Ферари и Алфа Таури имаат проблеми со коронавирусот , се одложува ли стартот на Формула ?

Новата сезона во Формула 1 е закажано да започне на 15 март, но ширењето на епидемијата на коронавирус од ден на ден создава дополнителни проблеми.

Додека чекаат потврда за тоа дали првата трка од сезоната ќе се одржи во Австралија на 15 март, лошата вест пристигнува од Бахреин, каде седум дена подоцна се очекува да се одржи втората трка од сезоната Ф1.

Имено, поради ширењето на коронавирусот, властите во Бахреин им забранија влез на сите странски државјани кои престојувале во Италија, Ирак, Кина, Хонг Конг, Иран, Тајланд, Сингапур, Малезија и Јужна Кореја во претходните 14 дена. Ова е голем проблем за екипите на Формула 1 од Италија - Ферари и Алфа Таури, но и екипите кои ги снабдуваат моторите на Ферари - Алфа Ромео и Хаас.

Ова значи дека ќе биде практично невозможно да учествуваат во втората трка од сезоната во Бахреин.

Големата награда на Бахреин започнува на 20 март, а со оглед на фактот дека возачите и членовите на тимовите мора да бидат таму два дена порано, тоа значи дека сите овие луѓе ќе треба да ја напуштат Италија до утре, како и да мора да се подготват за две трки во исто време - Австралија и Бахреин затоа што во меѓувреме не можат да се вратат во својата база - во Италија.

Овој проблем може да доведе до одредено одложување на почетокот на сезоната, за кое се зборува подолго време, бидејќи неможноста на некои тимови да учествуваат би ја довела во прашање регуларноста на самото натпреварување.

Познато е дека трката за Големата награда на Кина, која беше закажана за 19 април, беше откажана заради коронавирусот, додека организаторите на трката во Виетнам пред неколку дена најавија дека ќе се вози на 5 април, како што е планирано.

притисни ентер