Фестивал на Биодиверзитетот: Здрави корења, полни трпези - Канал 5

Фестивал на Биодиверзитетот: Здрави корења, полни трпези

Слоу Фуд Водно со поддршка од Слоу Фуд Македонија, по четврти пат денеска го организира Фестивалот на биодиверзитетот – празник на автентичноста, локалното производство, здрави корења и полни софри.

Фестивал на Биодиверзитетот: Здрави корења, полни трпези

- Ова ќе биде ден кога храната ќе раскажува приказни за зачувани сорти, за вредните раце што нежно ги негуваат, и за трпези кои се полнат со добра, чиста и правична храна, наведуваат организаторите.

Овојпат, во фокусот ќе биде планинскиот чај, чиешто мирисно и лековито богатство ќе го открие Самет Абдули од Ростуше, Маврово – чувар на традицијата и раскажувач на билкарските тајни на планината.

За најмладите магионичарот Кристијан, со својот едукативен настап ќе покаже дека и храната може да биде вистинска магија.

Артисан пекара Пан Пан ќе одржи работилница за кисело тесто, каде љубителите на автентичен леб ќе имаат можност да научат како да создадат свој, „жив леб", кој расте полека, но со душа.

Целта и оваа година е поддршка за малите производители, кои ја чуваат традицијата, но смело чекорат со современите вредности и трендови.

На фестивалот ќе земат учество над 25 Слоу Фуд производители од цела Македонија, носејќи со себе вкусови, мириси и приказни од различни краеви на земјата.

А покрај храната, ќе Фестивалите и музика– зад диџеј пултот ќе биде DJ Soul Case.

Фестивалот се реализира со поддршка од Министерството за земјоделство, шумарство и водостопанство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Танкер бил погоден од проектил додека пловел во близина на Ормутскиот теснец

Танкер бил погоден од непознат проектил додека пловел во близина на Ормутскиот теснец информираше  британската поморска служба.

Танкер бил погоден од проектил додека пловел во близина на Ормутскиот теснец

Повикувајќи се на неименуван американски функционер, „Волстрит џурнал“ објави дека корпусот на исламската револуционерна гарда на Иран отворил оган врз два комерцијални брода во близина на теснецот.

„Аксиос“, објави дека Иран испукал ракети врз комерцијални бродови што транзитирале низ теснецот. Нападот се случил неколку часа пред американскиот претседател Доналд Трамп да замине на самитот на НАТО во Анкара, Турција, каде што се очекува лидерите да разговараат за безбедноста во протокот, и додека Иран го одбележува повеќедневниот погреб на убиениот поранешен врховен лидер, ајатолахот Али Хамнеи.

Техеран ги прекина кревките преговори со САД, чија цел беше постигнување траен договор за прекин на нивниот конфликт, за време на повеќедневните комеморации за Хамнеи, кој беше убиен во американско-израелски напад во февруари, на првиот ден од војната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во Анкара почнува самитот на НАТО, македонската делегација е предводена од претседателката Сиљановска Давкова

Во Анкара денеска почнува дводневниот самит на лидерите на 32-те земји членки на НАТО... Македонската делегација ја предводи претседателката Гордана Сиљновска Давкова...

Во Анкара почнува самитот на НАТО, македонската делегација е предводена од претседателката Сиљановска Давкова

Таа ја ја предводи македонската делегација, во чиј состав се министрите за одбрана Владо Мисајловски, и за надворешни работи и надворешна трговија Тимчо Муцунски, како и генерал-мајор Сашко Лафчиски, началник на генералштабот на Армијата.

Во тензична атмосфера, лидерите ќе разговараат за неколку клучни прашања – зголемување на инвестициите во одбраната, натамошната воена поддршка за украина, зачувување на единството во сојузот но и инцијатива Европа да ја презема одговорноста за безбедноста на континентот.

Американскиот претседател Доналд Трамп доаѓа со очекување дека НАТО членките ќе ја потврдат согласноста до 2035 година да издвојуваат 5 проценти од бдп за одбраната.

Исто така, се очекува сојузниците да ја потврдат финансиската и воената поддршка за украина, која според најавите ќе достигне околу 140 милијарди евра во текот на оваа и следната година.

Пред пристгнувањето во Анкара, Трамп изрази и оптимизам дека на претстојниот самит на НАТО ќе биде изнајдено решение за завршување на војната во Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Белгија ги декласира САД во најконтроверзниот натпревар на Мундијалот, Роналдо се прости од Португалија

23 светски фудбалски шампионат во осминафиналето остана и без последниот, трет домаќин, селекцијата на САД. 

Белгија ги декласира САД во најконтроверзниот натпревар на Мундијалот, Роналдо се прости од Португалија

Белгија ги победи САД со 4–1 во најконтроверзниот натпревар од осминафиналето на Светското првенство.

Херој на победата беше Шарл де Кетеларе, кој постигна голови во 9. и 33. минута и асистираше за голот на Ханс Ванакен во 57. минута.

Ромелу Лукаку постигна гол во 93. минута откако влезе во игра од клупата за резерви. Малик Тилман го постигна единствениот гол за САД од слободен удар во 31. минута.

Во четвртфиналето Белгија ја очекува дуел против актуелниот европски шампион големиот фаворит за завршницата селекцијата на Шпанија.Мундијалското европско дерби ќе остане запишано и во историјата како последен меч во репрезенативниот дрес на Португалија на светската ѕвезда Кристијано Роналдо.

Шпанците синоќа го добија европскиот класик во осминафиналето против големиот ривал Португалија со гол на Мерино во судиското надополнување.

Инаку, мечот Белгија - САД имаше тензија уште пред да започне поради еден од најголемите скандали во историјата на Светското првенство, откако ФИФА – наводно под притисок на американскиот претседател Доналд Трамп – ја укина суспензијата на американскиот напаѓач Фоларин Балогун. Тој доби црвен картон на натпреварот против Босна и Херцеговина, но неговата суспензија беше одложена, што му овозможи да игра против Белгија. Сепак, дури ни тој не можеше да им помогне на САД да дојдат до победа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер