Култура

Езги Алас од Турција победник на Интернационалниот фестивал „Тра-ла-ла”

Дваесет и едногодишната Езги Алас од Турција е добитник на гран при наградата на 16. издание на Интернационалниот музички фестивал „Тра-ла-ла” што од 12 до 15 август се одржа во Битола.

На фестивалот учестуваа 30 млади музички таленти од 12 држави во светот. Покрај учесниците од Македонија, настапија и деца солисти и делегации од Турција, Словенија, Бугарија, Романија, Полска, Австралија, Босна и Херцеговина, Унгарија, Русија, Хрватска и Кипар.

- Ова за мене е прв интернационален натпревар на кој што учествувам во Македонија. Како претставник на Турција, особено ми значи што наградата ја добив во Битола, градот кој има силни пријателски врски со мојата земја Турција. Битола е прекрасна и среќна сум што тука се здобив со големо искуство на сцената, иако наградата за мене е втора по ред гран при награда која сум ја добила досега на ваков тип на музички натпревари, изјави Алас.

Таа студира на Јашар Универзитетот во Турција на одделот за џез вокали, а се занимава и со балет.

На гала концертот во Центарот за култура во Битола беа доделени и фестивалските награди во неколку возрасни категории. Во првата возрасна категорија првата награда ја освои Дарен Гоцак од Бугарија, втората Илона Шундовска од Македонија, а третата Марија Ана од Русија. Во втората возрасна категорија прва награда ја освои Ула Ложар од Словенија, втората Флора Табатабаи Нејат од Унгарија, а третата награда Александра Чапличка од Полска. Во третата возрасна категорија првата награда и припадна на Александра Вовк од Словенија, втората и припадна на Марија Шимиќ од Босна и Херцеговина, а третата ја освои романецот Лоренцо Раумојсе. Во категоријата на највозрасни пејачи наградени се Антонија Дора Плешко, Јоана Димитрова од Бугарија и Емилија Римпева од Бугарија.

- Како организатори на фестивалот задоволни сме што шеснаесетта година по ред фестивалот успешно опстојува на сцената. Сите 30 учесници од 12 држави имаат прекрасни впечатоци од Македонија и сигурен сум дека повторно ќе се вратат тука. Догодина очекувам уште поголем број на детски пејачи да застанат на сцената на фестивалот “Тра ла ла”, изјави раководителот на фестивалот Тони Алексовски, кој е член во жири комисијата на десетина фестивали во светот и амбасадор на детскиот мир од Светската асоцијација на фестивали и уметности WAFA.

Фестивалот „Тра-ла-ла” е дел од битолско културно лето „Битфест“ и се одржува со поддршка на општина Битола, а е поддржан и од Министерството за култура. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Анима Мунди: Сакаме во Еу, а толерираме суровост кон животните- во ЕУ за ова се оди во затвор!

Замислете го човекот кој во преплашено живо суштество, врзано и изложено на страдање, страв и болка, не гледа апсолутно никаков проблем!

Коза на покривот на возило, додека тоа се движи, принудена да се бори за рамнотежа и да се обидува да се исправи. Ова е одвратна суровост без оправдување, крајно непочитување на животот и целосно отсуство на совест, емпатија и одговорност!

Со што сме опкружени кога некој може толку бесчувствително да постапува со живо суштество? И ако ваквото однесување помине без последици, каква порака испраќаме?

Еве го возилото. Јавно ја објавуваме регистрацијата благодарение на хуман и одговорен човек кој го забележал и снимил ова постапување. И не, ова не смее да заврши со згрозување на јавноста и уште еден случај што ќе биде заборавен.

Сакаме во Европската Унија? Тогаш европските стандарди за заштита на животните мора да важат и кај нас не само на хартија! За вакво постапување мора да има сериозна правна одговорност, вклучително и затворска казна доколку се утврдат законските услови.

Министре за внатрешни работи, Панче Тошковски, директоре на АХВ, Јовица Андовски - бараме итно постапување, целосно утврдување на одговорноста и примена на најстрогите санкции предвидени со закон!

БАРАМЕ МВР И АХВ ВЕДНАШ ДА ПОСТАПАТ!

Бараме козата веднаш да биде одземена и спасена, да ѝ се обезбедат ветеринарен преглед и сигурно згрижување, а против одговорното лице да се поведе соодветна постапка.

Ова е и директна опасност за безбедноста во сообраќајот. Не е загрозено само животното, туку и сите учесници во сообраќајот.

Бараме итно дејствување, спас за козата и вистинска казна за сторителот. Институциите се на потег!, соопштуваат од Анима Мунди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поради барања за паузи, закажаните опозициските прашања во Собрание за првпат не се одржаа

Кавги, дофрлања, навреди, аплаузи и бројни процедурални забелешки – хаотична седница во Собранието откако спикерот Гаши констатираше дека опозициските пратенички прашања нема да се одржат.

Неговата одлука следи по двете побарани едночасовни паузи, со што според него било потрошено предвиденото време за поставување на прашања.

Повикувајќи се на деловникот, Гаши рече дека времето почнало да тече откако е усвоен дневниот ред, а според опозициските партии тој со свое толкување ја саботирал седницата.

За да се смират тензиите Гаши свика вонредна координација. Ова е прв случај да не се одржат опозициските прашања откако се воведени со новиот Деловник на Собранието.

На почеток првата пауза ја побараа од ДУИ бидејќи министрите за кои имале прашања не биле присутни во салата, а втората пауза ја побараа од ЗНАМ со образложение дека, со барањата за паузи опозицијата досега не покажала интерес за прашања до премиерот и министрите.

Според претседателот на Собранието, денеска сите министри се одзвале на поканата, освен тие кои се на службени патувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: СДСМ одбива да свика продолжение на надзорната расправа за Алта банка.

Денеска сакам да ве известам за две работи.

Прво, СДСМ одбива да свика продолжение на надзорната расправа за Алта банка.

По вчерашното фијаско кое самите си го приредија, денеска нè известија дека немаат намера да свикаат продолжение.

Ние, како пратеничка група од мнозинството, бараме итно и неодложно, утре да биде свикано продолжението на надзорната расправа, со цел да продолжи испрашувањето на сведоците, за да можеме конечно вистината да ја расветлиме.

Тоа што тие го правеа изминативе денови, со фабрикувани лаги во јавноста, кои вчера им се распрскаа, повторно укажуваме дека сакаме да се свика и да се продолжи надзорната расправа, за да продолжиме дополнително со разјаснувањето на фактите кои исклучително ја прикажуваат вистината.

Во текот на денот, една третина од членовите на Комисијата за финансирање и буџет, писмено ќе се обратиме до претседателката Сања Лукаревска, со цел, повторно ќе кажам, итно и неодложно, утре да ја продолжи надзорната расправа, со цел усвојување на заклучоци.

Сè друго е бегање од вистината, бидејќи, како што кажав претходно, беа вчера соочени со истата и сите можевте да видите како заврши.

Втората работа е дека опозицијата, особено СДСМ, прави сè што може за да го спречи поставувањето на опозициските пратенички прашања.

Самите си бараат пауза, заради тоа што не сакаат да прашуваат, бидејќи не е во нивен интерес да се знае вистината.

Видовме дека има неколку пратеници пријавени. Сите оние за кои тие сметале дека треба да дојдат и да одговорат на нивните прашања, беа во Собранието.

Но, по сè изгледа, по тоа што се случи вчера, не сакаат јавноста да ги знае одговорите за Алта банка, но и за сите други случувања.

Овие два преседани сметам дека се невидени.

Ако нешто започнеме, треба да го завршиме и ние ќе направиме сè како мнозинство.

Прво, надзорната расправа да заврши и да се усвојат заклучоци, бидејќи тоа им го должиме на граѓаните.

А второ, кога ќе се свика седница за опозициски прашања, тие кои бараат да дојдат оние функционери на кои сметаат дека треба да им ги постават прашањата, треба да дозволат одржување на таква седница, рече Бојан Стојаноски, пратеник на Пратеничката група на ВМРО-ДПМНЕ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.