Еврокомесарот Вархеји на средби во Бугарија за ветото кон Македонија

Бугарија очекува политичка волја за надминување на разликите со Македонија – ова било соопштено од бугарскиот државен врв на средбите со еврокомесарот Оливер Вархеји кој пристигна во ненадејна посета на Софија...

Бугарија ја поддржува интеграцијата на Западен Балкан во ЕУ, но од Македонија очекува политичка волја за надминување на разликите. Ова стои во соопштенијата на бугарскиот претседател и министер за надворешни работи кои денеска се сретнаа со еврокомесарот за проширување Оливер Вархеји. По средбата со шефот на бугарската дипломатија Светлан Стоев, од неговиот кабинет соопштуваат дека политиката на официјална Софија кон земјава останува на позициите од декларацијата усвоена од бугарското собрание во 2019та.

„Бугарија останува доследна во поддршката за европскиот пат на земјите од Западен Балкан, вклучително и Македонија. Водени од оваа позиција, вложивме сериозни напори да одржуваме отворен и целосен дијалог со нашите соседи и да ја вратиме довербата во односите меѓу нас“...порачал Стоев.

Од кабинетот на Румен Радев пак наведуваат дека Бугарија очекува ефективна акција од институциите на ЕУ за почитување на човековите права во Македонија додавајќи дека 120 илјади бугарски државјани во земјава, се и државјани на ЕУ. За евроинтеграциите пак Радев порачал:

„Бугарија е најзаинтересирана да ги види своите соседи во Европската унија, но за тоа е потребно целосно исполнување на Копенхашките критериуми за членство на Македонија, особено почитување на човековите права и принципите на добрососедство, кои се во срцето на Европска соработка.“

Во изминативе неколку месеци официјалната комуникација Скопје – Софија беше намалена со оглед на тоа што и по два изборни циклуси во Бугарија не беше составена политичка влада. Додека траат обидите за надминување на спорот, бугарскиот заменик -регионален министер Захари Христов објави дека 30 милиони евра од Европската унија ќе бидат инвестирани во развојот на пограничните региони на двете земји.

Кортни Кокс (60) се сними како излегува од замрзнувачот: „Одлично се чувствувам“

Кортени Кокс, актерката позната по улогата на Моника во серијата Пријатели, минатиот месец го прослави својот 60-ти роденден.

Својата рутина ја објави на Инстаграм за која вели дека одржува одлична фигура, но дури и самата призна дека понекогаш претерува.

„Само што го прославив роденденот... Не ми се допаѓа кој број беше, но немам избор“, почна со овие зборови во видеото снимено во теретана. Кокс рече дека треба да дадете сè од себе, а рутината за вежбање која таа им ја претстави на своите следбеници вклучуваше вежби за раце, влечење, вежби за гради, стомачни мускули и кардио.

Кортни носеше црн спортски градник и хулахопки во иста боја кои ја истакнаа нејзината витка фигура. Иако нејзиниот сет за вежбање е прилично стандарден, кон крајот на видеото работите се сменија. Актерката ја замени својата црна облека за вежбање за бикини и се сними како излегува од замрзнувачот.

„Што, ова ли е криотерапија? се пошегува познатата актерка. Инаку, криотерапијата или студената терапија вклучува употреба на ниски температури во медицинскиот третман и е пофалена за придобивки во намалувањето на воспалението и промовирањето на закрепнувањето. Иако на јавноста не и е познато дали Кокс тоа го прави секој ден, таа претходно објави видео на кое се обидува да влезе во ледена бања.

Кокс претходно изјави за „Glamour“ дека мислела дека ќе го мрази трендот на велнес, но го засакала со текот на годините. „Се чувствувам одлично со часови по влегувањето во замрзнувачот“, објасни таа и додаде: „Колку и да се плашите да влезете, знајте дека потоа ќе се чувствувате многу добро“. Таа истакна дека го сака напливот на допамин што го добива кога влегува во замрзнувачот.

Извор: Индекс.хр

Алиев: Азербејџан би можел да извезува гас преку Украина

Азербејџанскиот претседател Илхам Алиев изјави денеска дека Украина и Европската унија се заинтересирани Азербејџан да ја снабдува Европа со природен гас преку Украина oткако ќе истече постоечкиот договор со Русија на крајот на годината.

„Продолжуваат разговорите со властите во Украина и ЕУ, како и со Русија, и се чини дека сите страни се заинтересирани за продолжување на снабдувањето. Ќе помогнеме ако можеме“, рече Алиев на прес-конференција, пренесе Блумберг.

Тој посочи дека производството на гас во неговата земја ќе се зголеми благодарение на новите и постоечките проекти во Каспиското Море. Во 2022 година, Азербејџан потпиша меморандум за разбирање со Европската комисија со намера да го удвои извозот на гас во Европа на 20 милијарди кубни метри до 2027 година.

„Земјата се движи кон целта. Извозот во Европа ќе се зголеми на близу 13 милијарди кубни метри оваа година од 11,8 милијарди кубни метри во 2023 година и осум милијарди кубни метри во 2021 година. Испораките ќе се испраќаат преку т.н. Јужен гасен коридор што го поврзува Азербејџан со Европа преку Грузија и Турција“, рече Алијев./MИА

Норис стартува прв на Хунгароринг

Возачот на Мекларен, Ландо Норис, ја освои пол-позицијата за Големата награда на Унгарија, откако постави најбрзо време во квалификациите благодарение на кругот што го извозе за 1:15.227 минути.

Првиот стартен ред го комплетира неговиот тимски колега Оскар Пјастри со заостанување од 0,022 секунди. Трет трката ќе ја започне актуелниот шампион Макс Верстапен, кој беше за 0,046 секунди побавен од возачот на Мекларен.

Исходот од квалификациите го реши несреќата на Јуки Цунода на две минути пред крајот. Возачот на РБ малку пошироко излезе од свиокот 3, помина преку тротоарот, „скокна“ во воздух и нанесе штета на својот автомобил, како и појавата на црвени знамиња.

Трката на Хунгароринг е закажана за в недела во 15 часот./МИА

притисни ентер