Евробарометар: Речиси 80 отсто од жителите на Еврозоната сметаат дека еврото е добро за ЕУ - Канал 5

Европа

Евробарометар: Речиси 80 отсто од жителите на Еврозоната сметаат дека еврото е добро за ЕУ

Мнозинството испитаници сметаат дека еврото ги направило патувањата полесни и поевтини.

Евробарометар: Речиси 80 отсто од жителите на Еврозоната сметаат дека еврото е добро за ЕУ

Дури 79 отсто од жителите на земјите членки на Еврозоната сметаат дека постоењето на еврото е добро за Европската Унија, а 70 проценти веруваат дека заедничката европска валута е добра и за нивната држава, покажува најновото истражување на Евробарометар на Европската комисија.

Ваквите резултати од анкетата, според Европската комисија, покажуваат дека јавната поддршка за еврото останува многу силна меѓу европските граѓани.

Мнозинството испитаници сметаат дека еврото ги направило патувањата полесни и поевтини, а дури осум од десет анкетирани оценуваат дека заедничката валута ја олеснила купо-продажбата меѓу земјите членки на Еврозоната.

Анкета покажува и дека 61 отсто од испитаниците сметаат оти треба да се укинат монетите од едно и две евроценти, со што како најмала монета би останала таа од пет евроценти.

Резултатите од истражувањето покажуваат високо ниво на поддршка на европските граѓани за Инструментот за закрепнување и отпорност (РРФ), кој беше формиран во 2021 година со цел да им се помогне на земјите членки да се справат со последиците на Ковид пандемијата и да го поттикне нивниот економски раст, да ги направат нивните општества поодржливи и да ги подготви за спроведување на зелената и дигиталната транзиција.

Над две третини од анкетираните или 67 отсто ја поддржуваат идејата Унијата финансиски да го помага закрепнувањето на земјите членки, под услов тие да ги насочат средствата во зелени, дигитални и социјални инвестиции и да ги спроведат планираните реформи.

Истражувањето на Евробарометар е спроведено помеѓу 15 и 23 септември 2025 година со анкетирање на над 18.600 испитаници од сите 20 земји членки на Еврозоната.

Тагови: Евро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер