Европскиот парламент одобри заем од 90 милијарди евра за Украина - Канал 5

Европа

Европскиот парламент одобри заем од 90 милијарди евра за Украина

Заемот за Украина беше одобрен со 458 гласа „за“, 140 „против“ и 44 воздржани. 

Европскиот парламент одобри заем од 90 милијарди евра за Украина

Европскиот парламент денеска одобри пакет финансиски мерки за Украина, вклучувајќи заем од Европската унија од 90 милијарди евра за 2026 и 2027 година, измени во механизмот на ЕУ за Украина и амандман на повеќегодишната финансиска рамка за 2021-2027 година, така што буџетската резерва на ЕУ може да се користи како гаранција за заемот и за покривање на трошоците за опслужување на долгот.

Заемот за Украина беше одобрен со 458 гласа „за“, 140 „против“ и 44 воздржани. Измените во механизмот за Украина беа одобрени со 473 гласа „за“, 140 „против“ и 32 воздржани. Амандманот на повеќегодишната финансиска рамка беше одобрен со 490 гласа „за“, 130 „против“ и 32 воздржани. Пакетот е дел од спроведувањето на засилена соработка меѓу 25 земји-членки и има за цел да обезбеди предвидлива, континуирана и флексибилна финансиска поддршка на Киев во услови на континуирана руска агресија и растечки потреби за финансирање на реконструкцијата и одбраната. Денес усвоената регулатива предвидува воспоставување на „Заем за поддршка на Украина“ за 2026-2027 година, финансиран со задолжување од Европската комисија на пазарите на капитал.

Заемот ќе има ограничено право на регрес и ќе биде доспеан по исполнување на одредени услови, вклучително и прием од страна на Украина на репарации од Русија или утврдени прекршувања поврзани со измама или корупција. Средствата ќе бидат насочени по неколку линии - како буџетска поддршка во форма на макрофинансиска помош, како и поддршка за капацитетот на украинската одбранбена индустрија. Во рамки на макрофинансиската помош, Комисијата ќе преговара со украинските власти за Меморандум за разбирање што содржи специфични услови за реформи, вклучително и зајакнување на мобилизацијата на приходите, подобрување на управувањето со јавните финансии и мерки против корупцијата.

Поддршката за одбрана предвидува итни и големи јавни инвестиции за модернизација на одбранбената технолошка и индустриска база на Украина, како и поблиска интеграција со европската одбранбена индустрија. Регулативата ги утврдува деталните барања за подобност за производителите и подизведувачите, вклучувајќи услови за основање во ЕУ, Европската економска зона или Украина, ограничувања за учество на трети земји и правила за заштита на чувствителни и класифицирани информации.

Украина ќе мора да отвори посебна сметка за управување со средствата поврзани со поддршката за одбраната и да доставува месечни извештаи за извршените плаќања. Европската комисија ќе има права на следење и контрола, а Европскиот парламент и Советот ќе бидат редовно информирани за напредокот на имплементацијата. Заемот ќе се финансира преку диверзифицирана стратегија за задолжување, при што трошоците за опслужување на долгот потенцијално ќе ги сноси буџетот на ЕУ преку наменски инструмент над лимитите на повеќегодишната финансиска рамка. Предлогот, исто така, предвидува можност Унијата да користи блокирани руски средства во ЕУ за отплата на заемот, во целосна согласност со правото на ЕУ и меѓународното право.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-Фото: Џенифер Лопез во смело издание: Сите погледи вперени во нејзиниот грб

Латино дивата Џенифер Лопез блесна во Париз, каде што присуствуваше на хуманитарна гала-вечер организирана од „Naked Heart France“ и повторно привлече внимание со својот моден избор. 

Видео-Фото: Џенифер Лопез во смело издание: Сите погледи вперени во нејзиниот грб

Иако овојпат ја пропушти самата модна ревија,светската музичка ѕвезда се појави на еден од придружните настани во впечатлива комбинација.

Џенифер пристигна во смел кафеав фустан со целосно отворен грб и драматичен шлиц што се протегаше високо по нејзината нога. Изгледот го заокружи со црни чевли со отворени прсти и мала чантичка.

Таа им се насмевна на бројните фотографи додека многубројни камери го овековечуваа нејзиното појавување.

Меѓу гостите на хуманитарната вечер беа и други истакнати личности од светот на модата, вклучително и Стела Макартни. Организацијата „Naked Heart France“ е основана од манекенката Наталија Водјанова и е посветена на подобрување на квалитетот на живот на лицата со аутизам и нивните семејства во Франција.

Во последните недели, Џенифер Лопез привлекува големо внимание со своите појавувања на модни настани.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Историски момент за Кавадарци, започнува изградбата на новиот Младински културен центар!

Од денес започнува изградбата на новиот Младински културен центар – простор создаден за младите, нивните идеи, креативност и дружење, објави на социјалните мрежи градоначалникот на Кавадарци, Митко Јанчев. 

Јанчев: Историски момент за Кавадарци, започнува изградбата на новиот Младински културен центар!

-Историски момент за Кавадарци! [❤️]

Од денес започнува изградбата на новиот Младински културен центар – простор создаден за младите, нивните идеи, креативност и дружење. Младинскиот центар ќе биде на второто ниво, со површина од околу 800 м² и со посебен влез, како дел од новиот деловно-трговски комплекс кој ќе се простира на околу 6.000 м².

Современ простор за култура, образование, креативни работилници, настани, дружење и младински иницијативи.

Комплексот ќе располага со 25 паркинг места, плус дополнителни околу 40 места пред објектот.

Целокупната инвестиција и изведба на објектот е од страна на Five Star Building, стои во објавата на Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Џим Кери тајно се ожени со 32 години помлада девојка 32 години помлада

Според американските медиуми, холивудската ѕвезда, актерот Џим Кери (64) се оженил со Мин А (32) на мала, приватна церемонија во Лос Анџелес, девет месеци откако првпат се појавија заедно во Париз. 

Џим Кери тајно се ожени со 32 години помлада девојка 32 години помлада

Двојката главно ја чуваше својата врска подалеку од очите на јавноста, а првпат заедно се појавија на црвениот тепих во Париз.

Џим Кери претходно изјавуваше дека не планира повторно да стапи во брак.

Кери и Мин А првпат заедно прошетаа на црвениот тепих на доделувањето на наградите „Цезар“ во Париз, тие се во врска од 2022 година. Тој главно ја чуваше врската со уметницата во тајност, иако ѝ се заблагодари во говорот на таа церемонија и изјави дека ја сака.

Актерот претходно изјави дека не планира повторно да стапи во брак. За време на гостувањето во емисијата *The Howard Stern Show* во 2014 година, тој го изнесе ставот дека тоа не е неопходно.

„Едноставно не го сметам за неопходно“, рече тој, додавајќи дека иако не може да знае како би се чувствувал доколку запознае некоја личност што целосно би го освоила, сепак не би тргнал доброволно во тој правец.

Тој претходно беше во брак со Мелиса Вомер од 1987 до 1993 година, со која ја има ќерката Џејн. Нивниот развод беше опишан како тежок, а спогодба беше постигната во 1995 година. Браковите и медиумски експонираните врски на Џим Кери Потоа, во 1996 година, се ожени со Лорен Холи, неговата колешка од филмот *Dumb and Dumber* („Глупавиот и поглупавиот“), но таа поднесе барање за развод помалку од една година подоцна.

Во 1999 година, Џим Кери започна врска со Рене Зелвегер – со која и се сврши – но тие раскинаа во 2000 година. Потоа, од 2005 до 2010 година беше во врска со Џени Мекарти. Подоцна, се поврзуваше со неколку други жени, меѓу кои шминкерката Катриона Вајт и актерката Џинџер Гонзага, пренесува Klix.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер