Ферари на спектакуларна церемонија го претстави новиот болид (ВИДЕО)

Со Симфониски оркестар и спектакуларна програма, Ферари го претстави автомобилот за новата сезона во Формула 1 на прекрасната промоција во Реџо Емилија.

Наречен SF1000, симболизирајќи ги иницијалите на компанијата и јубилејната 1000-та трка што треба да се слави следната сезона, Скудерија Ферари верува дека овој автомобил може да ја прекине долгогодишната доминација на Мерцедес.

„Навистина ми се допаѓа и едвај чекам да седнам во кокпитот. Не можам да кажам што ќе се случи оваа сезона, но знам колку луѓе работеа за овој автомобил“, рече Себастијан Фетел.

Ферари минатата година имаше огромни проблеми, а во некои трки славниот италијански тим делуваше комично. Со прекрасниот нов автомобил, тие веруваат во подобри денови, така што ќе треба да видиме како SF1000 ќе се справи со Мерцедес и постојаното подобрувањето на тимот на Ред Бул.

Последниот возач што го освои Светскиот куп со Ферари беше Кими Раиконен во 2007 година. Новата сезона во Формула 1 започнува на 15 март со трката за големата награда на Мелбурн.

притисни ентер