Ферари: 40% од новите клиенти се под 40 години - Канал 5

Автомобилизам

Ферари: 40% од новите клиенти се под 40 години

Италијанскиот производител забележува огромен пораст на млади клиенти додека се подготвува за електрични модели.

Ферари: 40% од новите клиенти се под 40 години

Ферари има фанови од сите генерации, но неговите главни клиенти традиционално се луѓето во подоцнежните фази од животот - често оние кои се соочуваат со познатата средовечна криза.

Сепак, според податоците од Маранело, брендот сега привлекува значително помлада клиентела, со 40% од новите клиенти под 40 години.

Ова претставува скок од 10% од резултатите пред само 18 месеци, што е огромен скок за компанија која се гордее со ексклузивноста.

Но, оваа промена не е само минлив феномен – тоа е знак дека „коњот што галопира“ галопира кон нова ера.

Ферари не ги откри точните стратегии кои доведоа до овој пресврт, но извршниот директор Бенедето Виња го препиша целиот успех на неговиот тим.

„Не знам за други брендови, но за нас ова беше постигнато исклучиво благодарение на нашиот тим.“

Сепак, една работа останува непроменета – ограниченото производство.

Енцо Ферари еднаш рече дека компанијата секогаш ќе произведува еден автомобил помалку од барањата на пазарот, а според Виња, тоа правило сè уште важи.

Без разлика дали клиентот има 78 години и сака да ужива во своите подоцнежни години или 37 години и сонува да ги добие клучевите пред својот 40-ти роденден, Ферари не брза со испораките.

„Еден клиент, 78-годишен, ми рече: Едвај чекам две години. Јас му одговорив: Тоа е твојата мотивација“.

„Другиот, помладиот, 37-годишен рече: Сакам да земам автомобил пред мојот 40-ти роденден. Му реков: Не грижи се, ќе го добиеш кога ќе имаш 39 години“.

Она што се менува, сепак, е погонската единица на идните Ферари.

Италијанскиот производител на суперавтомобили го лансира својот прв целосно електричен модел на 9 октомври, заедно со уште пет нови модели оваа година.

Виња верува во тристран пристап кон иднината на Ферари:

• Класични атмосферски мотори

• Хибриди

• Целосно електрични модели

Се разбира, не сите ја поддржуваат идејата за електрично Ферари. Некои верни фанови нема да сакаат ништо без „V12“ мотор со високи вртежи, но Виња навестува нова генерација купувачи кои ќе размислат да купат Ферари само ако е електрично.

Ферари се менува, но останува Ферари – ексклузивен, моќен и секогаш чекор понапред од конкуренцијата.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала до умерена локална облачност. 

Утре сончево и многу топло

Попладне наместа ќе има зголемена облачност и услови за пороен дожд, грмежи, засилен ветер и изолирано невреме со силен ветер и појава на град. Минималната температура ќе биде во интервал од 13 до 21, а максималната ќе достигне од 32 до 40 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 20, а максималната ќе достигне до 37 степени.

Во текот на новата седмица дневната температура ќе опадне за неколку степени. Во попладневните часови, особено во понеделник ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски суд ја поништи забраната на Трамп за имигрантски визи за 75 земји, вклучително и за македонските граѓани

Забраната за имигрантски визи за граѓани на 75 земји, меѓу кои и Македонија, воведена од администрацијата на претседателот на САД Доналд Трамп, денеска е поништена од федерална судијка како „спротивна на законот“, објави СНН.

Американски суд ја поништи забраната на Трамп за имигрантски визи за 75 земји, вклучително и за македонските граѓани

Одлуката ја донесе судијката Џенет Варгас од федералниот окружен суд во Менхетен.

Таа оцени дека државниот секретар Марко Рубио ги надминал своите законски овластувања со забраната, донесена со образложение дека ќе го спречи влезот на луѓе кои би користеле социјална помош и јавни бенефиции. Судијката утврди дека американските службеници во пракса биле упатени да ги одбијат барањата за виза од апликантите, дури и од оние кои можеле да се издржуваат сами, единствено врз основа на нивната земја на потекло.

Во јануари, Стејт департментот го суспендираше издавањето имигрантски визи за земји каде што живее речиси 40% од светското население, а меѓу нив од регионот се најдоа и Македонија, Црна Гора, Босна и Херцеговина и Косово.

Тагови: визи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Италијанскиот пливач Алесио Окипинти победи на Охридскиот маратон

Италијанскиот пливач, Алесио Окипинти, е победник на 39-тиот Охридски пливачки маратон.

Италијанскиот пливач Алесио Окипинти победи на Охридскиот маратон

Тој патеката „Климе Савин“ од Свети Наум до Охрид во должина од 25 километри денеска ја исплива за 5:03.44 часа.

Најдобар македонски претставиик денеска беше Петар Цеков кој низ целта мина како третопласиран.

На целта на кејот „Македонија“ пливачите ги пречека претседателката Гордана Сиљановска- Давкова која е главен покровител на маратонот.

Наградниот фонд на трката изнесува 15 илјади долари, распределни соодветно за првите тројца во двете категории

Тагови: Охридски пливачки маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер