Европските композитори во Скопје на Генерално собрание - Канал 5

Култура

Европските композитори во Скопје на Генерално собрание

Во пресрет на Генерално Собрание на Европската алијанса на композиторите, министерката за култура Елизабета Канческа Милевска вечерва на свечениот прием истакна дека овој значаен настан ги потенцира заедничките заложби за остварување на правата на европските музички творци, во активното креирање на културната политика и во зближувањето на авторите независно од жанровските разлики.

Европските композитори во Скопје на Генерално собрание
Македонската Влада, истакна министерката за култура во изминатиот период спроведе низа стимулативни мерки во сите области на културата, мерки кои ја збогатија продукцијата на дела и го унапредија статусот на творецот.

Потсети дека Сојузот на композиторите на Македонија, речиси 70 години е своевидна „матица на македонските музички автори” и неизоставен фактор во поддршката и унапредувањето на целокупната музичка сцена во земјата.

- Токму овој настан е потврда за нивната, но и за нашата заложба за поттикнување на творечкиот дух, размена на искуствата со музичките творци од цела Европа, за делување во пошироки, европски рамки. Оддржувањето на Генералното собрание на ЕКСА токму во Скопје е важно не само поради афирмацијата на македонското музичко творештво, туку и поради создавањето на идната платформа за доближување на нашата култура до европското семејство, рече Канческа-Милевска.

Генералното собрание, додаде таа, е можност и нашите организации (СОКОМ, ММИ, Шпато, КОНИП и МЕМА) да добијат патоказ за новите можности за нивно културно, уметничко и политичко делување во иднина.

Скопје од денеска до 30 септември е домаќин на Генералното собрание на Асоцијацијата на европски композитори и пишувачи на песни (ЕКСА).

На Собранието учествуваат педесетина композитори на уметничка, класична, аудиовизуелна, филмска и популарна музика од цела Европа. Заштитата на авторските права и третманот на композиторите се клучни теми, но останува можноста за остварување меѓусебни директни контакти и евентуално договарање индивидуални проекти.

Состаноците на трите комитети од кои се состои ЕКСА ќе се одржат денеска. Ќе заседава и Бордот на Асоцијацијата по што во студиото М1 на МРТВ својот прв концерт ќе го одржи и новоформираниот ансамбл за современа музика на СОКОМ „Контемпора“ со дела од македонски автори.

ЕКСА годишно одржува две вакви средби, едната секогаш се организира во Брисел каде што се седиштето и Канцеларијата на Асоцијацијата, а другата е во некоја друга земја.

Во ЕКСА членуваат преку 40 организации од 22 земји. Преку нив, Асоцијацијата застапува 30.000 автори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масовни протести поради строгите закони за абортус низ 20 градови во Полска

Жените во повеќе од 20 полски градови протестираа поради недостатокот на пристап до бесплатни и легални абортуси. 

Масовни протести поради строгите закони за абортус низ 20 градови во Полска

Демонстрантите ја обвинија либералната влада на премиерот Доналд Туск дека не го исполнила своето ветување за ублажување на строгите закони.

Во Варшава, стотици жени протестираа пред парламентот и покрај обилните дождови. Митинзите се одржаа и покрај тоа што парламентот во вторник одобри два закона што имаат за цел да ги ублажат правилата за абортус. Се очекува конзервативниот претседател на парламентот Карол Навроцки да стави вето на нив, според АП. Зофија Марчинек од „Тимот за соништа за абортус“, група за репродуктивни права со седиште во Варшава, рече дека усвојувањето на законот една година пред следните парламентарни избори е „симболичен гест“, а не вистинска намера за реформа на законот.

Либералната влада, рече таа, била свесна дека законите немаат шанси да го преживеат ветото на Навроцки, па затоа се обидела да создаде впечаток дека презема акција. Марчинек верува дека ѝ се потребни гласовите на жените за да победи на изборите следната година. Легалниот абортус во католичка Полска е дозволен од 1993 година само во случаи на тешки абнормалности на фетусот, ризик за животот и здравјето на мајката или кога бременоста е резултат на силување или инцест.

