Феноменот „Нина“ не запира:Три деца од Гевгелија продаваат крофни за лекување на девојчето Луна - Канал 5

Живот

Феноменот „Нина“ не запира:Три деца од Гевгелија продаваат крофни за лекување на девојчето Луна

Гевгеличани се сплотија да помогнат во собирањето средства за лекување на 14 годишната Луна која се бори со сколиоза, која е во последен стадиум.

Феноменот „Нина“ не запира:Три деца од Гевгелија продаваат крофни за лекување на девојчето Луна

Марија која има само 11 години, инспирирана од нејзината врсничка Нина во Србија, која продаваше крофни за да собере пари за лекување на нејзиниот татко, од вчера го прави токму истото - продава крофни и лимонада за помош на другарчињата. Нејзе и се приклучија и хуманите Петар и Силвија, кои исто така, имаат свој штанд на плоштадот, каде продаваат слатки за да и помогнат на Луна.

Вчера на плоштадот имало многу сограѓани, кои дошле да купат слатки. Мајка и на Марија вели дека се изненадени од хуманоста и дека крофните се распродале како алва.

Марија тој пост го виде, по споделивме и посака и таа да помогне ми вика може ли и ние крофни исто како девојчето од Србија да продаваме? И реков нема проблем , ако сакаш ние ќе донираме. Се продадовме имаше толку многу голем број дури и што немаше на некој што да му дадеме после тоа. Затоа денес решивме уште од сабајле еве почнавме да бидеме дупло од вчера, поголем број. Значи и комшии и други што слушнале носат брашно , некој носи зејтин за да помогне не прашуваат дали сакаме да ни помогнат со пржење со месење. Кој што сака да помогне , нека дојде на штандот таму со Марија и нека продаваат кој што има. - Даниела Митрова, мајка на Марија

Мајката на малата Луна, вели дека е бескрајно благодарна за гестот на трите дечиња.

-Марија, 11 годишното девојче инспирација и била од Србија и само рече јас морам да соберам пари за нашата Луна да биде покрај нас и да не и згасне животот , пошто времето на нас ни е кратко, значи до август и почеток на сепрември ние мораме да ги имаме парите. Апел до сите сите што имаат било каква идеа да се направи нешто хуманитарно се добредојдени и слободно може да го направат ова од срце, сепак Луна ќе им биде благодарна.- Елена Поп-Костова, мајка на Луна

На идејата на Нина од Нови Сад не остана никој рамнодушен. Почнаа да стигнуваат донации од целиот регион, а македонскиот дизајнер Кардула и подари постер со нејзиниот лик.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски веднаш по враќањето од Тиват, на средба со претставници на градежните компании

Премиерот Христијан Мицкоски по враќањето од Тиват оствари средба со градежните компании.

Мицкоски веднаш по враќањето од Тиват, на средба со претставници на градежните компании

По интензивната агенда во Тиват утрово и можноста за средби со лидерите на ЕУ, директно на средба со стопански комори каде разговараме со градежните компании и нивниот интерес за учество во реализација на капиталните проекти во државата, се наведува во објавата на ФБ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Скарлет Јохансон објасни кој партнер ѝ бил омилен во љубовните сцени (ВИДЕО)

Во текот на својата кариера, Скарлет Јохансон глумеше во бројни љубовни приказни на филм, но не сите беа запаметени по убедливата хемија меѓу актерите. 

Скарлет Јохансон објасни кој партнер ѝ бил омилен во љубовните сцени (ВИДЕО)

Гледајќи наназад кон својата кариера, таа откри кој е нејзиниот омилен романтичен партнер на екранот, а нејзиниот одговор изненади многумина.

Без многу размислување, актерката ја издвои Пенелопе Круз, со која глумеше во романтичната драма „Вики Кристина Барселона“ од 2008 година. „Морам да признаам, Пенелопе беше одлична“, рече Јохансон. „Таа е полна со страст и живот, а нема брада, што дефинитивно е плус“, додаде таа, пишува списанието Far Out.

Љубовен триаголник во филмот на Вуди Ален

Во филмот, Кристина, која ја игра Јохансон, и Марија Елена, која ја игра Круз, беа дел од љубовен триаголник со Хуан Антонио Гонзало, кој го игра Хавиер Бардем. Нивната приказна вклучуваше страсен бакнеж, а токму соработката со Круз остави најголем впечаток кај Јохансон.

YouTube video

Иако Јохансон ја издвои Круз како нејзина омилена партнерка, самата Круз не го сметаше снимањето за толку романтично. Таа ја опиша сцената со бакнежот како „најмалку секси нешто што можете да замислите“, објаснувајќи дека за време на снимањето биле опкружени со „околу шеесет членови на екипата кои јаделе сендвичи со салама“.

Јохансон го спомена и Хју Џекмен, со кого работеше во филмовите „Scoop“ и „The Prestige“, како „прекрасен“ партнер. Сепак, на крајот Круз повторно доби предност. „Сè уште би ја кажала Пенелопе, и тоа само затоа што нема брада“, заклучи актерката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украински дронови погодиле пет бродови- меѓу загинатите и државјани на Азербејџан (ВИДЕО)

Петмина азербејџански државјани загинаа, а тројца се повредени во нападите врз два товарни брода во Азовското Море, соопшти денеска Министерството за надворешни работи на Азербејџан.

Украински дронови погодиле пет бродови- меѓу загинатите и државјани на Азербејџан (ВИДЕО)

На прашањето за погодените бродови во Таганрошкиот Залив, министерството рече дека меѓу екипажите имало вкупно 25 азербејџански државјани, но дека бродовите не му припаѓале на Азербејџан.

Украинците тврдат дека целта на нападите биле бродови што превезувале воен товар и украдено жито.

Порано во петокот, Украина соопшти дека нејзините беспилотни летала погодиле пет брода во пристаништата Мариупол и Бердјанск, како и во крајбрежните води на територија контролирана од Русија.

Роберт Бровди, командант на украинските беспилотни летала, во соопштението изјави дека неговите беспилотни летала погодиле товарни бродови и танкер вклучен во „кражбата“ на украинско жито и преносот на воен товар и гориво, при што имињата на бродовите биле префарбани, а радарите биле исклучени.

Тагови: Азербејџан бродовите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер