Забава

Фановите прв пат го слушнаа Меси како зборува англиски, сите му се смеат (ВИДЕО)

Лионел Меси глуми во реклама за продолжението на култниот филм Bad Boys со Вил Смит и Мартин Лоренс.

Иако неговиот лик трае само неколку секунди, напаѓачот на Интер Мајами ќе остане запаметен по тоа што кажа два збора на англиски јазик.

Многу фанови за прв пат го слушнаа легендарниот фудбалер како зборува англиски. Имено, во трејлерот за четвртиот дел на Bad Boys, чија премиера во кината ќе биде на 7 јуни, Смит и Лоренс прв ги посети американскиот кошаркар Џими Батлер, кој сака да стане опасен исто како нив.

Сепак, по тренингот сфаќаат дека Батлер не е добар избор и не го прифаќаат во својот тим. Набргу потоа, Меси заѕвони на нивната врата изговарајќи ги зборовите „лоши момчиња“, а Смит и Лоренс, незадоволни од неговиот глас, му рекоа дека е на погрешна адреса.

„Меси?“, „Дали е ова вистинскиот глас на Меси?“, „Меси знае англиски?“, „Прв пат го слушаме Меси како зборува англиски“, „Ова е урнебесно“, се само дел од коментарите на интернет.

Македонија

МОН: Утре почнува второто полугодие од учебната 2024/2025

Министерството за образование и наука информира дека второто полугодие за основците и средношколците почнува утре, 20 јануари. 

Според календарите за работа, наставната година во основните и во средните училишта завршува на 10 јуни, освен за матурантите, за кои редовната настава завршува на 16 мај 2025 година.

По повод почетокот на вториот дел од учебната година, министерката за образование и наука Весна Јаневска на учениците, наставниците и родителите им посака успешно совладување на новите предизвици, нагласувајќи дека секој треба да придонесе во градењето пријателски и безбедни училишта, во кои владее култура на разбирање и соработка. Тоа се важни предуслови за стекнување квалитетни знаења, вештини и компетенции, кои младите ги оформуваат како одговорни граѓани и идни лидери на инклузивно, праведно и просперитетно општество.

Министерство за образование и наука

Свет

Стапи на сила примирјето во Газа

Прекинот на огнот во Газа стапи на сила во 11:15 часот (по локално време), соопшти кабинетот на израелскиот премиер Бенјамин Нетанјаху.

Претходно, израелската влада потврди дека Хамас и доставил список на заложници кои треба да бидат ослободени во текот на денот.

Почетокот на примирјето меѓу Израел и палестинското движење Хамас во Газа, требаше да започне во 8:30 часот (по локално време), но беше одложено бидејќи Хамас навреме не ги соопшти имињата на заложниците кои треба да бидат ослободени поради, како што наведоа „технички причини“.

Македонија

Водици 2025: Елшани ја слави традицијата со гордост и заедништво

Елшани, малото живописно село во близина на Охрид, и ова утро го дочека големиот православен празник Богојавление – Водици во духот на вековната традиција. 

Жителите, како и секоја година, рано излегоа на утринската богослужба во црквата „Свети Пророк Илија“, каде се осветија водите како симбол на чистота и нов почеток.

Кулминацијата на празникот беше фрлањето на чесниот крст во изворските води, кај Клајнецот. Годинава, крстот го фати Петар Стевоски, кој претходно уште двапати ја имал честа да го направи тоа. Неговата радост беше очигледна, дополнета од наградите што ги доби – паметен часовник од Месната заедница и убава икона како благослов од црковниот одбор.

Според традицијата, тајфата на фаќачот ги посетува сите домови во селото, а жителите со искрена радост го даруваат крстот, внесувајќи топлина и заедништво во секој дом.

Прославата на Водици во Елшани традиционално продолжува со народен собир на сретсело, како и богати светијонски трпези кај овогодинешните кумови. Живата атмосфера, исполнета со песни, ора и звуците на традиционалните инструменти, го претвора празникот во вистинска магија и симбол на заедништво.

притисни ентер