Очигледен е очајот на Христијан Мицкоски и ВМРО-ДПМНЕ, штом повторно се потпираат на лажни анкети, фабрикувани во нивната партиска лабораторија. Мицкоски, по примерот на неговиот ментор Никола Груевски, троши 400.000 евра народни пари за платени анкети и измислени рејтинзи, надевајќи се дека со лажна слика ќе ја прикрие реалноста.

Наместо силна реакција за справување со пожарите, наместо вистинска грижа за настраданите од несреќата во Кочани, наместо борба со криминалот во Чаир, ВМРО-ДПМНЕ во својот очај сервира политички спин и пропаганда.

Анкетата на „Маркет вижн“ е дел од кампањата со која Мицкоски се обидува да ја прикрие неспособноста и отсуството на било каква визија. Имено, Маркет вижн во март 2025 година склучила договор со Владата на рекордна сума од 400.000 евра за да прави анкети и го мери мислењето и задоволството на граѓаните од работата на Владата. Зар некој треба да верува во овие анкети кои служат единствено за да се манипулира јавноста и се во функција на пропагандата на ДПМНЕ.

Замислете, оваа е таа агенција која склучи договор со Владата по само три дена од несреќата во Кочани каде што починаа 63 млади животи, а над 200 беа повредени. Ова е доказ за нивниот морбиден политички карактер, кој дури и трагедиите ги користи како можност за бизнис и пропаганда, срамно.

Колку и да се трудат да создадат лажна слика за поддршка, вистината е очигледна: граѓаните секојдневно гледаат хаос, неработење, скандали, неспособност, расипништво, криминал и корупција во врвот на Владата. Додека народот се справува со пожари, инфлација, ниски плати, нефункционални институции и секојдневни убиства по улиците, Мицкоски се занимава со нарачани анкети и политичка самореклама.

СДСМ останува на страната на граѓаните. Ќе продолжиме да се бориме против манипулациите и лажните наративи и ќе ги разобличуваме сите обиди за дефокусирање од реалните проблеми.

Граѓаните заслужуваат одговорна власт, вистина, а не евтини трикови и прескапи анкети. Вистинските анкети ќе се видат на локалните избори, кога незадоволството на народот ќе се претвори во јасна порака против оваа неспособна и расипничка власт.

Албанскиот претседател ќе биде пречекан во вила „Билјана“ во Охрид, каде е предвидена средба и работен ручек со претседателката Сиљановска-Давкова. Во попладневните часови тие ќе посетат културно-историски знаменитости, а вечерта ќе присуствуваат на отворањето на фестивалот „Охридско лето“.

Сиљановска-Давкова ќе се обрати и ќе го прогласи за отворено 65. издание на Меѓународниот фестивал „Охридско лето“, којшто традиционално се одржува под покровителство на претседателот на државата.

За време на посетата, претседателот Бегај ќе биде придружуван од неговата сопруга Арманда Бегај.

Десетици лица сè уште се водат за исчезнати. Од денот кога се случи поплавата, не се пронајдени преживеани.

Поплавите во регионот Тексас Хил Кантри, што ги опфаќа централниот и јужниот дел на Тексас, се најлошите откако Трамп ја презеде функцијата во јануари.

Обилните дождови предизвикаа излевање на реката Гвадалупе на Денот на независноста.

- Тоа е нешто страшно. Никој не може да поверува, нешто такво, толку многу вода толку брзо, изјави Трамп додека вчера ја напушташе Белата куќа.

Претседателскиот авион „Ер Форс Уан“ слета во воздухопловната база Кели Филд, во Сан Антонио, а се се очекува Транп со хеликоптер да отпаува за Кервил, епицентарот на погодената област од поплавите, каде што ќе разговара со роднините на жртвите и спасувачите, изјави официјален претставник на Белата куќа.

Тој доби брифинг од локалните власти во округот Кер, епицентарот на штетата. Округот се наоѓа во област позната како „патека на ненадејни поплави“ каде што се случиле некои од најсмртоносните поплави во САД.

На 4 јули за помалку од еден час наврнаа над 30 сантиметри дожд, по што за неколку часа нивото на водата во реката се искачи од околу 30 сантиметри на 10,4 метри. Повеќе од 160 лица сè уште се водат за исчезнати, соопштија претставници на округот Кер, забележувајќи дека таквите бројки често се претерани.

Во поплавите настрадаа најмалку 36 деца, најмногу од Камп Мистик, христијански камп за девојчиња на брегот на реката.