Фан на раперот Дрејк паднал од балкон среде настап, концертот бил прекинат (ВИДЕО)

Раперот Дрејк бил принуден да го прекине концертот во театарот Аполо во њујоршки Харлем во неделата, откако еден од неговите обожаватели паднал од балконот во партерот.

На социјалните мрежи кружи снимка од падот од концертот одржан во недела на 22 јануари, на која се гледа како на еден маж прво му паѓа мобилниот, а потоа слета на глава.

Инцидентот се случил по 90. минута од концертот, кога на Дрејк на сцената му се придружиле 21 Savage. Поради несреќата, концертот накратко бил прекинат, а откако еден од членовите на тимот му кажал на Дрејк што се случило, тој ѝ се обратил на публиката.

„Мораме само да се увериме дека човекот е добро“, рекол Дрејк, а потоа светлата се запалија и дојде до мешаница за да му се помогне на повредениот фан. Паузата траела 15 минути, а неверојатно е што човекот, како и оние врз кои паднал, не се повредени и концертот продолжил нормално.

Земјотрес со интензитет од 5,8 степени според Рихтер ја погоди Кина

 Земјотрес со интензитет од 5,8 степени според Рихтеровата скала го погоди денеска јужен Синџан во Кина, соопшти Европско-медитеранскиот сеизмолошки центар.

Официјалната кинеска новинска агенција Ксинхуа јавува дека во земјотресот нема повредени и не е причинета значителна материјална штета.

Земјотресот се случи на длабочина од 33 километри во 7:49 часот по локално време, соопшти Европско-медитеранскиот сеизмолошки центар.

Кинескиот центар за следење на земјотресите го регистрираше земјотресот со прелиминарна јачина од 6,1 степени според Рихтеровата скала, додека Американскиот геолошки институт објави дека земјотресот бил со јачина од 5,7 степени.

Државната телевизија ЧТВ прикажа снимка на која се гледа како луѓето го напуштаат холот на аеродромот и како таванските делови се нишаат додека земјата се тресе. Не се забележани нарушувања на електричната мрежа, ниту на мрежата за производство и транспорт на нафта и гас.

Седум загинати во Сирија во авионски напад врз камиони кои превезувале оружје

 Седум лица загинаа во воздушен напад на неидентификувани авиони врз конвој камиони со оружје во источна Сирија, соопшти денеска невладината организација „Сириска опсерваторија“.

Според организацијата за човекови права, седум возачи на камиони или лица кои ги придружувале, кои не биле Сиријци, загинале во нападот што го погодил конвојот во регионот Букамал, на границата со Ирак.

Според „Сириската опсерваторија“, камионите превезувале иранско оружје.

Нападот бил извршен врз шест камиони натоварени со иранско оружје веднаш штом ја преминале границата со Ирак и влегле на сириска територија, соопшти невладината организација.

„Камионите беа натоварени со иранско оружје“, изјави шефот на „Сириската опсерваторија“, Рами Абдел Рахман.

Иран ја поддржува сириската Влада и проирански милиции се распоредени во пограничната област со Ирак. Иран не дели граница со Сирија. Според „Сириската опсерваторија“, најмалку два слични конвои влегле во Сирија од Ирак оваа недела.

Над 90 лица повредени во експлозија во џамија во Пакистан

Најмалку 90 лица се повредени во денешната експлозија во џамија во северозападниот пакистански град Пешавар, соопшти локалната полиција.

Експлозијата се случила во џамија каде што голем број луѓе се собрале на молитва, изјави полицискиот претставник Сикандар Кан. – Дел од зградата се урнал и се верува дека неколку луѓе се под неа, додаде тој.

Мухамед Асим, портпарол на болницата Лејди Ридинг во Пешавар, рече дека примиле 90 повредени, а некои се во критична состојба.

притисни ентер