Ферари го претстави првиот болид, што може да вози на патишта- веќе е распродаден (ВИДЕО) - Канал 5

Автомобилизам

Ферари го претстави првиот болид, што може да вози на патишта- веќе е распродаден (ВИДЕО)

Нуди брутални перформанси, но за прв пат е дозволено да вози по јавни патишта.

Ферари го претстави првиот болид, што може да вози на патишта- веќе е распродаден (ВИДЕО)

Секако, ни со полн гас, па ни со половина гас, затоа што зборуваме за ѕвер кој го претставува најдоброто и најбрзото што Ферари може да го понуди. За понудата XX се зборува уште од 2005 година кога беше претставен првиот производ и самата линија, а потоа се базираше на моделот Enzo. Последниот во низата благородни спортисти се базира на SF90, имено Страдејл и Спајдер.

Веднаш се забележува фиксното задно крило, мотоспортски детал кој италијанскиот производител не го користел од 1995 година и моделот F50. Потисната сила е драстично подобра во споредба со сè што е видено од Ферари и благодарение на доводите на предниот капак, кои го насочуваат воздухот под возилото и споменатото крило, но и постоечкото активно крило, овој автомобил генерира 530 кг сила надолу на 240 km/h. За споредба, обичниот SF90 има надолна сила од 390 kg при иста брзина.

XX доби и поинаков изглед благодарение на промените на светлата, но и продолжениот заден дел. Одзади е инсталиран хоризонтален светлосен елемент. Нема значителни промени во структурата на самото возило, па ни заштедата на тежина не е голема. Со 1560 кг е полесен за 10 кг од верзијата Assetto Fiorano, а тоа е последица и на вградувањето на дводелни карбонски седишта и модификациите на моторот.

Кога сме кај моторот, треба да се каже дека хибридниот погон со моторот 4.0 V8 сега произведува 30 КС повеќе или 1030 КС. Со промените на моторот во форма на полирани канали за довод и издувни гасови и инсталирање на нови клипови за зголемување на компресијата, моќноста скокна од 780 на 797 КС. Двата предни електромотори обезбедуваат 230 КС.

Ферари не ги објави резултатите на XX на патеката Фиорано, но открива дека времето на забрзување до 100 km/h е скратено на 2,3 секунди и на 200 km/h за 6,5 секунди. 100 kg потешкиот Spider е малку побавен. Максималната брзина е 320 km/h, а двата автомобили можат да возат 25 km на струја благодарение на батеријата од 7,9 kWh.

И сега она што најмногу боли. Почетната цена е 770.000 евра за Stradale и 850.000 за Spider, а наводно сите примероци, 799 од Stradale и 599 од Spider се однапред распродадени.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер