Свет

Европскиот парламент предлага нов пакет санкции против Русија

Европскиот Парламент побара од институциите на ЕУ да работат на почеток на пристапните преговори со Украина, да подготват план за пристапување на таа земја на единствениот пазар на ЕУ и да го воведат десеттиот пакет санкции против Русија.

Во необврзувачката резолуција изгласана на пленарната седница во Брисел, претставниците бараат „да се започне со работа на отворање на пристапните преговори“ и да се создаде „патна карта со контурите на следните чекори за да се овозможи пристап на Украина на единствениот ЕУ пазар“.

Огромно мнозинство гласаше за резолуцијата, 489 беа за, 36 беа против, а 49 беа воздржани.

Пратениците ја повторија својата поддршка за идното членство на Украина во ЕУ, нагласувајќи дека пристапниот процес се заснова на заслуги, односно на исполнување на реформите потребни за членство и критериумите за пристапување. Во таа насока тие ги повикаа украинските власти да преземат соодветни реформи за што поскоро усогласување со ЕУ.

Претставниците ги повикаа и членките на ЕУ да ја зголемат и забрзаат испораката на воена помош за Украина, особено во оружје, но и да обезбедат економска, финансиска, инфраструктурна и хуманитарна поддршка.

Пред самитот ЕУ-Украина, кој ќе се одржи утре во Киев, европските претставници бараат сеопфатен пакет помош за обновата на Украина. Тие предлагаат за ова да се искористат замрзнатите средства на руската централна банка и средствата на руските олигарси.

Пратениците бараат и воведување на десеттиот пакет санкции против Русија и санкционирање на компаниите како Лукоил и Росатом кои се уште работат на пазарот на ЕУ. Тие бараат и целосно ембарго за увоз на фосилни горива и ураниум од Русија и дефинитивно напуштање на гасоводите Северен тек 1 и 2.

Живот

Црн лебед во грчката река Еврос

 Единицата за управување со Националните паркови во областа Еврос во североисточниот дел на Грција, додека спроведувала научно набљудување на делтата на реката Еврос наишла на ретка и невообичаена појава – црн лебед, јави дописничката на МИА

Црниот лебед воопшто не е својствен за Грција и затоа е непознато како воопшто се нашол во реката.

Најзастапен е во Австралија и Нов Зеланд, а живее во реки, големи езера, лагуни, а понекогаш и по должината на бреговите.

-Вработените во единицата за управување ги пречка пријатно изненадување бидејќи при научно набљудување на делтата на Еврос забележаа црн лебед, напишаа на Фејсбук од надлежните за Националниот парк објавувајќи фотографии од ретката појава.

Македонија

Тошковски: МВР ќе ја гарантира безбедноста на секој набљудувач

Изјава по остварена средба со претставници од Фондацијата „Ромите за демократија“ кои денеска организираа протестен марш од ДИК до МВР.

Тие протестираа заради закани кои биле упатени кон нивни набљудувачи за време на првиот круг од Претседателските избори 2024.

Министерот за внратрешни работи во техничката влада, Панче Тошковски изјави дека МВР ќе ја гарантира безбедноста на секој набљудувач за време на изборниот процес.

Свет

Кремљ ги дефинираше како неосновани обвинувањата на САД дека користеле хемиско оружје

 Кремљ ги оквалификува како неосновани американските обвинувања дека руските сили користеле хемиско оружје во Украина.

Портпаролот на Кремљ, Дмитриј Песков, изјави дека Москва останува обврзана со договорот за забрана на употреба на хемиско оружје.

Стејт департментот ја обвини Русија дека го користела хемиското оружје „хлорпикрин“ против украинските сили со што ја прекршува Конвенцијата за забрана за употреба на хемиско оружје.

„Употребата на тие хемикалии не е изолиран инцидент и најверојатно е мотивирана од желбата на руските сили да ги отстранат украинските сили од зацврстените позиции и да постигнат тактички напредок на бојното поле“, соопшти Стејт департментот. /МИА

притисни ентер