Полските жени оттогаш се залагаат за легализација на абортусот, вклучително и преку национален бран протести познат како „Црн протест“, кој започна во 2016 година, кога учесничките носеа црно.

Законите беа дополнително заострени во 2020 година, под власта на национално-конзервативната партија Право и правда (ПиС), кога абортусите беа забранети во случаи на вродени дефекти на фетусот. Абортусот останува табу тема во Полска, а земјата има еден од најрестриктивните закони во Европа. Построги прописи постојат само во Малта.

Проевропската коалиција на Доналд Туск ги доби изборите во 2023 година делумно врз основа на ветување за либерализација на законите за абортус. Туск во 2024 година рече дека неговата влада нема да може да го поништи ветото на конзервативниот претседател.

Наместо да се промени законот, беа воведени мерки за да се спречат болниците да одбиваат да вршат легални абортуси од религиозни причини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција им ги забранува социјалните мрежи на помладите од 15 години

Грчкиот парламент донесе закон со кој им се забранува на децата под 15 години да користат социјални мрежи. 

Грција им ги забранува социјалните мрежи на помладите од 15 години

Законот, кој стапува на сила на 1 јануари 2027 година, беше донесен поради растечката загриженост за влијанието на овие платформи врз здравјето и безбедноста на малолетниците, објави Ројтерс.

Премиерот Киријакос Мицотакис изјави дека платформите имаат рок од два и пол месеци да развијат систем за проверка на возраста на корисниците и да обезбедат заштита на нивната приватност. Грција е една од седумте земји-членки на Европската унија кои соработуваат со Европската комисија за решение за проверка на возраста на корисниците.

Слични мерки веќе се забележани во светот. Минатата година, Австралија стана првата земја што законски го ограничи пристапот до социјалните медиуми за малолетници. Во Франција, пак, Уставниот суд го поништи таков закон во август.

Помагање на родителите во борбата против зависноста

Владата нагласува дека со овој потег сака да им помогне на родителите во потиснувањето на таканареченото бесконечно скролување. Тие наведуваат дека овој феномен ги лишува децата од сон, ја нарушува концентрацијата и го одзема времето од поминувањето време со пријателите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денеска променливо облачно со дожд претпладне и сончево попладне

Времето денеска ќе биде претпладне променливо облачно, а потоа сончево со мала облачност, информираат од УХМР.

Денеска променливо облачно со дожд претпладне и сончево попладне

МИНИМАЛНА ТЕМПЕРАТУРА (во 0С)

3 Попова Шапка, 5 Лазарополе, 6 Маврови Анови, Битола, Крушево, 7 Крива Паланка, 8 Берово, Претор, 9 Охрид, Виница, Прилеп, 10 Куманово, Тетово, Штип, Струмица, 11 Скопје-Зајчев Рид, 12 Велес, Кавадарци, Демир Капија, Скопје-Петровец, 14 Гевгелија.

КОЛИЧИНА НА ВРНЕЖИ за изминатите 24 часа до 08 часот во (l/m2)

21 Крива Паланка, 9 Виница, 8 Берово, 4 Куманово, 1 Штип, Лазарополе.

ВРЕМЕТО ДЕНЕСКА

Променливо облачно, во утринските часови ќе има повремен локален дожд, а во текот на денот ќе биде сончево со мала локална облачност. Ќе дува слаб до умерен, а наместа долж Повардарието повремено засилен ветер од северозападен правец. Максималната температура ќе биде во интервал од 19 до 24 степени.

Во Скопје, претпладне променливо облачно, а потоа сончево со мала облачност. Ќе дува слаб до умерен ветер од променлив правец. Максималната температура ќе достигне до 20 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер