Европската Унија има нови правила за возачки дозволи - Канал 5

Европа

Европската Унија има нови правила за возачки дозволи

Европарламент гласаше за пакет нови правила за возачки дозволи што ќе важат низ целата Европска Унија.

Европската Унија има нови правила за возачки дозволи

Реформата воведува дигитални возачки дозволи, построги правила за сообраќајните прекршители и пониска старосна граница за професионалните возачи, сето тоа со цел зголемување на безбедноста на патиштата и хармонизирање на прописите.

Се очекува целосната имплементација да биде постепена, а клучните промени ќе стапат на сила помеѓу 2028 и 2030 година.

Забраните за возење ќе се применуваат низ цела ЕУ.

Еден од најважните случувања е тоа што забраната за возење воведена во една земја-членка ќе се применува низ цела ЕУ. Ова има за цел да се стави крај на практиката возачите чии дозволи се одземени во една земја да продолжат да возат во други.

Спротивно на тоа, казните што не вклучуваат забрана за возење остануваат одговорност на земјата во која е извршен прекршокот, а воведувањето на единствен европски систем на казнени поени е исто така напуштено.

Новите мерки беа донесени поради загрижувачката статистика што покажува дека околу 20.000 луѓе ги губат животите на патиштата на ЕУ секоја година. Италијанскиот европратеник Матео Ричи рече дека ова е „премногу“, нагласувајќи ја потребата од хармонизирани безбедносни стандарди.

Голем чекор напред е воведувањето на дигитална возачка дозвола, која ќе биде достапна на мобилен телефон. Ќе функционира слично на дигиталните банкарски картички или лични карти, значително поедноставувајќи го процесот на верификација. Европратеничката Јута Паулус истакна дека ова е особено корисна иновација за помладата генерација. Иако целосната имплементација на дигиталната верзија се очекува од 2030 година, возачите сè уште ќе можат да добијат класична возачка дозвола во форма на картичка по барање.

Тагови: возачка дозвола ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер