Живот

ФБИ: Не се пронајдени докази за „списокот на клиенти“ на Епстаин

Интерната ревизија на американското Министерство за правда и ФБИ не пронајде докази дека починатиот финансиер Џефри Епстаин имал „список на клиенти“, влијателни лица кои наводно ги уценувал или со кои соработувал во злоупотреба на жени.

Извештајот содржи и неколку часа видеоснимки од затворот, кои потврдуваат дека Епстаин се самоубил во затворот во Менхетен во 2019 година.

Во документот се наведува и оти не се очекуваат обвиненија против други лица поврзани со случајот Епстаин бидејќи „истражителите не пронашле докази кои би оправдале отпочнување истрага против неименувани трети лица“.

Американската министерка за правда Пам Бонди вети дека ќе ги објави документите поврзани со случајот Епстаин, но поради доцнењето се зголемија шпекулациите дека Владата ги крие доказите посебно т.н. список на клиенти“ за да ги заштити моќните бизнисмени и политичари.

Епстаин изврши самоубиство во затвор во 2019 година, каде што чекаше судење по обвинение за трговија со луѓе за сексуална експлоатација. Претходно, во 2008 година, тој беше осуден за поттикнување на проституција на малолетно лице. Неговата поранешна девојка Гислен Максвел беше осудена на 20 години затвор во САД за нејзината улога во трговијата со луѓе и нивна злоупотреба.

Тагови: ФБИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.