Свет

Европратениците подготвуваат резолуција против странското мешање во ЕУ

Крах од редовите на екстремно десничарската Алтернатива за Германија (АФД) е обвинет дека бил „на платниот список на Пекинг“.

По најновиот случај во кој помошник на германскиот европратеник Максимилијан Крах од редовите на екстремно десничарската Алтернатива за Германија (АФД) е обвинет дека бил „на платниот список на Пекинг“ со цел да работи за промоција на кинеските интереси во ЕУ, политичките групации во Европарламентот бараат брза реакција од надлежните власти за расчистување на сите наводи за обиди за странско мешање.

Ова не е прв случај на обвинувања за странско мешање во пресрет на изборите за Европарламентот во јуни. Минатата недела властите на Чешка и Белгија обелоденија дека разоткриле руска пропагандна мрежа во која биле вклучени неколку европратеници, кои добивале „финансиска поддршка“ од Русија. Иако, во интерес на истрагата имињата на осомничените не беа соопштени, медиумите тврдеа дека станува збор за европратеници од редовите на екстремно десничарски партии од неколку европски земји, вклучително и од Франција и Германија.

Водечките политички групации во ЕП жестоко реагираа на ваквите наводи посочувајќи со прстот кон екстремната десница, која ја оквалификуваа како „најслабата алка“ подложна на странско влијание, а десноцентристичката Европска народна партија (ЕПП) и либералната група „Да ја обновиме Европа“ (РЕ) подготвија и предлог-резолуции за кои треба да се расправа и гласа во рамки на утрешната парламентарна дебата посветена на „Новите наводи за руско мешање во Европскиот парламент и претстојните избори во ЕУ и за влијание во Унијата“.

Во Предлог-резолуцијата на ЕПП се нагласува дека постојат „кредибилни извештаи“ во кои се посочува дека европратеници од редовите на екстремно десничарската групација Идентитет и демократија (ИД) и на Левицата, но и членови на ЕП кој не припаѓаат на ниту една група, „свесно им служат на интересите на Русија што се рефлектира во нивните јавни настапи, при гласањето и во организацијата на настани“.

Во текстот се нагласува и дека не само Русија, туку и Кина се обидува да влијае и да се меша во ЕУ, посочувајќи на случаи на „кинески врски“ во унгарската владејачка партија Фидес на премиерот Виктор Орбан, АФД, францускиот екстремно десничарски Национален собир (РН) на Марин Ле Пен и во неговата сестринска Партија на слободата на Австрија (ФПО).

Во Предлог-резолуцијата на либералната РЕ, пак, се бара разоткривање на „сите актуелни европратеници или кандидати на претстојните европски избори кои зеле пари или биле корумпирани од руската Влада или нејзини претставници“.

Либералите бараат и одземање на имунитетот на европратениците осомничени за поврзаност во вакви активности како дел од напорите за нивно санкционирање и зачувување на интегритетот на Европскиот парламент.

Дополнително, и во резолуциите на ЕПП и на РЕ се изразува загриженост поради „руското мешање во групите што се залагаат за независност на Каталонија“.

Но, не се само европратениците од десницата вмешани во скандали со странско влијание. Така во февруари годинава летонската европратеничка Татјана Жданока од Рускиот сојуз на Летонија (ЛРС), која не е членка на ниту една партиска групација, но претходно беше дел од групата на Зелените, беше обвинета дека е „руски шпион“ за што ЕП отвори внатрешна истрага. Од друга страна, во скандалот „Катаргејт“ што го потресе ЕП во 2022 година, актуелни и поранешни европратеници на Прогресивната алијанса на социјалистите и демократите (СД) беа осомничени за примање поткуп со цел да работат и лобираат во интерес на Катар и Мароко.

Дополнително, и поранешниот полски премиер Матеуш Моравиецки од национал-конзервативната и десно популистичка партија Право и правда (ПиС), која е членка на десничарската алијанса Европски конзервативци и реформисти (ЕЦР), обвини дека „Русија е активна во сите политички групи“, но дека главно насочува пари кон социјалистите.

Хороскоп

Дневен хороскоп за 6. мај 2024 година

Дневен хороскоп за понеделник, 6. мај 2024 година. 

Бик 21.4- 20.5.

Љубов

Додека вие ќе имате потреба од физичка љубов , вашата сакана личност повеќе ќе ја цени онаа на емотивно ниво. Усогласете се.

Кариера

Ќе бидете склони да ги мешате чувствата со работата , што моментално не е добро. Затоа обидете се тоа јасно да го разделите.

Здравје и совет

Некои ќе го преспијат утрото.

Близнаци 21.5.-21.6.

Љубов

Доколку некој од саканите блиски или сакани лица ви изгледа примитивен , заборавете го тоа чувство , барем за кратко.

Кариера

Ќе се обидете да ги поврзете искинатите врски и да ја поправите штетата што други ја направиле. Главно ќе бидете успешни.

Здравје и совет

Кашлица и нервоза.

Рак 22.6-22.7.

Љубов

Ќе има такви кои ќе бараат неможно , а свесни дека пред нив е убава шанса за љубов.

Кариера

Вработените во мали приватни компании ќе добијат нов поттик , што ќе ги натера да работат подобро.

Здравје и совет

Не се откажувајте.

Лав 23.7-22.8.

Љубов

Во текот на денешниот ден постојано ќе наидувате на шанси за разговори , дружења, собири и нови познанства. Одлично за оние кои уште се сами.

Кариера

Ќе успеете да ги усогласите своите ставови со мислењата на своите соработници и ќе бидете задоволни поради таквиот развој на настаните.

Здравје и совет

Ќе бидете расположени.

Девица 23.8.-23.9.

Љубов

Денеска е ден за муабети со кафе. Можно е да чуете озборување , во кое и вие ќе бидете вмешани. Игнорирајте го.

Кариера

Денеска ќе бидете многу снаодливи , па и најголемите проблеми ќе ви станат решливи.Инстинктивно ќе знаете што треба да направите.

Здравје и совет

Мали , минливи нервози.

Вага 24.9.-23.10

Љубов

Вашиот партнер би можел да покаже нетрпеливост кон некој член од вашето пошироко семејство. Не се нервирајте.

Кариера

Пред вас е ден во кој не треба се да работите по секоја цена. Подобро оставете го времето да работи за вас.

Здравје и совет

Опуштете се со помош на техники за релаксација.

Шкорпија 24.10-22.11.

Љубов

Ни денеска ќе нема многу разбирање меѓу вас и еден член на семејството, но ако останете смирени , се ќе помине безболно.

Кариера

Дел од вашите соработници се подготвуваат да ви дадат голема и значајна поддршка за она што го работите.

Здравје и совет

Излезете на свеж воздух.

Стрелец 23.11.-21.12.

Љубов

Од дневниот ред ќе ги тргнете грижите и проблемите на својот партнер за кои цело време ви зборува. Двајцата ќе се разведрите.

Кариера

Имате големи амбиции и планови , но денеска не сте сигурни што и колку ќе треба да смените за да ги остварите.

Здравје и совет

Останете будни.

Јарец 22.12.-20.1.

Љубов

Оние во врска денеска ќе ги активираат своите еротски особини и ќе го заведуваат партнерот во секој момент. Осамените тивко ќе освојуваат.

Кариера

Бидете малку воздражни во изразување на своите големи планови , зашто сите немаат оптимизам како вашиот.

Здравје и совет

Лесно на другите ќе им се вовлечете под кожа.

Водолија 21.1.-19.2.

Љубов

Вашите зборови ќе имаат силно влијание врз саканата личност. Затоа пазете што зборувате и како се однесувате.

Кариера

Вашите соработници и колегите со своите револуционерни потези ќе ги нарушат преговорите што вие ги водите.

Здравје и совет

Обидете се да не им се вратитена лошите стари навики.

Риби 20.2.- 20.3.

Љубов

Нема да бидете сигурни што да направите. Можеби најпаметно е да почекате , додека целата ситуација не се разбистри.

Кариера

Време е да премиенете од зборови на дела , а тоа за вас не е секогаш лесно. Сега треба да покажете дека сте дораснати на работата.

Здравје и совет

Разбудете се.

Овен 21.3-20.4.

Љубов

И вие и вашата најсакана личност денеска ќе бидете многу под влијание на впечатоци и емоции. Многумина ќе и се предадат на љубовта без граници.

Кариера

Најмногу би сакале да се повлечете и да работите осамени , што не е типично за вас. Доколку можете , дистанцирајте се.

Здравје и совет

Нека ве води интуицијата.

Македонија

Гордана Сиљановска-Давкова и Стево Пендаровски во „ПРЕТСЕДАТЕЛСКИ ДУЕЛ ЗА МАКЕДОНИЈА“

Дами и господа, вечерва Канал 5 Телевизија ќе ви го претстави последниот претседателски ПРЕТСЕДАТЕЛСКИ ДУЕЛ ЗА МАКЕДОНИЈА, помеѓу кандидатите Гордана Сиљановска -Давкова на ВМРО-ДПМНЕ и Стево Пендаровски на СДСМ. 

Време за промени или за реформи, чекор напред, или статус-кво, што ќе им понуди Пендаровски на гласачите да го задржи тронот, а што Сиљановска да го освои? Лојален на ветеното или на партијата, каков претседател сакаат граѓаните? Политички инжињеринг или пародија, се кројат ли договори под маса уште пред да се знаат бројките? Ќе го надомести ли СДСМ пропуштеното во првиот круг? Можен ли е бојкот? Продолжување на европскиот пат или отворање на Пандорината кутија, што ќе се случува на 9 Мај? Вечерва во Само Вистина последното ТВ соочување кај Гоце Михајлоски со Гордана Сиљановска -Давкова и Стево Пендаровски во решавачкиот ПРЕТСЕДАТЕЛСКИ ДУЕЛ ЗА МАКЕДОНИЈА... Веднаш по вестите.

Шоу биз

Фото: Деколтетот на Емили

Една од најубавите жени на светот, 32 годишната манекенка Емили Ратајковски неодамна присуствуваше на настанот „The King's Trust Global Gala“ во Њујорк, а за таа прилика избрала смел стајлинг.

Како што може да се види од фотографиите, атрактивната манекенка на гламурозниот настан блеснала во свилен фустан во беж боја со едноставен крој и длабоко деколте, кое ги истакна нејзините бујни гради.

Благодарение на оваа облека, Емили беше ѕвезда на црвениот тепих.

притисни ентер