Тој посочува дека промените се дел од процесот на дигитализацијата, а дали македонските граѓани ќе бидат изземени од оваа промена, би можела да одлучи единствено Унијата.

-Во однос на правилата за влез во ЕУ тие се одложени за Македонија, ќе стартуваат, ако стартуваат следната година доколку повторно нема одлагања. Во меѓувреме сме во активен дијалог со претставници на ЕУ и по некоја случајност по оваа средба ќе имам средба со евроамбасадорот Михалис Рокас, која не е поврзана со оваа, но сепак имаме активна комуникација и секако ќе направиме се што можеме за македонските граѓани полесно да влегуваат во ЕУ. Во суштина она што сме информирани е дека постојниот систем на ЕУ се дигитализира, светот, технологихата одат напред и во таа насока треба да се почитува она што го воведува ЕУ од еднс страна, но од друга страна да не се комлицира процедурата за влез на македонски граѓани. Секако Министерството за надворешни работи и Министерството за европски прашања имаат комуникација и заеднички како Влада ќе се координираме кога ќе се воведе,- Александар Николовски- министер за транспорт .

Од Стопанската комора укажуваат дека најмногу ќе загуби бизнисот, односно со ваквите протоколи, транспортните оператори ќе бидат во неповолна положба во споредба со операторите од ЕУ во однос на утврдените ограничувањата, поради Шенгенските правила што го ограничуваат периодот на професионалниот возач кој може да извршува билатерални транспортни услуги од 90 дена во текот на кои било 180 дена.

Николоски во ова не гледа проблем бидејќи како што посочи законот е ист и роковите од 90 до 180 дена не се сменети.

Системот ќе ги проверува безбедносните податоци и ќе наплатува надомест за патниците кои ги посетуваат земјите-членки на ЕУ. Процесот на одобрување може да трае околу 20 минути, но доколку се јави проблем може да се оддолжи и до 30 дена.Неговата имплементација ќе почне на 12 октомври 2025 година. Постепено, во период од шест месеци ќе го имплементираат 29 европски земји, 25-те членки на ЕУ дел од Шенген зоната, плус Исланд, Лихтенштајн, Норвешка и Швајцарија. Системот нема да важи за лицата кои имаат дозволи за престој во земјите-членки на ЕУ, како и за оние со регулирани визи. Целосната имплементација да започне од 10 април 2026 година, од кога електронски ќе се пресметуваат деновите на престој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.