Живот

Европските аеродроми укажуваат на недостастоци во системот ЕЕС за влез во ЕУ

Поради проблеми со новиот систем за влез и излез од Европската Унија (ЕЕС), патниците на европските аеродроми летово одморот би можеле да им го расипе тоа што засега најмногу ги плаши - редиците и чекањата на пасошка контрола.

Поради проблеми со новиот систем за влез и излез од Европската Унија (ЕЕС), патниците на европските аеродроми летово одморот би можеле да им го расипе тоа што засега најмногу ги плаши - редиците и чекањата на пасошка контрола, пишува денес германскиот „Ханделсблат“.

Особено во јули и август времето на чекање би можело да биде до четири часа, предупреди Меѓународниот совет на аеродроми ACI, Здружението на европски авиокомпании A4E и Меѓународното здружение на авиокомпании во заедничко писмо упатено до еврокомесарот за внатрешни работи Маркус Брунер.

Раководителот на аеродромот во Минхен и претседател на ACI, Јост Ламерс, изјави за „Ханделсблат“ дека последиците од новиот систем за влез во ЕУ веќе се чувствуваат и дека некои земји пријавиле проблеми „поради долгите чекања“ на аеродромите и „ИТ проблеми“.

„Тоа е многу амбициозен проект, а сè уште сме во месеците со низок број на патувања. Летото е пред врата“, рече Ламерс.

Системот за влез/излез во Шенген зоната - ЕЕС беше лансиран во октомври минатата година, а потоа последователно беше воведен во сите земји-членки на ЕУ. ЕЕС треба автоматски да ги регистрира сите лица што влегуваат во ЕУ од трети земји.

На аеродромите, системот функционира така што кога патникот што влегува во ЕУ оди до машина, таканаречен киоск, го става својот биометриски пасош, а потоа машината го слика и му зема отпечатоци од прсти, кои тој ги споредува со податоците на пасошот. Системот во сите земји-членки на ЕУ треба да биде целосно оперативен до април, пишува Ханделсблат.

Меѓутоа, некои земји доцнат, а причината се и технички проблеми и недостаток на човечки персонал, напишаа во писмо здруженијата ACI, A4E и IATA.

Во случај автоматската контрола да не успее, патникот мора да чека на класичната пасошка контрола, а поради недостаток на службеници, повторно се создаваат долги редици, пишува Ханделсблат.

Проблемот, според дневниот весник, е недоволната примена на апликацијата „ајде да патуваме во Европа“ од страна на Европската агенција за гранична контрола - Фронтекс.

Мобилната апликација им овозможува на патниците од трети земји однапред да извршат добар дел од биометриската пасошка контрола и да го скратат времето на преминување на границата, но во моментов само Шведска ја користи оваа апликација на своите граници, пишува Ханделсблат.

Наведувајќи дека подобрата гранична безбедност е целосно оправдана цел, Ламерс рече дека воведувањето на ЕЕС системот мора да оди побрзо и со подобро искористување на сите потенцијали за дигитализација.

Тој процени дека ЕУ би можела да го примени новиот систем пофлексибилно до крајот на октомври, со откажување од целосно читање на биометриските податоци на патниците во одредени ударни термини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од 1 јули се потребни дозволи за движење низ шуми

Директорот на Дирекцијата за заштита и спасување, Стојанче Ангелов, појасни дека мерката за движење во шумите не претставува целосна забрана, туку воведување обврска за издавање дозвола и евиденција на движењето.

Според него, граѓаните и понатаму ќе можат да влегуваат во шумски предели, но со претходно обезбедена дозвола, која има превентивна цел и служи за следење и намалување на ризикот од шумски пожари во летниот период.

Мерката доаѓа во услови на високи температури и зголемен ризик од пожари, а надлежните апелираат на внимателност и одговорно однесување.

Министерството за земјоделство претходно информираше дека ограничувањето ќе важи од 1 јули до 31 август 2026 година, согласно Законот за шумите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Благодарение на „Безбеден град“, бројот на загинати во сообраќај со пад од 40 проценти

Министерот за внатрешни работи Панче Тошковски денеска даде отчет за сработеното во изминатите две години, а во обраќањето се осврна и на проектот „Безбеден град“.

За истиот, Тошковски вели дека е еден од најзначајните кои го реализирале, претворајќи го во еден од клучните механизми за унапредување на безбедноста и модернизација на полициското работење.

Проектот опфати модернизација на постојниот систем во Скопје, Тетово, Куманово, коридорите 8 и 10 и негово проширување на национално ниво, преку воведување современи технологии за видео надзор и автоматско детектирање на сообраќајни прекршоци.

‒ Особено значајни се првичните резултати од функционирањето на системот. Од почетокот на неговата примена, на 2 февруари 2026 година, во првите пет месеци е забележано намалување на бројот на загинати лица во сообраќајни незгоди за 40 проценти, односно 33 загинати лица, наспроти 55 во истиот период од претходната година. До 22 јуни 2026 година, преку системот се регистрирани над 120.000 сообраќајни прекршоци, од кои повеќе од 95 проценти се однесуваат на пречекорување на дозволената брзина, истакнува министерот за внатрешни работи.

Со предвидената динамика, до крајот на 2026 година се очекува проектот „Безбеден град“ да биде целосно имплементиран на територијата на државата, опфаќајќи ги поголемите градови и главните патни правци, со што ќе се постават темелите на модерен, ефикасен и превентивно ориентиран систем за заштита на безбедноста на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски: Бележиме најниско ниво на криминалитет во последните 20 години

Министерот Панче Тошковски презентираше двегодишен отчет.

Министерот Тошковски презентираше двегодишен отчет: Најниско ниво на криминалитет во последните 20 години и продолжување на реформите во МВР

Министерот за внатрешни работи Панче Тошковски денеска го презентираше отчетот за работата на Министерството за внатрешни работи во изминатите две години, истакнувајќи дека од самиот почеток на мандатот била поставена јасна определба – законот да важи подеднакво за сите и да се изгради поефикасно, попрофесионално и помодерно Министерство.

Презентирајќи ги резултатите од работењето, министерот Тошковски нагласи дека Македонија денес го бележи најниското ниво на криминалитет во последните 20 години, како резултат на посветена и континуирана работа на полициските службеници и институциите.

Во изминатиот период беа сузбиени над 30 организирани криминални групи, запленети се 6,2 тони разновидна наркотична дрога, при што заплените на кокаин се зголемени за повеќе од 300 проценти, а од нелегален промет се отстранети над 550 парчиња оружје. Воедно, имотниот криминал е намален за повеќе од 30 проценти, а разбојништвата и разбојничките кражби за над 40 проценти.

Посебен акцент беше ставен на проектот „Безбеден град“, кој, како што беше истакнато, по долгогодишни најави конечно е реализиран и ставен во функција. Во првите пет месеци од неговата примена, бројот на загинати лица во сообраќајни незгоди е намален за 40 проценти, односно се регистрирани 33 загинати лица, наспроти 55 во истиот период минатата година.

Во делот на меѓународната соработка, министерот Тошковски информираше дека денеска ќе биде потпишан договорот со Република Албанија за воспоставување заеднички гранични премини и спроведување заеднички активности за гранична контрола. Со тоа се заокружува системот на заеднички гранични проверки „One Stop“ со сите соседни држави кои не се дел од Шенген зоната, по претходно воспоставените системи со Република Србија и Република Косово.

Министерот се осврна и на инвестициите во идните генерации полициски службеници, потенцирајќи дека по долг временски период повторно се воспоставува Средното полициско училиште, при што првата генерација ученици ќе започне со настава од 1 септември оваа година.

Воедно, во изминатиот период беа отворени нови канцеларии за управни работи во повеќе општини каде што претходно немало вакви услуги, а значителен дел од потврдите и уверенијата граѓаните денес можат да ги добијат електронски, без чекање и без дополнителни административни процедури.

На крајот од обраќањето, министерот Тошковски истакна дека постигнатите резултати претставуваат силна основа за продолжување на реформските процеси и понатамошно јакнење на институционалните капацитети, нагласувајќи дека пред Министерството остануваат уште многу предизвици и работа во насока на обезбедување сигурност, стабилност и владеење на правото, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.