Живот

Фарма за муви во Виена произведува ѓубриво

Годишно во Виена се произведуваат пет милијарди ларви. Концептот, имено, е таков што производите од инсектите можат да се користат во одгледувањето свињи, живина или риба, но и како ѓубриво за растенија.

Компанија со седиште во Виена одгледува црни „војнички муви“ (Stratiomyidae / Стратиомиидае), за потоа да ги користи заедно со остатоците од производството на храна за луѓе и животни коишто се пренаменуваат во ѓубриво и повторно - во сточна храна, според Катарина Унгер - сопственичка на „Ливин фармс“. При тој процес, илјадници инсекти ги положуваат своите јајца во кафез во фармата во виенската Општина Симеринг.

- Произведуваме млади ларви од црни војнички муви, коишто ги пакуваме и им ги испраќаме на нашите клиенти за да можат да ги гојат во сопствените објекти, па подоцна да ги користат како храна за животни. Ларвите се хранат со отпад од прехранбената индустрија. Тие го јадат, го преработуваат во висококвалитетни протеини и масти, а остатокот од процесот е ѓубриво што може да се користи во земјоделството, појасни Унгер.

Годишно во Виена се произведуваат пет милијарди ларви. Концептот, имено, е таков што производите од инсектите можат да се користат во одгледувањето свињи, живина или риба, но и како ѓубриво за растенија.

- Во мигов имаме шест проекти за изградба на постројки ширум Европа, а тие би преработувале 100.000 тони отпад годишно во протеини, масти и ѓубрива од инсекти. Нашата цел е да изградиме 50 постројки низ Европа до 2030 година и со тоа да преработиме еден милион тони отпад, рече Унгер.

Таа ја добила идејата за одгледување инсекти во Хонг Конг. Таму, вели, има многу малку простор и мора да се произведува многу на мала површина - и сега и во иднина. Затоа, се истакнува, целта е да се произведуваат протеини со најмалку можни еколошки последици.

Тагови: Виена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Баба Дронијак (96) не се откажува од забавите во домот и покрај заканите за исфрлање

Дури и на 96 години, Лилијан Дронијак не се одмара.

Популарната инфлуенсерка, позната како „Баба Дронијак“ на Инстаграм и ТикТок, неодамна сподели детали за инцидент во нејзиниот дом за стари лица во САД, тврдејќи дека менаџментот се заканил дека ќе ја исели поради организирање „диви забави“.

Лилијан стекна милиони следбеници споделувајќи хумористични анегдоти од нејзиниот живот, вклучувајќи ја и нејзината љубов кон дружењето со пријателите.

@grandma_droniak i cant believe this. i have to party #partygirl #nursinghome #drama #grandma ♬ original sound - grandma_droniak

Предупредување за бучава и алкохол

Во видео што го објави, таа покажа писмо што го добила од менаџментот на домот, во кое се наведува дека може да биде иселена поради забави и пиење.

„Ме исфрлаат од домот за стари лица. Го добив ова писмо. Во него пишува дека ќе ме исфрлат ако не престанам да се забавувам“, рече Лилијан. Во писмото се детално опишани правилата на домот: „Ви пишуваме поради бројни поплаки за бучава од вашата соба. Забавите не се дозволени и не ви е дозволено да им служите алкохол на другите жители. Ова е безбедносен ризик. Иако ги охрабруваме жителите да се дружат и да уживаат во активностите во заедницата, не можеме да дозволиме диви забави. Безбедносните снимки покажуваат луѓе како ја напуштаат вашата соба во 1 часот наутро минатиот вторник.“

Во писмото, исто така, се предупредува дека „континуираните инциденти од ваков вид“ може да резултираат со ограничен пристап до заедничките простории и „да доведат до понатамошно преиспитување на вашиот статус на престој во заедницата.“

И покрај предупредувањето, Лилијан не се откажа. Таа им рече на своите следбеници: „Плаќам 12.000 долари месечно за да живеам тука. Претпоставувам дека можам да се забавувам ако сакам.“ Таа додаде: „Моите пријатели доаѓаат вечерва. Ќе пиеме неколку пијалоци и ќе озборуваме. Не е забава, но стануваме гласни.“

Тагови: дом за стари лица Баба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тешки трговски разговори меѓу ЕУ и Кина, Брисел постави рок за договор

Еврокомесарот за трговија Марош Шефчович се сретна со кинескиот министер за трговија Ванг Вентао во Брисел, велејќи дека сака опипливи резултати од трговските разговори до октомври.

Разговорите беа „интензивни, фокусирани и конструктивни“, изјави Шефчович за новинарите во понеделник, додавајќи дека двете национални делегации ќе продолжат со разговорите во текот на вечерта.

„Сметаме дека до октомври нашите тимови имаат доволно време да постигнат опипливи резултати“, рече тој. Ванг го покани да го посети Пекинг во октомври.

Спротивни ставови

Шефчович инсистираше дека ЕУ сака разговорите да се фокусираат на растечкиот трговски јаз. „Кинескиот извоз во ЕУ продолжува да расте, додека нашиот пазарен удел во Кина продолжува да се намалува. Овој тренд не е одржлив и статус кво не е опција“, рече тој.

Шефчович рече дека двете страни формирале групи за да разговараат за трговскиот баланс, контролата на извозот, интелектуалната сопственост и реформата на СТО.

Кина ја уверува ЕУ дека контролата на извозот на ретки метали нема да ги наруши синџирите на снабдување на ЕУ, рече тој.

Лидерите на Европската унија побараа од Комисијата, задолжена за трговските односи на блокот, да ги оствари резултатите од дијалогот со Кина, бидејќи нејзиниот трговски суфицит со ЕУ достигна 360,6 милијарди евра во 2025 година, што претставува зголемување од 15 проценти во споредба со 2024 година. Суфицитот се зголеми за 10 проценти во првите четири месеци од оваа година.

Извор: Индекс.хр

Тагови: ЕУ Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Возач на камион изгуби контрола на патот во Петриња, речиси се судри со автобус (ВИДЕО)

Видео, очигледно снимено во Петриња, се шири на социјалните мрежи и го прикажува загрижувачкото, лудо возење на возач на камион.

Наводно на човекот му се слошило и откако видеото било снимено, излетал од патот.

Полицијата сè уште не дала коментар за несреќата.

На видеото, возачот го ниша камионот и речиси се судри челно со автобус што доаѓа од спротивната насока. „Не автобусот, не автобусот“, велат девојките што го снимаат видеото.

Возачот постојано преминува во спротивната лента и скршнува од патот кон тревната површина и тротоарот.

Девојките на видеото прашуваат каде се полицајците и кажуваат како ги повикале претходно.

@hrvojetremljan ♬ izvorni zvuk - Hrvoje Tremljan

Извор: Индекс.хр

Тагови: камион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.