Европската комисија почна истрага против четири големи порно сајтови за да ги заштити децата - Канал 5

Свет

Европската комисија почна истрага против четири големи порно сајтови за да ги заштити децата

Европската комисија соопшти дека започнале истрага за четири големи веб-страници со содржини за возрасни поради сомнение дека ги кршат правилата на ЕУ за содржина дозволена на интернет, што вклучува и заштита на децата.

Европската комисија почна истрага против четири големи порно сајтови за да ги заштити децата

Истрагата е покрената против сајтовите согласно Законот за дигитална безбедност на ЕУ, објави агенцијата АП.

Прописите на ЕУ за дозволена содржина на интернет бараат од компаниите и онлајн платформите да сторат повеќе за да ги заштитат корисниците, а доколку не го сторат тоа, се соочуваат со значителни казни до шест проценти од нивниот годишен глобален приход.

Европската комисија изјави дека заштитата на младите корисници на интернет е еден од приоритетите на овие регулативи и додаде дека гореспоменатите порнографски страници не презеле соодветни мерки за заштита на малолетниците во потребната мера, особено кога станува збор за механизми за проверка на возраста насочени кон спречување на нивно пристапување до содржина за возрасни.

Како што е наведено, овие страници исто така не спроведуваат проценки на ризикот за негативните ефекти врз корисниците, вклучително и нивното ментално и физичко здравје.

Овие страници се означени како „многу опасни онлајн платформи“ кои бараат највисоко ниво на надзор според регулативите на ЕУ.

Сепак, ЕК објави дека го прифатила барањето една од страниците да биде отстранета од листата бидејќи немала доволен број корисници. Четирите веб-страници споменати погоре сè уште не дале коментар за одлуката на ЕК за истрагата.

Официјалните лица, исто така, објавија дека ЕУ работи на сопствена апликација за проверка на возраста што онлајн платформите би можеле да ја користат за да потврдат дали корисникот има над 18 години и дека апликацијата ќе биде достапна до крајот на летото.

Како што наведува ЕК, покрај големите сајтови, и помалите порно платформи ќе бидат предмет на надзор од страна на дигиталните регулатори на поединечните земји-членки на ЕУ, објави АП.

Тагови: истрага порно платформи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер