Балкан

Европското обвинителство започна истрага за злоупотреба на ЕУ фондови во Бугарија

Европското јавно обвинителство соопшти дека неговата канцеларија во Софија започнала истрага со цел да собере евентуални докази во врска со сомнежите за проневера и злоупотреба на средства од фондови на ЕУ и за перење пари.

Европското јавно обвинителство соопшти дека неговата канцеларија во Софија започнала истрага со цел да собере евентуални докази во врска со сомнежите за проневера и злоупотреба на средства од фондови на ЕУ и за перење пари поврзани со изградбата на најголемиот инфраструктурен проект во Бугарија, тунелот „Железница“ на автопатот „Струма“ во реонот на Благоевград.

Обвинителството информира дека истрагата е покрената по сознанија добиени од бугарската Државна агенција за национална безбедност (ДАНС) дека една од компаниите што е дел од конзорциумот кој го градеше тунелот, е осомничена за неколку кривични дела, вклучувајќи проневера, злоупотреба на фондовите на ЕУ и перење пари.

Според Обвинителството, постојат сомнежи дека посочената компанија во многу краток период извршила неколку фиктивни трансфери во износ од над 5,6 милиони евра на сметки на фантомски фирми, кои потоа биле повлечени како готовина од лица со криминално досие. Овие фирми и поединци се опфатени и со друга тековна истрага на Европското обвинителство во врска со инфраструктурни проекти во железничкиот сектор.

Во рамки на истрагата извршени се претреси во шест фирми и четири приватни станбени објекти во два бугарски окрузи.

Автопатот „Струма“, проект кофинансиран од Европскиот кохезивен фонд во рамки на Програмата за транспорт и транспортна инфраструктура за периодот 2014-2020 година, го градеше конзорциум од три компании. При изградбата на изведувачот му биле исплатени речиси 95,6 милиони евра од кои 85 отсто потекнувале од фондовите на ЕУ.

- Во тек се истраги за утврдување на природата и обемот на наводните криминални активности, информира Европското јавно обвинителство.

Изградбата на тунелот „Железница“ траеше повеќе од пет години и заедно со околната инфраструктура чинеше 215 милиони евра. Тунелот беше отворен за сообраќај на 20 февруари. Автопатот „Струма“ го поврзува Солун со „Дунавскиот мост 2“ на границата меѓу Бугарија и Романија.

Конзорциумот што го градеше автопатот беше избран од една од поранешните Влади на Бојко Борисов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструкцијата на спортската сала во СОУ „Добри Даскалов“ се одвива согласно предвидената динамика

Продолжуваат градежните активности во спортската сала на СОУ Гимназија „Добри Даскалов“.

Реконструкцијата на спортската сала во СОУ „Добри Даскалов“ се одвива согласно предвидената динамика, со што чекор по чекор создаваме современ и функционален простор за учениците. Во текот на активностите се работи на обновување на салата, со цел поставување нов спортски под, уредување на ѕидните површини, модернизација на осветлувањето, како и подобрување на системите за греење, вентилација и противпожарна заштита.

Со инвестицијата од 4.200.000 денари, Општина Кавадарци продолжува со унапредување на спортската инфраструктура во Гимназијата и создавање побезбедни и подобри услови за наставата и спортските активности.

Работиме на терен, со јасна цел, современи услови за нашите ученици и подобра спортска инфраструктура за Кавадарци.- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗР: Слабости во јавните набавки во ЕСМ, ревизорите чешлале 27 постапки вредни околу 143,6 милиони евра

Сериозни слабости во јавните набавки во ЕСМ откри Државниот завод за ревизија.Ревизорите чешлале 27 постапки вредни околу 143,6 милиони евра.

Пропусти имало уште при планирањето и утврдувањето на потребите.во само една година биле направени 19 измени на планот за набавки.

ДЗР констатирал и ограничена конкуренција и постапки со само една понуда. Особено внимание привлекува набавката на гасен мотор вредна околу 2,48 милиони евра.

Моторот бил платен, но не бил ставен во функција и подолг период бил складиран.за адитив биле платени околу 2,29 милиони евра, а најголемиот дел останал неискористен.

Ревизорите нотирале и проблеми со договорите, техничките спецификации и контролите.

Заводот бара поголема транспарентност и поекономично и поефикасно користење на јавните средства.

Тагови: ДЗР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утринава продолжува судењето против апелациониот судија Ѓоко Ристов

Утринава продолжува судењето против апелациониот судија Ѓоко Ристов, обвинет за прикривање имот и перење пари.

Утринава продолжува судењето против апелациониот судија Ѓоко Ристов, обвинет за прикривање имот и перење пари, откако во домот на неговите родители беа пронајдени 350 илјади евра соѕидани во ѕид.

Парите беа пронајдени спакувани во 13 поединечни пакувања, и тоа 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи на средствата, скриени во заѕидан простор во шуплините од цигли во ѕид на кујната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.