Таблетата на Фајзер била 89 проценти ефикасна во намалувањето на ризикот од тешка форма на болеста и смрт од коронавирус и се покажала и ефикасна против омикрон.

Извршниот директор на Фајзер, Алберт Бурла, проценил дека ќе бидат спречени 1.200 смртни случаи и 6.000 хоспитализации на секои 100.000 пациенти со коронавирус кои ја примаат оваа терапија.

Овие резултати ги надминуваат оние што ги објави „Merck & Co“ за својот лек молнупиравир, за кој минатиот месец се покажа дека ги преполовува шансите за смрт или хоспитализација на пациентите со Ковид, кои се изложени на висок ризик за тешко заболување.

Првите резултати на Фајзер се засноваат на клинички испитувања на нешто повеќе од 1.200 пациенти кои имале Ковид-19 и ризик од развој на потешка форма на болеста, како што се дебелината или возраста. Во рок од неколку дена од почетокот на првите симптоми, некои добивале лекови од Фајзер, а други плацебо.

Се покажлоа дека 0,8 отсто од оние кои примиле лекови од Фајзер во рок од три дена од почетокот на симптомите биле хоспитализирани, а никој не починал во рок од 28 дена од третманот. За споредба во плацебо групата имало 7 проценти хоспитализирани пациенти, и седум смртни случаи, пишува Индекс.хр

Компанијата Фајзер вели дека е подготвена веднаш да започне со испорака на лекот во САД.

Таблетата на Фајзер е првиот орален антивирусен лек одоберен од ФДА, кој е специјално дизајниран за борба против Ковид. Одобрувањето доаѓа во клучен момент во пандемијата, бидејќи болничките системи низ САД се погодени од бран на делта инфекцијата и сега се подготвуваат за уште еден бран на пациенти заразени со многу позаразната варијанта омикрон.

Лекот е нова алатка во арсеналот за борба против Ковид.

Додека вакцините се покажаа како ефикасни во спречувањето на развивање тешка форма од вирусот, на давателите на здравствени услуги им требаат лекови за лекување на десетици милиони луѓе во САД кои сè уште не се вакцинирале.

Таблетата, доколку се испорача на време, може да помогне во ублажувањето на оптоварувањето на системите за здравствена заштита за време на очекуваниот бран на инфекции со омикрон, пренесе Си-Ен-Би-Си.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.