Фенг-шуи совети за прилив на пари, здравје и среќа - Канал 5

Забава

Фенг-шуи совети за прилив на пари, здравје и среќа

Ако направите една работа со влезната врата, може да станете богати и да ви тргне во животот!

Фенг-шуи совети за прилив на пари, здравје и среќа

Ако сте забележале дека вашите финансии се трошат залудно и се појавуваат проблеми, можеби не правите нешто во вашиот дом според правилата на древната кинеска уметност.

Многумина се прашуваат како да привлечат повеќе здравје и пари во својот живот. Според фенг-шуи, древната кинеска вештина за уредување на просторот, малите промени во домот може да донесат големи промени во енергијата. Од палењето свеќи и темјан до правилна нега на билките и чистењето на влезната врата, сè ова се ритуали за кои се верува дека носат позитивни вибрации и изобилство.

Чистиот и уреден дом привлекува добра енергија

Нередот и насобраните работи, според фенг-шуи, го блокираат протокот на добра енергија.

Редовното проветрување и деталното чистење на просторот, ослободуваат пат кон нови можности и финансиски просперитет.

Моќта на билките за среќа и пари

Билките се сметаат за моќен сојузник во привлекувањето среќа и пари. Особено се препорачуваат кинески растенија за среќа, жад билки или сребрен пламен. Тие би требало да стојат на југоисточниот дел од домот, а саксиите да бидат во црвена, зелена или златна боја.

Бањата како енергетски предизвик

Според фенг-шуи бањата зазема посебно место, таа е симбол на енергијата која лесно може да протече. Затоа се препорачува капакот од ве-це школката да го чувате спуштен, да избегнувате непотребно пуштање вода и врзување на црвена трака околу цевките за да се спречат непланирани трошоци.

Кристалите како магнет за изобилство

Кварцот ги зголемува позитивните вибрации во домот и отвора пат кон просперитет. Кристалите поставени во алите на просториите или дури и во водата за пиење, според фенг-шуи, ја поттикнуваат среќата, здравјето и добриот енергетски проток.

Влезната врата отвора прилики

Влезната врата се смета за клучна во привлекувањето позитивна енергија. Ако е валкана или оштетена, може да го блокира приливот на среќа и пари.

Затоа се советува редовно чистење на вратата со вода и оцет, поправка на сите расипани делови со цел да се отвора лесно и целосно.

Солта ја чисти лошата енергија

Ритуалите вклучуваат употреба на сол, која ја впива негативната енергија. Потребно е да се посипе малку сол во аглите на собите и да се остави во текот на наоќта, а потоа да се изнесе од домот. Оваа постапка симболично го чисти домот и го подготвува за нови почетоци.

Светлина и мирис за хармонија

Свеќите и темјанот носат дополнителна хармонија. Мирисот на сандалово дрво или цимет го прочистува просторот, додека свеќите во црвена или златна боја симболизираат светлина, пари и изобилство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер