Саинз на тој начин ќе му се придружи на Чарлс Леклерк во Ферари, откако беше објавено пред два дена дека италијанскиот тим и четирикратниот светски шампион , Себастијан Фетел се разделуваат на крајот на сезоната. Фетел е во Ферари од 2015 година и со 14 победи е трет најуспешен возач на тој тим по Шумахер и Лауда.
„Тимот и јас сфативме дека повеќе не сакаме да останеме заедно по оваа сезона. Финансиите немаа одиграно никаква улога во оваа заедничка одлука. Она што се случуваше во последните неколку месеци, натера многумина од нас да размислуваат за приоритетите во реалниот живот. Ќе размислувам за мојата иднина “, рече 32-годишниот Германец, кој ќе биде заменет со седум години помлад Шпанец.
Саинз пристигнува во Ферари од Мекларен, каде го замени Фернандо Алонсо минатата година. Тој претходно возеше за Торо Росо и Рено. Тој го постигна најдобриот резултат од неговата кариера минатата сезона кога заврши на третото место во Бразил. Вкупно, тој е шести возач на натпреварот таа сезона. Саинз ќе биде заменет со Даниел Рикардо во Мекларен.
Карлос Саинз Џуниор е син на легендарниот шпански возач на рели трките, Карлос Саинз, двократен светски шампион.