Според информациите од истрагата на кои се повикуваат дел од медиумите, момчето кое претходно било уапсено за физички напад на девојката во неговиот дом, сега ја убил и ја запалил во автомобил, а потоа и сам си го одзел животот. Од полицијата не ги потврдуваат ваквите наводи и велат дека се преземаат мерки за околностите како загинале две лица.

Според официјалните информации, пријавено било синоќа во 18 и 40 од жител на Богданци дека во месноста Ичева чешма во Горно село близу Богданци има опожарен автомобил, а во близина има безживотно тело. Откако дошла брзата помош констатирале смрт прво кај лицето кое било надвор од автомобилот, а потоа откако пожарникарите го изгасиле огнот, внатре го нашле и второто тело.

„ Било констатирано дека во близина на опожареното возило имало машко лице кое не давало знаци на живот, по што било констатирано дека станува збор за В.Г. од Богданци. Од екипа на Итна медицинска помош при Општата болница во Гевгелија била констатирана смрт. По локализирање на пожарот од страна на Бригадата за противпожарна заштита, било забележано дека во возилото има опожарено лице без знаци на живот. “Гоце Андреевски – портпарол на МВР.

Идентитетот на девојката и точните причини официјално се уште се истражуваат. Од МВР велат дека јавен обвинител на ОЈО Гевгелија извршил увид на местото на настанот, и по негова наредба двете тела се предадени на обдукција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зад металните огради се наоѓа запуштен и заграден простор, во кој, според укажувањата на жителите, има наталожено отпад, обрасната вегетација и застоена вода, која создава услови за размножување комарци и други штетници.

Речиси две децении овој простор стои ограден, а околните жители се оставени сами да се справуваат со последиците од неговата запуштеност.

Но, проблемот не е само во состојбата на парцелата. Проблемот е и во односот на Општина Центар кон граѓаните.

Кога жителите побарале помош од Комуналната инспекција, добиле одговор дека општината не е надлежна бидејќи станува збор за приватен имот.

Господине Герасимовски, дали тоа е Вашиот одговор на секој проблем во општината? Дека некој простор е приватен и затоа Општината нема никаква обврска да реагира?

Никој не бара од Вас да посегнувате по приватна сопственост. Бараме да ја работите работата за која сте избрани. Да испратите инспекција, да ја утврдите состојбата, да постапите во рамките на законските надлежности и да побарате одговорност од сопственикот доколку се утврдат неправилности.

Дали воопшто е направен записник? Дали е утврдено што се случува зад оградата? Дали е контактиран сопственикот? Дали е побарано отстранување на отпадот и застоената вода?

Ова се прашања на кои граѓаните заслужуваат конкретни одговори.

Додека во Центар никнуваат нови згради, додека се бетонира секој слободен простор и додека урбанистичките интереси стануваат главна тема, основните комунални проблеми остануваат нерешени.

Затоа со право се поставува прашањето: дали политиката на Бетон Герасимовски и неговиот ментор Филипче е политика на развој на Центар или политика во која граѓаните остануваат последни на листата на приоритети?

Центар не се само зградите, инвеститорите и градежните парцели. Центар се луѓето кои живеат тука, нивните деца, нивните домови и нивното секојдневие.

Од градоначалникот Горан Герасимовски бараме:

Прво, итно да се изврши увид на локацијата на улицата „Петар Поп Арсов“ број 38 и да се утврди фактичката состојба.

Второ, да се преземат сите мерки во рамките на законските надлежности за отстранување на отпадот, застоената вода и потенцијалните извори на штетници.

Трето, да се утврди сопственикот на парцелата и да се побара од него да ги отстрани утврдените неправилности.

Четврто, јавноста да биде информирана што конкретно презела Општината и во кои рокови проблемот ќе биде решен.

Граѓаните на Центар не заслужуваат да бидат оставени сами да се борат со проблемите пред своите домови.

Господине Герасимовски, Вие сте градоначалник на сите жители на Центар, а не само на оние што градат и инвестираат.

Доста е од бетон, доста е од изговори и доста е од префрлање одговорност! На Центар му треба општина што ќе се грижи за граѓаните, а не општина што ќе им објаснува зошто не може да им помогне.

Клементина Брзаковска, претседател на Комисија за животна средина при ОК Центар на ВМРО - ДПМНЕ и член на ГК Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Работната група за јазични и малцински права на Европската слободна алијанса ја обвини Грција за систематско потиснување на македонското и на турското малцинство, посочувајќи на заплашување, кривичен прогон и на попречување на културните активности на двете заедници.

Во соопштението се наведува дека во леринскиот округ, грчките власти ги попречувале традиционалните фестивали на кои се пеат песни и се играат ора на македонски јазик. Меѓу примерите се наведуваат прекинување на културни настани во леринските села, како и кривични пријави против припадници на македонската заедница.

ЕФА реагира и поради неспроведувањето на пресудите на европскиот суд за човекови права во предмети поврзани со македонските и со турските организации, чии пресуди остануваат неспроведени 18 години.

Од организацијата бараат Грција да ги спроведе пресудите од Стразбур и да им овозможи на македонските и на турските културни организации слободно да работат и да преземе мерки за заштита на малцинствата од говор на омраза.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.