“, додаде тој пред консултациите на лидерите на 32-те членки на НАТО Во меѓувреме, Кувајт беше нападнат, додека утрово во Бахреин се огласија сирени за воздушен напад, откако иранските медиуми објавија дека иранската војска најавила одговор на американските напади.

Тагови: Иран Марк Руте

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на Судскиот совет, на дневен ред одлука за избор на претседател на Кривичен суд

Судскиот совет на Македонија денеска треба да одржи седница на чиј дневен ред се повеќе точки.

Седница на Судскиот совет, на дневен ред одлука за избор на претседател на Кривичен суд

Судскиот совет на Македонија денеска треба да одржи седница на чиј дневен ред се повеќе точки, меѓу кои и усвојување на извештај со предлог листа на кандидати за претседател на Основен кривичен суд Скопје и донесување на одлука за избор на претседател на Основниот кривичен суд Скопје.

На дневен ред, е и усвојување на измени и дополнувања на годишната програма за работа на Судскиот совет за 2026 година, како и избор и разрешување на судии поротници и формирање комисии на известители по барања за утврдување одговорност на судија/претседател на суд.

Тагови: Судски совет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Америка силно го нападна Иран, следуваше жестока одговор

Америка ноќва изврши силни напади врз Иран по нападот на неколку танкери во Ормутскиот теснец. Иран тврди дека утрово возвратил со напади врз американски воени цели во регионот.

Америка силно го нападна Иран, следуваше жестока одговор

Американските воздушни напади врз Иран од синоќа беа „четири или пет пати“ поинтензивни од претходните американски одговори на иранските прекршувања на меморандумот за разбирање, изјави новинарот на „Аксиос“, Барак Равид, цитирајќи американски функционер. Според неговиот извештај, целите на нападите вклучувале локации за воздушна одбрана, ракети земја-воздух, системи за крајбрежен надзор, места за лансирање беспилотни летала, пристанишни објекти и лансери на крстосувачки ракети против бродови.

Иран утрово одговори на ноќешниот напд.

Иранската Исламска револуционерна гарда (ИРГГ) објави дека нападнала 85 американски воени цели во Бахреин и Кувајт. Како што се наведува во соопштението, нападот бил изведен како одговор на она што го нарекоа „кршење на примирјето“, до кое дошло откако Соединетите Држави извршиле серија воздушни напади во јужниот дел на Иран.

Претходно беше јавено дека во Бахреин и Кувајт се огласиле сирени за предупредување од ракетни напади, додека иранската војска упатила официјално предупредување дека подготвува „разорен одговор“ на американските напади.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер