Европратениците по „итна постапка“ поддржаа усвојување на заемот за репарации за Украина - Канал 5

Европратениците по „итна постапка“ поддржаа усвојување на заемот за репарации за Украина

Дополнително, со денешната одлука е договорено Европарламентот да се изјасни за усвојување на законскиот предлог на своето следно пленарно заседание што ќе се одржи од 19 до 22 јануари 2026 година.

Европратениците по „итна постапка“ поддржаа усвојување на заемот за репарации за Украина

Европскиот парламент денеска го поддржа барањето за забрзување на законодавните процедури за усвојување на Предлог-законот за заемот за репарации за Украина, со кој се предвидува користење на замрзнатите руски средства за покривање на украинските финансиски потреби за 2026 и 2027 година.

Дополнително, со денешната одлука е договорено Европарламентот да се изјасни за усвојување на законскиот предлог на своето следно пленарно заседание што ќе се одржи од 19 до 22 јануари 2026 година.

Предвидено е позицијата на европратениците во однос на предлогот, претседателката на Европскиот парламент Роберта Мецола да ми го пренесе на европските лидери на Самитот на ЕУ в четврток, на кој главна тема ќе биде токму заемот за репарации, на чие усвојување се противи Белгија.

Пратениците на денешната седница ги поддржаа и мерките насочени кон зајакнување на одбранбената технолошка и индустриска база на Европа, преку пренасочување на средствата од ЕУ за потребите на одбраната.

Со овие мерки повеќе средства од фондовите на ЕУ ќе бидат пренасочени кон инвестиции поврзани со одбраната преку постојните програми на Унијата, како што се Платформата за стратешки технологии за Европа, Хоризонт Европа, Европскиот фонд за одбрана, програмата Дигитална Европа и Инструментот за поврзување на Европа.

Европратениците со 629 гласа „за“, 17 „против“ и 16 „воздржани“ го усвоија и предлогот на нови правила кои овозможуваат поголема флексибилност и поддршка за земјоделците во почитувањето на одредбите од Заедничката земјоделска политика на ЕУ.

Со измените за малите фарми се предвидува зголемување на финансиска поддршка до 3.000 евра и исплата на дополнителен нов еднократен надомест за развој на бизнисот во износ до 75.000 евра. Покрај ова, се олеснуваат и барањата врз основа на кои една површина би се сметала за обработливо земјиште, како и условите за сертификација на органско земјоделско производство.

Дополнително, европратениците се изјаснија и за одземање на пратеничкиот имунитет на италијанската европратеничка Алесандра Морети од редовите на Прогресивната алијанса на социјалистите и демократите (СД), која е осомничен во врска со корупцискиот скандал познат како „Катаргејт“.

Од друга страна, европратениците го одбија барањето за одземање на имунитетот на нејзината сонародничка и сопартијка Елизабета Гвалмини, која исто така е опфатена со истрагата за „Катаргеј“.

Станува збор за истрага што ја води белгиското Јавно обвинителство во врска со наводите дека Катар и Мароко во 2022 година поткупиле претставници на ЕУ со цел да обезбедат влијание во носењето одлуки во Брисел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Таткото на Меган Маркл и официјално е прогласен за способен да му се суди за педофилија

Томас Маркл (82), таткото на Меган, војвотката од Сасекс, е способен да му се суди поради сомневање дека поседува материјал што прикажува сексуална злоупотреба на деца, утврди психијатриски експерт, изјави судијата на федералниот суд во Тампа,Флорида.

Таткото на Меган Маркл и официјално е прогласен за способен да му се суди за педофилија

Експертот Ејми Геродимос заклучи дека Маркл ги разбира обвиненијата и може да соработува со адвокат, пренесе АП.

Маркл беше уапсена на 6 ноември во дом за стари лица во Флорида.

Според Федералното биро за истраги (ФБИ), од две складишта во Калифорнија што Маркл ги изнајмувала биле запленети 78 предмети за кои постои сомневање дека содржат претстави на сексуална злоупотреба на деца.

Маркл ги отфрли обвинувањата.

Против него беше покрената истрага и на Филипините поради сомневање за поседување и намера да дистрибуира контроверзна содржина.

Кривичната пријава е поднесена до обвинителството по анализата на дигиталните уреди пронајдени во неговиот поранешен дом во градот Себу.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Епидемија на непозната болест кај патници на огромен крузер- десетици имаат стомачни проблеми (ВИДЕО)

Најмалку 148 патници и членови на екипажот на американскиот крузер „Caribbean Princess“ имаат стомачни проблеми, чија причина сè уште не е утврдена.

Епидемија на непозната болест кај патници на огромен крузер- десетици имаат стомачни проблеми (ВИДЕО)

Најмалку 148 патници и членови на екипажот на американскиот крузер „Caribbean Princess“ имаат стомачни проблеми, чија причина сè уште не е утврдена, а тие патувале од Форт Лодердејл, Флорида, на 12-дневно крстарење до Карибите, Колумбија и Панамскиот канал.

Најмалку 134 патници и 14 членови на екипажот пријавиле гастроинтестинални симптоми, вклучувајќи дијареја и повраќање, додека биле на крузерот „Caribbean Princess“, управуван од американската компанија „Princess Cruises“, од вкупно 2.936 патници на бродот, според американските Центри за контрола и превенција на болести (CDC), објави Мајами Хералд.

„Princess Cruises“ е во сопственост на компанијата „Caribbean Corporation“ со седиште во Мајами и Дејд.

Бродот пловел од 11 ноември, со планирани застанувања во Аруба, Колумбија и Панама, и се очекува да се врати во Форт Лодердејл во понеделник.

Не е јасно кога луѓето почнале да се разболуваат, но ЦДЦ ја објави епидемијата во вторник, речиси една недела откако крузерот го започна своето патување.

Федералните здравствени службеници изјавија дека крузерот презел различни мерки за да го забави ширењето на болеста, вклучително и зголемено чистење и дезинфекција, како и изолирање на заболените.

Ова е втора епидемија на гастроинтестинални заболувања пријавена на „Карипската принцеза“ оваа година и четврта оваа година на бродови управувани од „Принцот Крузес“, според ЦДЦ.

Претходната епидемија на „Карипската принцеза“ во мај беше предизвикана од многу заразниот норовирус, од кој заболеа околу 160 луѓе за време на крстарење по Карибите, според ЦДЦ.

Норовирусот е многу заразен вирус кој често предизвикува повраќање, дијареја и болки во стомакот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

БМВ го криел 21 година автомобилот што никогаш не го продал- има V12 мотор и е долг 5,5 метри (ВИДЕО)

По 21 година, BMW ѝ покажа на јавноста луксузен седан за кој речиси никој не знаеше дека постои. 

БМВ го криел 21 година автомобилот што никогаш не го продал- има V12 мотор и е долг 5,5 метри (ВИДЕО)

Станува збор за L7 Concept од 2005 година, огромен автомобил со V12 мотор кој требаше да биде врвот на понудата на германскиот производител, но никогаш не влезе во сериско производство, објави Мотор1.

Прототипот беше претставен од BMW Classic, само неколку дена по откривањето на уште еден заборавен проект, M7 од 1997 година.

Основата за L7 беше БМВ Серија 7 од генерацијата E65, или поточно редизајнираниот 760Li од 2005 година. Инженерите дополнително ја проширија каросеријата и добија седан долг дури 5,53 метри, приближно 35 сантиметри подолг од стандардниот 760Li и околу 14 сантиметри подолг од денешната Серија 7.

Скоро целиот дополнителен простор е наменет за патниците на задните седишта. Продолжената задна врата отвора пристап до кабина која повеќе наликува на луксузен салон отколку на ентериер на обичен автомобил.

Лесна кожа, дрвени акценти, дополнителен стаклен покрив и вграден фрижидер беа дел од опремата, додека просторот за нозе им овозможуваше на патниците да се истегнат речиси целосно.

Под хаубата се наоѓаше 6,0-литарски атмосферски V12 мотор со 445 КС и 600 Nm вртежен момент, земен од 760Li. За разлика од многу концепт автомобили кои остануваат на ниво на дизајнерски модели, L7 беше целосно функционално возило.

Всушност, BMW веќе имаше искуство со вакви седани. Помеѓу 1997 и 2001 година, беа произведени 899 примероци од претходниот модел L7, базиран на серијата 7 од генерацијата E38. Меѓу неговите познати сопственици беше и модниот дизајнер Карл Лагерфелд.

BMW не објасни зошто наследникот од 2005 година никогаш не доби зелено светло за производство. Едно можно објаснување е Rolls-Royce Phantom, кој беше претставен во 2003 година. Rolls-Royce веќе беше дел од BMW Group, па затоа новата, уште полуксузна серија 7 можеше да се натпреварува со автомобил од сопствената група.

Презентацијата на овој прототип доаѓа во интересно време. BMW подготвува полуксузна верзија на серијата 7 за 2027 година под брендот BMW Alpina, која ќе биде позиционирана над стандардниот модел, но под Rolls-Royce.

Нема таква иднина за концептот L7. Направен е само еден примерок, а помина цели 21 година подалеку од очите на јавноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер