Фајнанс тинк за ребалансот на Буџетот: Проектираниот раст на даночните приходи амбициозен - Канал 5

Македонија

Фајнанс тинк за ребалансот на Буџетот: Проектираниот раст на даночните приходи амбициозен

Со зајакнувањето на експанзивноста на фискалната политика, преку ребалансот на Буџетот, упорноста на инфлацијата ќе остане и во следниот период,  укажува Институтот за економски истражувања и политики Фајнанс тинк. 

Фајнанс тинк за ребалансот на Буџетот: Проектираниот раст на даночните приходи амбициозен

Предвидува дека извесната материјализација на ризикот од неостварување на даночните приходи со крајот на годината ќе се компензира со потреализацијата на капиталните трошоци, со што годината ќе заврши со проектираниот – или понизок – буџетски дефицит.

Фајнанс тинк во денеска објавениот коменатр за ребалансот на Буџетот го реафирмира ставот дека проектираниот раст на даночните приходи од 12,6 проценти, односно повеќе од двојно повисоко од збирот на проектираната реална стапка на раст на БДП и (ревидираната) стапката на инфлација, е амбициозен. Во таа насока, посочува, говори и реализацијата на даночните приходи во првите пет месеци од годинава која изнесува 37,6 проценти (споредено со пропорционален процент на остварување од 41,7 проценти), слично со остварувањето кај приходите од ДДВ (36,9 проценти), акцизите (34,4 проценти) и увозните давачки (36,6 проценти), а кои, потенцира Институтот, претставуваат директен одраз на пулсот на економијата.

Според Фајнанс тинк, сепак, вредно за обележување е дека неданочните приходи се зголемуваат во износ од 4,2 милијарди денари, кои во значаен дел се остварени од финансискиот резултат на Народната банка, обезбеден преку законски измени порано во текот на годинава со кои се овозможи 85 проценти од финансискиот резултат на Народната банка да се уплаќа во Буџетот на државата. Со ваквото зголемување на буџетските приходи се овозможи зголемување на буџетските расходи, и тоа најмногу кај платите на јавната администрација (830 милиони денари), стоките и услугите (1,8 милијарди денари) и пензиите (2,5 милијарди денари).

Со ова реструктуирање на буџетските расходи Институтот смета дека неповолно се влијае врз солидно-отпочнатиот процес на фискална консолидација.

- Прво, зголемувањето на буџетските трошења кои влијаат врз агрегатната потрошувачка има ризичен потенцијал да ја одржи упорноста во растот на цените во текот на целата 2025 и почетокот на 2026 година. Особено загрижувачки е што растот на трошоците за пензиите се искачи на 16,8 процети во однос на трошокот во 2024 година, имајќи предвид дека и растот од 14,8 проценти при првото проектирање на Буџетот беше висок, велат од Фајнанс тинк.

Потсетуваат дека уште во претходниот коментар за Предлог-Буџетот за 2025 година укажале: „Овие две ставки [платите и пензиите, н.з.] се особено значајни бидејќи ја ослабуваат фискалната консолидација и остануваат да бидат одраз на експанзивниот карактер на фискалната политика, и оттука основен извор на инфлациски ризик во 2025 година.“

- Овие укажувања и се материјализираа, бидејќи инфлацијата во првите пет месеци од 2025. година изнесува 3,7 проценти и останува високо упорна, и покрај рестриктивната монетарна политика и владините мерки за замрзнување на маржите и цените во сегментот храна. Со зајакнувањето на експанзивноста на фискалната политика, преку ребалансот на Буџетот, упорноста на инфлацијата ќе остане и во следниот период, велат од Институтот.

Како втор аргумент наведуваат дека зголемување на ставката „стоки и услуги“, пак, расте со 22,5 проценти во однос на остварувањето од 2024 година, што е големо забрзување на растот кој беше висок и при иницијалното проектирање (14,8 проценти). Имајќи предвид дека оваа ставка е недоволно транспарентна и вклучува, на пример, договори на дело како форма на квази-вработување во јавната администрација, истата крие ризици особено во година на локални избори, велат од Фајнанс тинк.

Со ребалансот, капиталните расходи се задржуваат на слично ниво како и при иницијалната проекција од декември 2024 година, но, посчува Институтот, заклучно со мај 2025 тие се реализирани само со 22,5 проценти. Според тоа, Finance Think предвидува дека извесната материјализација на ризикот од неостварување на даночните приходи со крајот на годината ќе се компензира со потреализацијата на капиталните трошоци, со што годината ќе заврши со проектираниот – или понизок – буџетски дефицит, се наведува во коментарот за Предлогот за изменување и дополнување на Буџетот за 2025 година.

Тагови: ребаланс на Буџетот Фајнанс тинк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Француски фудбалер се забавува на Карибите, опкружен со убави девојки (ВИДЕО)

Францускиот фудбалер Михаел Олисе е на одмор, а на социјалните мрежи се појави видео на кое се гледа како се опушта по напорна сезона. 

Француски фудбалер се забавува на Карибите, опкружен со убави девојки (ВИДЕО)

Видеото го прикажува крилниот напаѓач на Баерн на јахта, опкружен со голема група, претежно девојки. Таа изгледа сосема безгрижно додека се забавува на море на островите Туркс и Кајкос, британска прекуокеанска територија на Карибите.

Забава на море

Видеото открива дека Олисе направил целосна пауза од фудбалот. Тој се смее, танцува и очигледно ужива во атмосферата. Една од објавите на социјалните мрежи што го сподели видеото гласеше: „Михаел Олисе го користи максимално својот одмор“.

Сезона за паметење

Одморот на Олисе доаѓа по исклучително успешен период. На Светското првенство во 2026 година, тој беше еден од клучните играчи на француската репрезентација и го заврши турнирот со седум асистенции. Со тоа, тој постави нов шампионски рекорд и го постигна најдобриот настап на едно Светско првенство откако се евидентираат статистики од 1966 година. Тој го сруши рекордот на легендарниот Пеле, кој забележа шест асистенции на првенството во 1970 година.

Неговата клупска сезона беше исто така импресивна. Во сезоната 2025/26, Олисе одигра 52 натпревари за Баерн во сите натпреварувања. Притоа, тој постигна 22 гола и запиша 31 асистенција.

Тагови: девојки Карибите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците погодија една од најголемите рафинерии на „Лукоил“ (ВИДЕО)

Генералштабот на вооружените сили на Украина потврди дека украинските сили вчера ја нападнале рафинеријата за нафта Лукоил-Пермнефтеоргсинтез во рускиот град Перм. 

Украинците погодија една од најголемите рафинерии на „Лукоил“ (ВИДЕО)

Тоа е еден од клучните објекти во Русија, во сопственост на Лукоил, една од најголемите руски нафтени компании. Рафинеријата годишно преработува повеќе од 13 милиони тони сурова нафта и произведува бензин, дизел, авијациско гориво и мазива.

Вчера, околу 10 часот по локално време, на руските социјални мрежи се појавија фотографии и снимки на кои наводно се гледа напад врз рафинеријата. Гувернерот на Пермскиот регион, Дмитриј Махонин, подоцна потврди дека е погоден „индустриски објект“. Тој додаде дека неколку дронови биле пресретнати додека се приближувале кон локацијата и дека никој не е повреден во нападот.

Потврда од Киев

Претседателот Володимир Зеленски, исто така, вчера потврди дека Украина имплементирала „долгорочни санкции“ против рафинерија во Пермскиот регион, но не прецизираше за кој објект станува збор. Безбедносната служба на Украина (СБУ) подоцна ја презеде одговорноста за нападот. СБУ откри дека целта била рафинеријата Лукоил-Пермнефтеоргсинтез, која се наоѓа на повеќе од 1.500 километри од украинската граница.

Генералштабот објави дека по нападот избувнал пожар во рафинерискиот комплекс. Според првичните информации, пожарот се проширил на примарната фабрика за преработка на нафта, која е една од клучните единици во комплексот.

Кампања против руската нафтена индустрија

Нападот во Перм е дел од пошироката украинска кампања на напади со долг дострел длабоко на руска територија. Нападите се насочени кон руската нафтена индустрија и имаат за цел да го нарушат снабдувањето со гориво и да ја намалат способноста на Москва да ја продолжи војната.

Украинските напади врз цели во Русија и на окупираните територии, вклучувајќи го и Крим, доведоа до недостиг на гориво во некои региони. Медиумските извештаи за бензински пумпи кои остануваат без залихи и долги редици возила.

Зеленски: Со притисок за дипломатија

На 26 јули, Зеленски одржа состанок со военото раководство, каде што ја анализираа кампањата на напади со долг дострел. По состанокот, тој истакна дека украинските сили извршиле повеќе од 1.000 напади од почетокот на оваа година, како дел од стратегијата што тој ја нарекува „долгорочни санкции“.

„Нашата главна цел е притисокот на долг рок да ја турне Русија уште повеќе кон дипломатијата. Ова го постигнуваме со прекинување на производството на компоненти за оружје, предизвикувајќи загуби во нафтениот и другите економски сектори и враќајќи ја оваа војна во нејзиното „домашно пристаниште“, напиша Зеленски на Фејсбук.

Тагови: лукоил рафинерии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски се сокри зад неговиот сателит ЗНАМ за да побегне од пратеничките прашања

Христијан Мицкоски попладнево се сокри зад неговиот сателит – ЗНАМ за да побегне од одговорите на пратеничките прашања.

СДСМ: Мицкоски се сокри зад неговиот сателит ЗНАМ за да побегне од пратеничките прашања

Бидејќи нема одговор на ниту едно прашање, нема одговори за неисполнетите ветувања, за труењето на Македонија, за економскиот колапс, за изолацијата....

По целодневните процедурални одлагања, токму во моментот кога претседателот на СДСМ, Венко Филипче требаше да му постави дополнително прашање на Мицкоски, привезокот

ЗНАМ ја одигра својата улога, за што е скапо платен со тендери.

Координаторот на сателитот ЗНАМ, Бобан Карапејовски побара 1 час пауза а Потпретседателката на Собранието, Весна Бендевска, исто така од ЗНАМ побрза да ја прекине седницата.

Мицкоски се уплаши од прашањата од претседателот на СДСМ, д-р Венко Филипче а министрите во неговата Влада од прашањата од опозицијата.

Целата македонска јавност денеска тоа го виде.

Ама бегање од прашањата нема. Нема бегање од вистината, нема бегање од правдата и нема бегање од одговорноста.

Граѓаните знаат се и наскоро ќе дојдат по своето,с е наведува во партиоското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер